Dísa fer stundum í heimsókn til ömmu sinnar og af og til fær hún líka að gista hjá henni. Í einni slíkri heimsókn kemst Dísa að ýmsu um fugla og fólk. Og hvað það getur verið skemmtilegt að hitta ömmu sína, því ömmur vita ýmislegt.
Lindís fer í veiðiferð á slóðir Hrafna-Flóka í Vatnsfirði. Þar sér hún hrafna, sem breytast í hrafnadísir og breytast síðan aftur í hrafna. Þessir hrafnar hjálpa Lindísi að finna góðan veiðistað.
Lindís fer í skoðunarleiðangur til Arnarfjarðar. Pabbi hennar las frétt á netinu varðandi breytingar á lífríki sjávar. Í Arnarfirði fara Lindís og Steindís í kafbátaferð til að kanna áhrif þessara breytinga.
Afi hans Ljóna vann þrjá flugmiða í bingólottó hjá félagi eldri borgara fyrir jólin í fyrra. Honum finnst tími tilkominn að nýta þessa flugmiða. Þess vegna býður hann Ljóna og ömmu með sér til Billund í Danmörku. Þar er skemmtigarður sem heitir Lególand. En hverja hitta þau í Lególandi?
Ljóni er að flytja í nýja herbergið sitt. Hann ákveður að músakassinn hans verði settur í geymsluna. Mýsnar eru ekki ánægðar með þessa ákvörðun Ljóna.
Flóki er strákur sem hefur mikinn áhuga á fótbolta en getur ekki spilað íþróttina. Hann vill samt hjálpa liði að vinna bikar og með hæfileikum sínum gæti sá draumur ræst einn daginn.