Síða 1 af 2
Sigrún er þrettán að verða fjórtán og búin að ákveða að hún sé hætt að vera lúði – sérstaklega nú þegar Aníta er flutt í götuna. En ef hún ætlar að verða vinkona Anítu verður ýmislegt að breytast í lífi hennar. Með hjálp nýju vinkonunnar ræðst hún í verkefnið með ófyrirséðum, og stundum bráðfyndnum, afleiðingum.
Eftir að hafa afplánað fimm ára fangelsisdóm snýr Kenna Rowan aftur til bæjarins þar sem allt fór úrskeiðis, í von um að fá að hitta fjögurra ára dóttur sína. En Kenna fær ekki tækifæri til að byggja aftur brýrnar sem hún brenndi því fólkið í lífi dóttur hennar er staðráðið í að halda þeim aðskildum.
Amelía og Óliver fara í bústað með ömmu og mömmu. Þar hitta þau óvænt tröllið Blæ sem er í heimsókn hjá frænku sinni. Saman fara þau í berjamó og lenda í alls konar ævintýrum í fallegri íslenskri náttúru. Amelía og Óliver er hugljúf saga um vináttu og leikgleði.
Áður en ég sofna ímynda ég mér … Í þessari gullfallegu bók fylgjum við lítilli kanínu inn í litríka draumaveröld. Áður en ég sofna er heillandi saga sem hjálpar litlum krílum að róa fjöruga huga rétt fyrir svefninn.
Bangsi og Lúna er saga án orða. Börn og fullorðnir geta því lesið í myndirnar og spunnið sína sögu - hvort fyrir annað, eða saman. Sagan gæti fjallað um breytingar, þolinmæði og vináttu, eða eitthvað allt annað. Bangsi og Lúna er sjálfstætt framhald af bókinni Bangsi fer út að leika.
Þessi bók fjallar um Davíð og Lólu, músina hans. Einn daginn laumar Lóla sér með í skólann og leikur þar lausum hala. Davíð og vinir hans verða að finna Lólu áður en bjallan hringir. Einfaldari útgáfa af hinum vinsæla bókaflokki Bekkurinn minn.
Þessi bók fjallar um Óðin. Hann er dapur þessa dagana því það snjóar aldrei og mömmur hans vilja losa sig við kisuna þeirra. Það má ekki gerast! Sem betur fer eru Óðinn og Halldóra með fullkomna lausn á málinu. Einfaldari útgáfa af hinum vinsæla bókaflokki Bekkurinn minn.
Þessi bók fjallar um Hallgrím. Þegar þeir Amir spila fótbolta við eldri krakka heyra þeir sögu sem ásækir þá. Át ísbjörn í alvörunni handlegginn af Úlfi? Eða var það hákarl ... ? Einfaldari útgáfa af hinum vinsæla bókaflokki Bekkurinn minn.
Þessi bók fjallar um Wiktoriu og besta leiksvæðið í bænum. Það á að skemma móann og hólinn og byggja blokk í staðinn. Wiktoria og vinir hennar taka höndum saman og mótmæla. Einfaldari útgáfa af hinum vinsæla bókaflokki Bekkurinn minn.
Barnabókaverðlaun Guðrúnar Helgadóttur 2026! Skólinn er byrjaður aftur, sem er ekki gaman þegar maður á enga vini. Ari ætlar að lifa veturinn af með því að fela sig - en undarlegir hlutir eru að gerast. Hrikalega pirrandi stelpa er flutt í næsta hús við afa og einhver er staðráðinn í að leggja skólann í rúst ...
Framsækin skáldsaga um óvæntan brúðkaupsgest og fólkið sem hjálpar henni að byrja upp á nýtt. Það er fallegur dagur í Newport, Rhode Island, þegar Phoebe Stone kemur á hið stórfenglega Cornwall hótel í grænum kjól og gylltum hælaskóm, farangurslaus og alein.
Blóðþyrstu mannæturnar Dagur og Ylfa eru á flótta undan Interpol ásamt læknanemanum Inga Birni. Þegar hungrið vaknar er aðeins ein leið til þess að seðja það! Flóttinn verður að blóði drifinni Evrópureisu með viðkomu í líkbrennslu í Stuttgart, útsýnisturni í Svartaskógi og baðhúsi í Búdapest. Varúð! Ekki fyrir viðkvæma!
Æsispennandi jóladagatal! Ísabella og Lúkas eru erkióvinir en neyðast til að vinna saman þegar mamma hennar og pabbi hans byrja að deita. Jólin nálgast og það síðasta sem þau vilja er að verja þeim saman. Þau beita því ýmsum brögðum til að reyna að fá foreldra sína til að hætta saman. En tekst þeim það áður en klukkurnar hringja inn jólin?
Aðfaranótt aðfangadags vaknar Agnes við að jólaálfur millilendir á húsþakinu hennar. Hann var sendur frá Alþjóðlegu hátíðarstofnuninni til að gefa íslensku jólasveinunum þrettán jólagjöf og þakka þeim fyrir vel unnin störf. Það er bara eitt vandamál, hann finnur jólasveinana hvergi!
Hvar er Lóla? fjallar um Davíð dýravin og Lólu, músina hans. Einn daginn laumar Lóla sér með í skólann og leikur þar lausum hala. Davíð og vinir hans verða að finna Lólu áður en bjallan hringir. Tíunda bókin í hinum geysivinsæla bókaflokki Bekkurinn minn.
Velkomin aftur í Voðagerði – hér er allt að óttast! Kvöld eitt fer Kornelíus niður í kjallara að sækja kartöflur. Fleira leynist þó í kjallaranum, og ekki allt jafn meinlaust og kartöflur. Kornelíus fær Lilju bekkjarsystur sína til liðs við sig og saman kafa þau í leyndardóma myrkratjarnarinnar.
Einn fallegan vordag í París rennur það upp fyrir Malín að hún getur ekki lengur falið sig á bak við að vera tuttugu og eitthvað, enn að finna sig. Á yfirborðinu virðist líf hennar fullkomið. Fótboltastelpan úr Árbænum er komin á stað sem hana hefði aldrei getað dreymt um. En er lífið sem hún hefur valið sér raunverulega hennar?
Þegar Hlín vaknar skelþunn á miðjum laugardegi rifjast upp fyrir henni að hún á von á fimm bláókunnugum lesbíum í mat um kvöldið. Hlín er að skilja við eiginmann sinn og nýflutt í litla kjallaraholu. Hún kann ekki að elda, íbúðin er í rúst, hún efast um allar ákvarðanir sem hún hefur tekið í lífinu og svo kann hún ekki að tala við lesbíur.