Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Kafalda

Forsíða kápu bókarinnar

Metnaðarfullur aðstoðarmaður ráðherra verður fyrir netárás sem hefur ófyrirsjáanlegar afleiðingar. Þróaðar símanjósnir og ný kynslóð tölvutækni gerir ósýnilegum óvinum hans auðvelt að leika sér með orðstír hans, æru og fyrirætlanir. Samstarfsmenn hans halda að sér höndum og það hriktir í stoðum fjölskyldunnar.

Hér fer Úlfar Þormóðsson með lesandann um myrka ranghala stjórnkerfisins um leið og hann dregur upp sérlega minnisstæða mynd af embættismanni sem lifir sérkennilegu lífi – er í senn fórnarlamb og klókur og kaldur gerandi.

Eftir Úlfar Þormóðsson liggja fjölmargar bækur, bæði skáldverk og rit af öðru tagi. Kafalda er mögnuð saga sem einkennist af ferskleika og nýsköpun.