Á hrekkjavökukvöldi í Reykjavík, undir stjörnubjörtum himni, er ekið á sjö ára stúlku á reiðhjóli. Bílstjórinn flýr af vettvangi og síðan er eins og jörðin gleypi hann. Lögreglumaðurinn Hörður Grímsson lofar foreldrum stúlkunnar að hann muni finna þann seka, sama hvað það kosti.
Stelpan er að horfa á sjónvarpið á meðan pabbinn eldar kvöldmat. Allt í einu gýs upp ægileg kúkafýla! Ætli hundurinn hafi verið að prumpa? Nei, ekki var það hann. Hvaðan kemur þá þessi kúkafýla?
Hún er að leita að Guði, hann er djöfull í mannsmynd. Örlögin leiddu þau Míu og Tomma saman aðeins fáeinum klukkustundum áður en heimurinn fórst. Þau eru jafnólík og dagur og nótt. En þar sem það lítur út fyrir að þau séu einu eftirlifendur mannkyns verða þau að standa saman, hvort sem þeim líkar það betur eða verr.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Borg hinna dauðu | Stefán Máni | Sögur útgáfa | Föstudagskvöld nokkurt í september yfirgefur hin 19 ára gamla Sigríður Bella Ólafsdóttir heimili sitt við Dragaveg. Hún segir engum hvert hún er að fara. Þegar hún skilar sér ekki heim hringja foreldrarnir á lögregluna. Það er eins og jörðin hafi gleypt dóttur þeirra. Spennan er yfirþyrmandi þegar Hörður Grímsson glímir við sitt flóknasta mál. |
| Dauðinn einn var vitni | Stefán Máni | Sögur útgáfa | Hörður Grímsson á ekki sjö dagana sæla. Hann er að rannsaka ólöglegt verðsamráð stórfyrirtækja en saknar þess að rannsaka alvöru glæpi. Einn daginn heyrir hann undarlega yfirlýsingu óþekkts manns í lokuðu talstöðvarkerfi lögreglunnar. „Eftir þrjá daga mun ég hlaupa af stað. Eftir að ég hleyp af stað hafið þið þrjár klukkustundir til að stöðva mig.“ |
| Hin helga kvöl | Stefán Máni | Sögur útgáfa | Hin helga kvöl er þrettánda bókin um rannsóknarlögreglumanninn sérlundaða Hörð Grímsson, sem hefur fyrir löngu skipað sér í hóp allra vinsælustu skáldsagnapersóna samtímans. „Snilldar flétta. Besta bókin hingað til. 100% Stefán Máni“ – Árni Matthíasson, menningarblaðamaður. |
| Horfnar | Stefán Máni | Sögur útgáfa | Það er sumarbjart og sólin skín við Kirkjubæjarklaustur. Tvær þýskar vinkonur á bakpokaferðalagi heillast af stórbrotinni náttúrunni. Undir friðsælu yfirborðinu við Klaustur leynast þó myrk leyndarmál sem stúlkurnar tvær vilja ekki vita af. Hörður Grímsson lögreglumaður er mættur að Klaustri til afleysinga. Þar gerist aldrei neitt. Að han... |
| Hrafnskló | Stefán Máni | Sögur útgáfa | Kinga Jedynak er sextán ára. Pabbi hennar lést í vinnuslysi þegar hún var tólf ára og síðan þá hefur mamma hennar unnið myrkranna á milli til að framfleyta þeim. Kinga var rekin úr Hólabrekkuskóla fyrir ofbeldi og á kærasta sem er dópsali. En hún er enginn vitleysingur. |
| Hungur | Stefán Máni | Sögur útgáfa | Lögreglan í Reykjavík fær tilkynningu um dularfullt mannshvarf. Ungur maður frá Vestfjörðum sem ætlaði að tjalda í borgarlandinu er horfinn sporlaust. Nokkru síðar er tilkynnt um hrottalegt morð um hábjartan dag á heimili í nágrenni Elliðaárdals. Hörður Grímsson telur að málin tengist og að hryllingnum sé ekki lokið. Hið illa er komið á kreik. |