Rithöfundur dregur sig í hlé á eyju undan ströndum Miðjarðarhafsins. Árum seinna kemur blaðakona til eyjunnar staðráðin í að ná viðtali við manninn. Sama dag finnst lík á ströndinni og yfirvöld loka eyjunni. Í ljós kemur að það eru ekki ritstörfin sem blaðakonan vill ræða, heldur leyndarmál fortíðar sem einhver virðist reiðubúinn að drepa fyrir.
Úlfurinn óforbetranlegi – en óneitanlega þó nokkuð glæsilegi – fær framúrskarandi hugmynd. Hann ætlar ekki bara að éta Rauðhettu, heldur ömmu hennar líka. Og það fyrirhafnarlaust, í krafti kænsku sinnar. Fyrri bækur höfundar á íslensku eru metsölubækurnar Hver er flottastur? og Hver er sterkastur?
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Góðan daginn bréfberi | Michaël Escoffier og Matthieu Maudet | Benedikt bókaútgáfa | Bráðskemmtileg myndabók fyrir börn á öllum aldri. Bréfberinn ferðast um með stundum óvæntar – en alltaf ánægjulegar! – sendingar. |
| Mig langar svo í krakkakjöt | Sylviane Donnio | Benedikt bókaútgáfa | Hvað eiga krókódílamamma og krókódílapabbi að taka til bragðs þegar Grettir litli krókódíll segist ekki vilja borða neitt nema … krakkakjöt? Hæfilega skelfileg og skemmtilega myndskreytt frönsk barnabók sem fullorðnir nenna að lesa aftur og aftur. Og aftur. |
| Samþykki | Vanessa Springora | Benedikt bókaútgáfa | Unglingsstúlkan V. lifir og hrærist í heimi bóka og hana dreymir um að verða rithöfundur. Þrettán ára gömul kemst hún í kynni við G., þekktan höfund sem fjallar gjarnan um sambönd sín og samneyti við ólögráða börn. Í bókinni er velt upp spurningum um samþykki; bæði í persónulegum skilningi og því sem samfélagið samþykkir á hverjum tíma. |