Hallgerðarsaga

Hallgerður langbrók hefur lifað með þjóðinni í þúsund ár. Hefur hún fengið harða dóma fyrir að standa ekki með manni sínum, Gunnari á Hlíðarenda, á ögurstundu. Í þessari bók fær hún harðan kinnhest þar sem Rannveig, móðir Gunnars, segir söguna. Óhætt er að segja að Rannveigu sé í nöp við tengdadóttur sína og er þá vægt til orða tekið.

Rannveig Gunnarsmóðir hefur aldrei áður sagt sögu sína. Því eru þetta bókmenntaleg stórtíðindi.

Svetlana Makarovič er þekktasti rithöfundurinn í Slóveníu, þótt Íslendingar hafi aldrei heyrt hennar getið. Hún fékk ást á Íslandi og Íslendingasögum og hér birtist afraksturinn.