Síða 1 af 2
Atli fær verk í eina tönnina og mamma fer með hann til Elfu tannlæknis. Á biðstofunni hittir hann Láru og Ljónsa. Atla finnst tannlæknastóllinn eiginlega vera eins og geimskip úr framtíðinni, með lítil geislasverð, kíki og slímbyssur. Spennandi! Bækurnar um Láru, Ljónsa og Atla eru litríkar og fallegar, skemmtilegar sögur sem krakkar hrífast af.
Önnur bókin í Haparanda-glæpasagnaflokki sænska verðlaunahöfundarins Hans Rosenfeldt sem sló í gegn sem handritshöfundur sjónvarpsþáttanna Broen. Hanna Wester snýr aftur til starfa hjá lögreglunni í Haparanda eftir sorgarleyfi og fær strax í fangið erfitt mál. Lík nýfædds barns hefur fundist úti í skógi og móðirin er horfin.
Ljóðsagan Brotnar línur er hrá og hrífandi rannsókn á aftengingu. Hér segir frá ungri konu sem heldur úr borginni út á land til að vinna í sláturhúsi. Þar kynnist hún köldum veruleika blóðugrar matvælaframleiðslu en líka fólkinu í þorpinu og upplifir fegurð og forvitni, nánd og hlýju.
Jack Reacher bjargar konu úr hremmingum úti í eyðimörkinni í Arizona. Hún reynist vera að leita að tvíburabróður sínum sem er lentur í klóm grimmúðugs glæpagengis. Reacher býðst til að leggja henni lið – enda hefur hann ekkert á móti dálítið vafasömum félagsskap. Tuttugasta og sjötta bókin í metsöluflokknum um harðjaxlinn Jack Reacher.
Skotheldur spennutryllir um barnslegt sakleysi og brostna drauma, ábyrgð og svik. Deild Q hjá lögreglunni kemst yfir hljóðupptöku sem varpar ljósi á gamalt morðmál. Óvæntar tengingar við ný dauðsföll beina athygli að leyndarmálum fortíðar og þekktum drengjakór. Bækurnar um Deild Q hafa farið sigurför um heiminn og hér hefst nýr kafli í þeirri sögu.
Þriðja bók Margrétar S. Höskuldsdóttur um lögregluteymið Rögnu og Berg. Eldgosið í Heimaey er í algleymingi og þrjú systkini frá Eyjum eru send í fóstur vestur á firði. Löngu síðar snýr eitt þeirra aftur og um svipað leyti finnast mannabein á Dynjandisheiði. Margrét hlaut Blóðdropann 2025 fyrir aðra bókina í seríunni, Lokar augum blám.
Kvöldið sem Ágúst Strindberg flytur í lítinn bæ á vesturströnd Svíþjóðar skellur á mikill stormur og vinsæll grunnskólakennari í bænum hverfur sporlaust. Hvað kom fyrir Agnesi? Hvernig tengist hvarfið húsinu þar sem Ágúst býr? Ný glæpasagnasería frá einum vinsælasta spennusagnahöfundi Svíþjóðar. Æsispennandi atburðarás og óvæntar vendingar.
Falleg bók fyrir yngstu börnin sem þroskar og örvar skilning þeirra. Þau skoða bókina aftur og aftur!
Einstaklega falleg og fjölbreytt prjónabók sem byggist á glæpasögunum um ísfirsku lögguna Hildi sem hafa farið sigurför um heiminn. Áhersla er lögð á sígildar íslenskar lopapeysur en einnig má finna útfærslur í léttari og látlausari stíl. Flestar uppskriftanna eru bæði í stærðum fyrir konur og karla.
Hér heldur metsöluhöfundurinn og samfélagsmiðlastjarnan Nathan Anthony áfram að kenna heimiliskokkum að nota lofsteikingarpottinn til að reiða fram girnilegan heimilismat án fyrirhafnar og á örskömmum tíma, en allar uppskriftirnar í bókinni miða við hálftíma eða minna. Hollar og seðjandi uppskriftir gerðar til að spara tíma og fyrirhöfn.
50 einfaldar og fjölbreyttar styrktar- og liðleikaæfingar sem auka kraft, þol og jafnvægi. Hverri æfingu fylgja myndir og skýrar leiðbeiningar. Æfingarnar eru framkvæmdar án áhalda og þær er hægt að gera hvar sem er. Hreyfispjöldin henta fólki á öllum aldri, byrjendum jafnt sem lengra komnum.
Þriðja bókin um beinasérfræðinginn Ruth Galloway sem aðstoðar lögregluna við að leysa gömul mál. Sex beinagrindur finnast á ströndinni við gamalt setur í Norfolk. Þær hafa greinilega legið þar lengi og málið virðist teygja anga sína aftur til stríðsáranna. Ómótstæðileg blanda af ráðgátum og spennu, fornleifafræði, húmor og heillandi persónum.
Milla og Milla eru mættar aftur til leiks! Nú þarf Milla að vera í pössun hjá ömmu sinni sem er bæði mikil skvísa og nagli, og reynist eiga sér risastórt leyndarmál. Bumban á Línu kennara stækkar, Jónas bróðir er enn sami unglingurinn og Bassi er áfram krúttlegasti hundur í heimi! Sannkölluð lestrarskemmtun með myndum sem dansa á síðunum.
Þriðja bókin um Hildi og félaga í lögreglunni á Ísafirði. Einkennileg ofbeldisverk sem öll virðast tengd dýrum og dýravernd eru framin víða um land. Hildur og Jakob félagi hennar hefja rannsókn en Jakob er á förum til Finnlands þar sem á að útkljá forræðisdeilu sem hann stendur í. Æsispennandi saga þar sem ótal þræðir fléttast saman á óvæntan hátt.
Zara og Alex, litli bróðir hennar, þurfa að verja jólunum hjá Geirþrúði, fjarskyldri frænku, í skuggalegu iðnaðarhverfi eftir alvarlegt slys rétt fyrir jól. Frænkan reynist alveg hræðileg en til að gleðja Alex lofar Zara honum bestu jólum allra tíma. Til þess að fjármagna það ævintýri þarf hún að leggja mikið á sig, hundelt af rússneskum tvíburum.
Á ferðalagi um tónlistarsöguna
Aðgengilegt og fróðlegt rit þar sem leyndardómum klassískrar tónlistar er lokið upp. Magnús er ástríðufullur fræðari; fundvís á áhugaverðar staðreyndir, skemmtilegar sögur og ekki síst vandaðar upptökur, sem hann hefur sett saman í spilunarlista sem má nálgast á streymisveitum. Bókin hentar öllum sem vilja auka við þekkingu sína.
Lára fær mömmu með sér á skautasvell til að prófa að skauta. Mest langar Láru að hraðsnúast á svellinu í glitrandi kjól en það kemur í ljós að það er ýmislegt sem þarf að læra áður en hún nær slíkri færni. Hversdagssögur Birgittu Haukdal um Láru og bangsann Ljónsa hafa verið metsölubækur í fjölda ára og vinsæl leiksýning verið gerð eftir þeim.
Grallaraleg myndskreytt saga með heimspekilegu ívafi. Dag einn birtist dularfullt lítið gat úti í garði og vekur forvitni Óla og Sissu. Gatið gleypir í sig allt sem kemur nálægt því: steina og prik, sveppi, mjólkurfernu og loks kisuna hans Óla! Þegar krakkarnir ætla að bjarga kisu kemur í ljós að þetta gráðuga gat leynir svo sannarlega á sér.