Blóðþyrstu mannæturnar Dagur og Ylfa eru á flótta undan Interpol ásamt læknanemanum Inga Birni. Þegar hungrið vaknar er aðeins ein leið til þess að seðja það! Flóttinn verður að blóði drifinni Evrópureisu með viðkomu í líkbrennslu í Stuttgart, útsýnisturni í Svartaskógi og baðhúsi í Búdapest. Varúð! Ekki fyrir viðkvæma!
Regína og Litlavin eru eins ólíkar í útliti og hægt er. Auk þess ólst Regína upp hjá hertoganum í Normandí en Litlavin hjá vinnuhjúum á Íslandi. Á fjórtán ára afmælisdegi þeirra birtist dularfullt fólk hjá þeim báðum. Fólk sem er með drekapeð í fórum sínum og ætlar að – haltu þér fast – veiða þær. En af hverju? Hverjar eru þessar stelpur?
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Bál tímans Örlagasaga Möðruvallabókar í sjö hundruð ár | Arndís Þórarinsdóttir | Forlagið - Mál og menning | Ofan í læstri hvelfingu í Reykjavík eru varðveitt ómetanleg skinnhandrit sem voru skrifuð fyrir mörg hundruð árum. Eitt þeirra er Möðruvallabók. Hér segir hún sögu sína þar sem við sögu koma hetjur og skúrkar Íslandssögunnar og hvernig hún slapp aftur og aftur naumlega frá báli tímans. Bók sem öll fjölskyldan getur notið saman. |
| Ferðin á heimsenda Illfyglið | Sigrún Elíasdóttir | Forlagið - JPV útgáfa | Húgó og Alex eru búin að týna hvort öðru en halda þrátt fyrir það áfram leitinni að síðustu steinstyttunni. Á meðan þau kljást við úrillan dreka, blóðþyrsta drottningu og allt of kurteist skrímsli sveimar Illfyglið yfir og veit að brátt mun tími þess renna upp. Þetta er lokabindið í bráðfyndnum fantasíuþríleik fyrir 8–12 ára lesendur. |
| Hringavitleysa | Sigurrós Jóna Oddsdóttir | Bókabeitan | Af hverju í ósköpunum hafði Fjóla samþykkt að taka þátt í þessari vitleysu? Nú var hún á harðahlaupum, með heimska belju og meðvitundarlausan kóngsson í eftirdragi og tvær ófrýnilegar tröllskessur á hælunum. Þetta var algjörlega út í hött og alls ekki það sem hún hafði ætlað sér þegar hún mætti í skólann um morguninn. |
| NammiDagur | Bergrún Íris Sævarsdóttir | Bókabeitan | Bráðfyndin hrollvekja í bland við sjóðheita ástarsögu. Dagur og Ylfa ranka við sér í líkhúsinu, hissa á að vakna aftur eftir skotárás sérsveitarinnar. Þau leggja á flótta, húkka sér far út á land og hreiðra um sig í bústað með nóg af grillkjöti í nesti ... |
| SkuldaDagur | Bergrún Íris Sævarsdóttir | Bókabeitan | Blóðþyrstu unglingarnir Dagur og Ylfa snúa aftur í æsispennandi, bráðfyndinni og sjóðheitri sögu. Hver er dr. Argus og hvað hafa dularfull samtök lækna og vísindamanna í hyggju fyrir Norðurlöndin? Getur Dagur hamið hungrið nógu lengi til þess að bjarga Ylfu? – og af hverju þarf hann alltaf að fá standpínu á verstu mögulegu stundu? |
| VeikindaDagur | Bergrún Íris Sævarsdóttir | Bókabeitan | Þetta byrjaði þegar ég gleymdi að taka lyfin. Fimm dögum síðar ligg ég í líkhúsinu ... dáinn og stjarfur á köldu stálborðinu. Dagur er eitthvað svo ólíkur sjálfum sér, með botnlausa matarlyst, dynjandi höfuðverk, gloppur í minninu og óteljandi spurningar. Hvað varð eiginlega um Breka? Af hverju er auga í klósettinu? Á hann kannski séns í Ylfu Dögg? |