Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Nýtt líf

Forsíða kápu bókarinnar

Darcy Gray er vinsæll áhrifavaldur, með meira en milljón fylgjendur á netinu. Hún er um fertugt, gift stórríkum verslunareiganda og býr á Manhattan í New York. Til að fagna tuttugu ára brúðkaupsafmæli ákveður Darcy að koma manni sínum á óvart og fljúga til Rómar þar sem hann er í viðskiptaerindum. En þar verður hún fyrir áfalli lífs síns.

Dætur þeirra, tvíburarnir Penny og Zoe, eru erlendis í skiptinámi og hún flýr til dóttur sinnar Zoe í París.

En meðan hún dvelur í París skellur á heimsfaraldur og hún neyðist til að vera áfram í Frakklandi, aðskilin bæði frá Zoe og stórfjölskyldunni. Það verður henni til bjargar andlega að hún fær skjól hjá aldraðri kvikmyndastjörnu þar sem hún kynnist bandarískum verkfræðingi. Í sameiginlegri innilokun bráir af Darcy og þrátt fyrir áhyggjur af dætrunum veit hún að betri tíð er í vændum.

Áhrifarík skáldsaga um hvernig mikið andstreymi getur fætt af sér von – og jafnvel nýtt líf.

Bandaríska skáldkonan Danielle Steel er vinsælasti ljúflestrarhöfundur heims og hafa bækur hennar selst í meira en milljarði eintaka. Bækur henna koma nú aftur út á íslensku eftir langt hlé.

Snjólaug Bragadóttir íslenskaði.