Sálmabækur 16. aldar, I og II

Í fyrra bindinu er handbók og sálmakver Marteins biskups Einarssonar 1555 og Sálmabók Gísla biskups Jónssonar 1558. Í öðru bindi er Sálmabók Guðbrands biskups Þorlákssonar 1559. Þessir sálmar sem höfðu mikil áhrif á þróun kveðskapar, söngs og tónlistar í landinu eru nú loks aðgengilegir almenningi.

Bók Marteins Einarssonar var prentuð í Kaupmannhöfn 1555 og ber heitið „Ein kristilig handbog ...“. Hún er þrískipt, í fyrsta lagi handbók fyrir kennimenn, í öðru lagi sálmasafn og í þriðja lagi nokkrar predikanir.

Sálmabók Gísla Jónssonar er prentuð í Kaupmannahöfn 1558 undir titlinum „Að Guðs lof megi ætíð aukast ...“

Sálmabók Guðbrands Þorlákssonar er prentuð á Hólum í Hjaltadal 1589 og heitir: „Ein ný sálmabók með mörgum andlegum sálmum ...“ Í sálmabók Guðbrands eru nótur með mörgum sálmanna sem segja má að hafi verið nýjung í slíkri útgáfu og hafði mikil áhrif á guðsþjónustuhald og menningu.

Þessi rit höfðu mikil áhrif á þróun kveðskapar, söngs og tónlistar í landinu og áttu einnig drjúgan þátt í varðveislu íslenskunnar og eru því mikilvæg fyrir íslenska málsögu og tónlistarsögu. Með þeim voru kynntir fjölmargir erlendir bragarhættir og jafnframt var ýtt undir skáld að yrkja sálma og veraldleg kvæði á íslensku.