Bekkurinn minn: Vinabók

Bekkurinn minn: Vinabók er um þig og vini þína! Manstu eftir gömlu góðu vinabókunum? Þessum sem gengu á milli bekkjarfélaga og allir skrifuðu helstu upplýsingar um sig og sín áhugamál? Bekkurinn minn: Vinabók er í sama anda.

Veistu hvaða litir, bækur, bíómyndir og lög eru í uppáhaldi hjá vinum þínum?

Hvenær eiga þeir afmæli og í hvaða stjörnumerki eru þeir?

Hvort finnst þeim betra, ís eða nammi, steikt skordýr eða prumpusamloka?

Það er aðeins ein leið til að komast að því - biddu vini þína, bekkjarfélaga, liðsfélaga, frændsystkini eða hverja sem þér dettur í hug, um að skrifa svörin í þína bók og þú skrifar í þeirra!