Síða 1 af 2
Atli er búinn að vera duglegur að hjálpa til á heimilinu í allt sumar og mamma ætlar að verðlauna hann með tívolíferð. Þau bjóða Láru og Ljónsa með og framundan er ógleymanlegt fjör og skemmtun. Og risastórt kandífloss! Sögurnar um Láru, Ljónsa og Atla eru litríkar og fallegar bækur sem krakkar hrífast af.
Smásögur, greinar og ljóð
Á íslenskum skóm inniheldur úrval af þekktustu smásögum Halldórs Laxness, nokkrar greinar og ljóð. Af smásögum hans eru birtar sögurnar: Fugl á garðstaurnum, Jón í Brauðhúsum, Lilja, Ósigur ítalska loftflotans í Reykjavík 1933 og Ungfrúin góða og Húsið. Þessi útgáfa er með nútímastafsetningu og orðskýringum.
Æsispennandi og öðruvísi álfahrollvekja. Þrír menntskælingar fá það verkefni að búa til hlaðvarpsþátt um álfa. Þau grafa upp dularfullt þorp á Suðurlandi sem tengist álfum og virðist eiga sér blóðuga sögu. Fljótlega verður ljóst að þorpsbúar hafa margt og miður fallegt að fela – og það getur reynst stórhættulegt að spyrja rangra spurninga.
Ung urðu Beth og Gabriel ástfangin og áttu saman dásamlegt sumar. Áratug síðar býr Beth enn í sveitinni, gift góðum manni, þegar æskuástin snýr aftur. Óútkljáð fortíðin varpar dimmum skugga og eldfim leyndarmál knýja Beth til að taka erfiðar ákvarðanir. Hjartnæm, grípandi og spennuþrungin saga þar sem sterkar tilfinningar ýta fólki út á ystu nöf.
Fyrsta skáldsaga Elizu Reid, fyrrverandi forsetafrúar, er spennandi og listilega fléttuð glæpasaga þar sem leyndarmálin eru afhjúpuð hvert af öðru. Morð er framið í miðjum hátíðarkvöldverði kanadískra diplómata í Vestmannaeyjum. Ýmsir liggja undir grun og sendiherrafrúin ákveður að rannsaka málið upp á eigin spýtur.
Finnst þér eins og allt sé of stórt, of langt í burtu eða alltof hátt uppi? Þá býrðu kannski í risalandi! Dásamleg saga um að vera lítill í heimi fullorðinna, um allt sem reynist smáfólki erfitt en líka allt það stórkostlega sem kemur í ljós þegar horft er á heiminn frá sjónarhóli barnsins. Bókin hlaut Sólfaxa – íslensku barnabókaverðlaunin 2025.
Flóra geymir myndir af flestum tegundum íslenskra blómplantna og byrkninga, alls um 460. Megináhersla er lögð á að sýna fegurð plantnanna og sérkenni. Langflestar myndanna eru gerðar eftir lifandi eintökum en annars byggt á bestu heimildum og ýmis einkenni dregin fram. Myndir Jóns Baldurs eru landskunnar og hafa birst víða er...
Prjón hannað út frá gömlum sjóarapeysum
Klassísk og falleg prjónabók með flíkum fyrir karla, konur og börn. Fjölmargar stílhreinar og tímalausar uppskriftir, flestar að peysum en einnig að ýmsum öðrum flíkum og fylgihlutum, til dæmis vesti, húfu, sjali og barnateppi, sem koma sér vel bæði á sjó og í landi. Flíkurnar eru í senn hentugar, hlýjar og fallegar.
Fjölbreyttar og fallegar uppskriftir að hekluðum flíkum fyrir börn á aldrinum 0–24 mánaða. Í bókinni eru einnig uppskriftir að ýmsu öðru fyrir barnið og barnaherbergið. Flíkurnar eru einfaldar og látlausar og áhersla er lögð á sem minnstan frágang. Hér geta bæði byrjendur í hekli og reyndir heklarar fundið eitthvað við sitt hæfi.
Hvers vegna er svona erfitt að einbeita sér – og hvað er til ráða?
Börn og fullorðnir eiga æ erfiðara með einbeitingu: að lesa, læra og fást við flókin verkefni. En hver er ástæðan og hvað er til ráða? Hér er rýnt í þá ólíku þætti sem ræna okkur getu til djúprar og sjálfstæðrar hugsunar, með uggvekjandi afleiðingum. Einstaklega áhugaverð og læsileg metsölubók um brýnt málefni.
Önnur bókin í metsöluflokki um fornleifafræðinginn dr. Ruth Galloway sem aðstoðar lögregluna í Norfolk á Englandi við rannsóknir glæpamála. Gömul barnsbeinagrind finnst undir þröskuldi á gömlu glæsihýsi sem verið er að rífa. Er hugsanlega um að ræða fórn tengda gömlum helgisiðum? Ómótstæðileg blanda af ráðgátum, húmor og spennu.
Láru finnst hestarnir á reiðnámskeiðinu svolítið stórir og ætlar varla að þora að fara á bak. Atli vinur hennar er vanur hestum úr sveitinni hjá afa sínum og ömmu og gefur Láru góð ráð. Hversdagssögur Birgittu Haukdal um Láru og bangsann Ljónsa hafa verið metsölubækur í fjölda ára og vinsæl leiksýning verið gerð eftir þeim.
Sjálfstætt framhald metsölubókarinnar Þernan. Molly Gray er orðin yfirþerna á hinu glæsilega hóteli Regency Grand. Þegar heimsþekktur rithöfundur er myrtur í einum sal hótelsins umturnast líf hennar. Margir liggja undir grun og allir virðast hafa eitthvað að fela. Er Molly sjálf til dæmis eins saklaus og hún segist vera?
Hollir, gómsætir og fljótlegir réttir
Spennandi matreiðslubók eftir breskan metsöluhöfund með 80 girnilegum uppskriftum að loftsteiktum réttum fyrir sanna sælkera. Hentar byrjendum jafnt sem reyndum, kjötætum, grænmetisætum og grænkerum. Það er fljótlegt og hollt að elda í air fryer sem er ótvíræður kostur fyrir önnum kafið fólk og þá sem vilja fækka hitaeiningum.
Loforðið var valin besta sagan í samkeppninni um Íslensku barnabókaverðlaunin 2007. Hún lýsir á einstakan hátt þeim tilfinningum sem bærast með ellefu ára stelpu sem verður fyrir því að missa bestu vinkonu sína. Sagt er frá vináttu stelpnanna, áfallinu og söknuðinum, og síðast en ekki síst litla skrýtna lyklinum og loforðinu.
Kajakræðarar hverfa sporlaust vestur í Dýrafirði og lögregluteymið Ragna og Bergur eru sett í málið. Á sama tíma vinnur par frá Reykjavík að endurbótum á gömlu húsi á Flateyri sem reynist eiga sér nöturlega sögu. Sjálfstætt framhald af Í djúpinu. Vestfjarðaglæpasaga í klassískum anda sem fær hárin til að rísa.
22 sígildar prjónauppskriftir
Glæsileg prjónabók með 22 uppskriftum að tímalausum kvenflíkum; opnum og heilum peysum, toppum, húfum, sjölum, sokkum og handstúkum. Falleg kaðlamynstur og gataprjón einkenna hönnunina og hvarvetna er hugsað út í fínleg smáatriði. Stærðir eru fjölbreyttar auk þess sem verkefnin í bókinni henta bæði byrjendum og lengra komnum.
Hnyttin og heillandi saga sem hefur farið sigurför um heiminn. Tova Sullivan, starfsmaður á sædýrasafni í Norður-Kaliforníu, kynnist geðvonda kolkrabbanum Marcellusi, sem er vinsælasti sýningargripur safnsins. Dularfullt hvarf Erics, sonar Tovu, hátt í þrjátíu árum fyrr hvílir þungt á henni en Marcellus reynist luma á upplýsingum um málið.