Sigvaldi Thordarson arkitekt

Sigvaldi Thordarson var einn kunnasti arkitekt eftirstríðsáranna. Albína Thordarson rekur hér sögu föður síns og verka hans og varpar um leið ljósi á þróun íslenskrar byggingarlistar á 20. öld. Pétur H. Ármannsson ritar um náms- og mótunarár Sigvalda. Fjöldi áður óbirtra ljósmynda og teikninga prýðir bókina.

Ferill Sigvalda Thordarsonar spannar mikilvægt mótunarskeið í íslenskri byggingarlist. Verk hans bera vitni um nýjar hugmyndir í húsagerð eftirstríðsáranna, breyttan lífsstíl og vaxandi metnað í íslenskri byggingarlist. Í bókinni er sjónum beint að verkum hans, vinnubrögðum og þeirri sýn sem mótaði arkitektúr hans, jafnframt því sem ferill hans er settur í samhengi við þróun byggingarlistar hér á landi á 20. öld.

Albína Thordarson, arkitekt og dóttir Sigvalda, hefur einstaka innsýn í líf hans og starf og frásögn hennar færir lesandann nær manninum á bak við verkin. Pétur H. Ármannsson arkitekt, sem hefur um árabil rannsakað og ritað um íslenska byggingarlist og arkitektasögu, fjallar meðal annars um náms- og mótunarár Sigvalda og þann hugmyndaheim sem hann kom inn í sem ungur arkitekt.

Fjöldi áður óbirtra ljósmynda og teikninga varpar nýju ljósi á verk Sigvalda og þróun þeirra, og í bókinni er jafnframt ítarleg skrá yfir verk hans. Bókin dregur þannig upp fjölþætta mynd af arkitektinum Sigvalda Thordarson, verkum hans og stöðu í íslenskri byggingarlistasögu.