Síða 1 af 2
Herbert „Kóki“ Ólason – ævisaga
Það er leitun að manni sem hefur átt jafn ævintýralegt lífshlaup og Kóki. Margir þekkja hann úr hestamennsku og sem tískukóng á Akureyri forðum, en það er bara hluti af litríkri ævi. Logi Bergmann skrifar hér persónulega, einlæga og oft bráðfyndna ævisögu manns sem hefur lifað lífinu af fullum krafti og víða skilið eftir sig spor.
Hvað ef sumar hugsanir eru ekki þess virði að geyma? Hlý og hugljúf saga um forvitni, von, sorg, sjálfsmynd og kraft góðra samtala. Bók sem minnir okkur á að hugsanir eru ekki alltaf sannleikur – og að lífið verður oft léttara þegar við veljum hverjum þeirra við trúum.
Partýklúðrið
Kiddi er ekki mikið fyrir óvæntar uppákomur – allra síst þegar afmælið hans er annars vegar. Hans eina afmælisósk er að eignast sjaldgæfa ofurskrímslamynd sem kostar fúlgur fjár. Kiddi er með áætlun um hvernig hann ætlar að ná henni og ákveður að halda fullkomna afmælisveislu. Bækurnar um Kidda klaufa eru metsölubækur um allan heim.
Saga evrópskra mótorhjóla á Íslandi
Mótorhjólið hefur í meira en öld verið tákn frelsis og ævintýraþrár. Um leið endurspeglar heillandi saga þess tækniframfarir og breytta tíma. Í þessari bók er rakin saga evrópskra mótorhjóla hér á landi – frá fyrstu hjólunum sem ruddu sér leið um íslenska vegi til þeirra fjölbreyttu gerða sem síðar urðu hluti af samfélaginu.
Hvaða afleiðingar hafa áföll í æsku, brotin sjálfsmynd, brestir í hjónabandi? Eða óttinn við að horfast í augu við sjálfan sig? Við erum öll að glíma við eitthvað, leita jafnvægis, eins og Jónatan sem fer á Snæfellsnes til að biðjast fyrirgefningar og skrifa sig frá erfiðum æskuárum. Áhrifamikil saga, skrifuð af næmi, einlægni og hárfínum húmor.
Á hrekkjavökukvöldi, undir stjörnubjörtum himni, er ekið á sjö ára stúlku á reiðhjóli. Bílstjórinn flýr af vettvangi og síðan er eins og jörðin gleypi hann. Lögreglumaðurinn Hörður Grímsson lofar foreldrum stúlkunnar að hann muni finna þann seka, sama hvað það kosti. „Mögnuð spenna frá meistara íslensku glæpasögunnar“ / Gunna Dís, fjölmiðlakona
Bók sem þú snertir og skynjar
Í þessari bók kynnist þú tíu gæludýrum. Skoðaðu dýrin og klappaðu þeim með því að snerta efnið á hverri síðu.
Áhrifamikil fjölskyldusaga um það sem getur gerst þegar við veljum að elska manneskju, ekki þrátt fyrir það hver hún er, heldur einmitt vegna þess. „Þegar þú byrjar viltu ekki að sagan taki enda … og þú mátt eiga von á tárum.“ / Oprah Winfrey
Ævisaga Óla Þórðar
Mesti harðjaxl íslenskrar fótboltasögu tekur til máls! Frá fjörugri barnæsku á Neðri-Skaga, til viðureigna við bestu knattspyrnumenn heims hefur Óli Þórðar farið sínar eigin leiðir af einurð, heiðarleika og óbilandi keppnisskapi, jafnt innan vallar sem utan. „Ósvikin, beinskeytt og bráðskemmtileg saga!“ Arnar Gunnlaugsson, landsliðsþjálfari
Loforð í ljósaskiptunum
Eftir stormasöm ár í London snýr Vera Hartman aftur heim til Stokkhólms til að sanna að hún eigi heima í fjölskyldufyrirtækinu – hinni víðfrægu Hartman-stórverslun. Við heimkomuna kemst hún að því að amma hennar hefur tekið upp samningaviðræður um yfirtöku við Elias Johansson, framkvæmdastjóra lágvöruverðsverslunar sem nýtur mikilla vinsælda.
Guðrún Ýr Ingimarsdóttir er einstaklega fær rannsóknarlögreglumaður sem hefur ákveðna sérstöðu: hún drepur fólk. Eftir fæðingarorlof snýr hún aftur til vinnu, staðráðin í að lifa venjulegu lífi. Vera móðir. Vinna vinnuna sína. Skilja fortíðina eftir. En fortíðin lætur hana ekki í friði og fljótlega þarf Guðrún á allri sinni seiglu og styrk að halda
Hljóð í tíu sjávardýrum
Dýfðu þér ofan í fallegan töfraheim hafsins og skoðaðu höfrunga sem stökkva og krabba sem veifa. Ýttu á takkana til að heyra hljóðin í dýrunum. Fallegar myndir af sjávardýrum og skemmtilegur fróðleikur um falleg dýr á hverri blaðsíðu.
Bók sem er í laginu eins og bíll. Skemmtileg leið til að efla áhugann á að læra að telja. Litríkar myndir hjálpa börnum við að skoða hluti og læra orð. Hoppaðu með á talnarútuna!
Dularfulla kúkafýlu leggur skyndilega yfir heimilið – og nú þarf að finna sökudólginn! Bráðskemmtileg og stórkostlega teiknuð bók fyrir yngstu lesendurnar eftir tvíeykið Stefán Mána og Halldór Baldursson.
Bækur Víðis Sigurðssonar um íslenska knattspyrnu eru einstakar og eiga engan sinn líka í heiminum. Þessi vinsæli bókaflokkur hefur nú komið út í rúm fjörutíu ár og hefur aldrei verið betri. Hér finnur áhugafólk um knattspyrnu allt sem gerðist í íslenska boltanum á árinu 2026 í máli og myndum. Ómissandi árbók allra áhangenda íslenskrar knattspyrnu.
Spurningin er ekki hvort Aþena geti linað sársaukann – heldur hversu langt hún er tilbúin að ganga til þess að gleyma honum alveg.
Íslandskort 1482-1850
Í þessari veglegu bók eru helstu Íslandskort sögunnar birt saman í allri sinni dýrð. Saga þess hvernig lögun Íslands þróaðist á kortum á fjórum öldum er heillandi og viðburðarík. Reynir Grétarsson hefur um árabil safnað Íslandskortum og rekur hann á lifandi og skemmtilegan hátt þessa merku sögu. Þessi glæsilega bók er nú loksins fáanleg að ...
Á ískaldri jólanótt finnst óttasleginn drengur einn og yfirgefinn á Laugavegi. Hann veit ekki hver hann er, hvaðan hann kom eða hvert hann er að fara. Enginn leitar hans. Enginn kannast við hann. Á spítalanum kemur í ljós að hann er með blátt blóð og í augum hans blasir himingeimurinn við.