Gamla Bókabúðin hennar ömmu
Það er gaman að heimsækja gamlar bókabúðir, sérstaklega þegar amma þín býr í einni slíkri. Hér er á ferðinni einstaklega fallega myndskreytt bók um ævintýradag Ágústu litlu og ömmu hennar í Gömlu Bókabúðinni á Flateyri.
Höfundur: Freydís Kristjánsdóttir
Heimir hugrakki og lífið í leikskólanum
Músin Heimir læðist inn í leikskólann Álfheima. Þar er líf og fjör og nóg um að vera. Það verður uppi fótur og fit þegar uppgötvast að það sé komin mús inn í skólann. Hefst þá leitin að Heimi.
Rípa
The Troll-Girl
Rípa sem fyrst kom út árið 2018 er nú komin út á ensku. Tröllastelpan Rípa býr í helli uppi í fjöllum ásamt foreldrum sínum, afa, ömmu og mörgum bræðrum. Í dalnum er lítið afskekkt þorp og þar býr mannsbarnið Lóa. Dag einn þegar Rípa fer lengra niður fjallið en áður hittir hún Lóu, sem hefur farið hærra upp í fjallið en hún má.
Úr eldri árgöngum
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Eldur | Björk Jakobsdóttir | Forlagið - JPV útgáfa | Þegar eldgos hefst í jöklinum fer í gang örvæntingarfull leit að Hetju og hinum hrossunum sem hafa forðað sér á hlaupum – en hvert hafa þau farið? Eldur fjallar um vinkonurnar Hetju og Björgu sem mega ekki hvor af annarri sjá. Æsispennandi og skemmtileg bók, sjálfstætt framhald af Hetju sem fékk afar góðar viðtökur. |
| Saga finnur fjársjóð (og bætir heiminn í leiðinni) | Sirrý Arnardóttir | Veröld | Saga er nýflutt í borgina og leiðist. Hún fer út og hittir þar þrjá stráka sem allir eru eins, og saman ákveða þau að gera heiminn betri. Þau byrja á því að tína upp rusl í fjörunni og finna þar óvenjulegan fjársjóð sem hefur óvæntar afleiðingar í för með sér ... |
| Tríó lendir í ævintýrum | Bjarni Hafþór Helgason | Veröld | Hvolpurinn Tríó laumar sér óvænt inn í líf Stebba og Ásu og foreldra þeirra. Hann reynist mjög forvitinn en líka afar klókur. Fjölskyldan lendir í alls konar ævintýrum þegar Tríó ákveður að fara sínar leiðir, hvort sem það er að grafa sig inn í gæludýraverslun, fljúga með dróna eða fara í óvænta og óvenjulega sjóferð! |
| Valli litli rostungur – ævintýri byggt á sannri sögu | Helgi Jónsson, Edda Elísabet Magnúsdóttir og Anna Margrét Marinósdóttir | Sögur útgáfa | Dag einn birtist óvænt lítill rostungur á bryggju í bæ við strendur Íslands. Þetta er hann Valli litli sem er svangur eftir langt ferðalag. Það er ekki auðvelt að vera sex ára áttavilltur rostungur sem hefur týnt mömmu sinni. Skyldi hún enn vera á lífi? Lestu og hlustaðu á hljóð sjávardýranna. Þú getur líka hlustað á Jóhann Sigurðarson lesa söguna. |