Út með færið

Hér er á ferðinni ómissandi bók fyrir allt veiðifólk. Gylfi Pálsson skrifaði ótal pistla um allar hliðar stangveiðinnar. Hann skrifar hér um silungsveiði, laxveiði, vatnaveiði, veiði í ám og veiði úr fjöru! Hann skoðar einnig umhverfi veiðimannsins, bæði náttúruna og umgjörðina. Sögurnar eru bæði fróðlegar, spennandi og stórskemmtilegar.

Gylfi var helsjúkur af veiðibakteríunni og stundaði stangveiði af ástríðu, bæði silungs- og laxveiði. Hann var er líklega þekktastur í veiðiheiminum fyrir það að hafa verið ritstjóri Veiðimannsins frá 1994 til 2001. Í blaðið skrifaði hann fjölmargar greinar, pistla og viðtöl. Auk þess skrifaði hann pistla í aðra fjölmiðla og einnig fyrir sjálfan sig, pistla sem hafa ekki birst áður. Gylfi fæddist á Akureyri 1933 og lést árið 2024. Hann fór síðast til veiða þegar hann var rúmlega níræður.