Síða 1 af 2
Höfundur lokast inni í yfirgefinni byggingu í Austurbænum en áður en það gerist nær hann að fanga ýmislegt og koma í orð. Hann veit stundum ekki hvort hlutir verði til í höfði hans eða séu aðfengnir – eða hvort munur sé á þessu tvennu. Bráðskemmtilegt sjálfstætt framhald af Innanríkið – Alexíus.
Faðir höfundar vaknar eina nótt við að ókunnugur maður stendur í svefnherbergisdyrunum á heimili hans við Skólavörðustíg. Aldarfjórðungi síðar rifjar sonurinn upp þessa reynslu föðurins og fer á stefnulaust flakk um fortíð og nútíð. Hér sýnir Bragi Ólafsson á sér nýja hlið; hann beinir athyglinni að því sem ekki er endilega skáldskapur.
100 og eitthvað ljóð 1986-2026
Úrval ljóða eftir Braga Ólafsson. Verkin eru einkum úr ljóðabókum Braga en einnig úr prósasöfnum og sérritum, auk þess sem nokkur ljóð birtast hér í fyrsta sinn. Óhætt er að segja að Bragi hafi mikla sérstöðu meðal íslenskra ljóðskálda.
Rithöfundur dregur sig í hlé á franskri eyju í Miðjarðarhafinu. Mörgum árum seinna kemur blaðakona til eyjunnar, staðráðin í að ná viðtali við manninn. Sama dag finnst lík á ströndinni og yfirvöld loka eyjunni. Í ljós kemur að það eru ekki ritstörfin sem blaðakonan vill ræða, heldur leyndarmál fortíðar sem einhver virðist reiðubúinn að drepa fyrir.
Minningar Ingu Bjarnason leikstjóra
Dásamlegur aldarspegill, í senn tragískur, fjörugur og fyndinn. Inga heillaðist snemma af leiklist og kom víða við í heimi leikhússins. Af fullri einlægni lýsir hún baráttu sinni við eigin takmörk, segir frá ástum og sorgum, sigrum og ósigrum – og leitar loks sátta við liðna tíð. Þar er fátt dregið undan.
Úlfurinn óforbetranlegi – en óneitanlega þó nokkuð glæsilegi – fær framúrskarandi hugmynd. Hann ætlar ekki bara að éta Rauðhettu, heldur ömmu hennar líka. Og það fyrirhafnarlaust, í krafti kænsku sinnar. Fyrri bækur höfundar á íslensku eru metsölubækurnar Hver er flottastur? og Hver er sterkastur?
Brynja er sannfærð um að dóttir hennar sé andsetin en Ída hagar sér óvenjulega og á ósýnilegan vin. Eftir því sem áhyggjur Brynju aukast fara yfirnáttúrulegir atburðir að trufla veruleikaskynjun hennar. Samtímasaga með hryllingsívafi um ást og aktívisma, listir og barneignir en fyrst og fremst allt hið óvænta og vandasama við móðurhlutverkið.
Anna og Tom hafa byggt líf sitt í Berlín upp af kostgæfni. Hver planta, uppskrift og færsla á félagsmiðlum er úthugsuð. Að fullkomna lífið er markmið heillar kynslóðar. Þau vilja ekki staðna í leitinni að fegurðinni sem ef til vill er ekki eins og myndirnar á netinu. Bók sem sló rækilega í gegn fyrir áleitna og kaldhæðna sýn á þúsaldarkynslóðina.
Hannes Pétursson hefur verið meðal höfuðskálda þjóðarinnar í rúma sjö áratugi, eða frá því að hann kvaddi sér hljóðs með Kvæðabók árið 1955. Hjá Leyningsvötnum er tólfta ljóðabók Hannesar. Skáldinu er einskis vant á árstíð saknaðarins og það hefur ekki dregið úr dirfsku sinni við að takast á við nútímann.
Konurnar í Lohr fjölskyldunni skilja ekki að Sigvaldi þeirra, með alla sína augljósu mannkosti, hafi aldrei gengið út. Ennfremur fá þær ekki skilið þá fráleitu ákvörðun hans að gerast einsetumaður í eyðivík. Dag einn birtist Sigvaldi á dyraþrepi móður sinnar með mánaðargamla stúlku í fanginu og neitar að svara því hver sé móðir barnsins.
Tvö þorp – austast og vestast í pólitíkinni en einnig á landakortinu. Hér er sögð ættarsaga sem teygir sig frá Norðfirði forðum til Keflavíkur dagsins í dag með viðkomu á Miðnesheiðinni. Þetta er saga fólks sem elskar og þjáist, sem leitar og flýr, um sársauka og söknuð, ofbeldi og kvótalaust haf.
Grand Hôtel í hjarta Stokkhólms stendur á tímamótum rétt eins og konurnar sem þar starfa. Saman takast þær á við ástir, svik og samfélagslegar skorður en þegar leyndarmál fortíðarinnar koma upp á yfirborðið reynir á traustið og í ljós kemur hverju þær eru tilbúnar að fórna. Fyrsta bókin í grípandi bókaflokki sem hefur farið sigurför um Evrópu.
Þrjár ólíkar raddir segja frá – útskúfaður rithöfundur, þekkt leikkona og róttækur femínisti. Í tölvupóstsamskiptum þeirra á milli birtist heimur gegnsýrður af kynbundnu valdi og afleiðingum #MeToo, en þar eru líka fíkn, vinátta og leit að merkingu í heimi sem virðist oft vera að hrynja. Snjöll samtímasaga frá einum áhrifamesta höfundi Frakklands.
Tuttugu og fjögur ár eru síðan Helena eyddi sumri á Kýpur og varð ástfangin í fyrsta skipti. Hún snýr aftur með fjölskyldu sinni þegar hún erfir húsið Pandóru. Helena veit að húsið geymir leyndarmál sem hún hefur haldið frá eiginmanni sínum og syni. Þegar hún hittir óvænt gamla kærastann, hefst atburðarás sem gæti haft óafturkræfar afleiðingar.
Ljóðsaga um líkamann, tungumálið og manneskjuna andspænis heilbrigðiskerfinu. Í ljóðunum fléttast mannleg samskipti og skynjun saman við náttúruna í sterku og oft ærslafullu myndmáli. „Ljóðrænt ferðalag um mátt tungumálsins til að takast á við mótlæti, halda reisn og skilja undur hins mannlega,“ segir dómnefnd Nýræktarstyrks.
Bréfaritari er staddur í Lissabon og vildi að María væri þar með sér. Hann sér henni bregða fyrir á götum borgarinnar, sólin er svo heit og púrtvínið kallar fram undarlegustu myndir. Í löngu bréfi til Maríu skrifar hann um allt sem sækir á hugann, leiftur úr bókmenntum og mannkynssögunni og það sem verður á vegi ferðalangans á framandi slóðum.
Þegar Daníel missir vinnuna beinist öll athygli hans að eldhúsinnréttingunni. Möguleikar á úrbótum eru margir og heillandi. Honum veitist þó erfitt að vekja ástríðu konu sinnar gagnvart verkefninu. Hann gleymir sér yfir kynórum um starfsfólk innréttingabúða og ekki bætir úr skák þegar búsáhöldin lifna við og leggja orð í belg.
Í lífinu mætum við flóknum áskorunum. Til að takast á við þær þarf að beina huganum í rétta átt. Þessi bók er eins og neyðarkassi með bjargráðum handa öllum: okkur sjálfum, börnunum þegar þau fljúga úr hreiðrinu og fjölskyldunni þegar við vitum ekki hvernig best er að orða hlutina.