Drottinn blessi heilmikið

Unnur tekur myndir af fuglum, les hugsanir þeirra og setur í orð af skáldlegu innsæi. Hún gerir ekki upp á milli tegunda. Uppáhaldsfuglinn er sá sem hún horfir á hverju sinni. Í þessari bók eru 85 fuglamyndir og tilheyrandi skondnar athugasemdir og fuglahjal.

Unnur Guttormsdóttir fæddist í Reykjavík árið 1941. Hún er barnasjúkraþjálfari og jafnframt einn af stofnendum og leikskáldum Hugleiks, áhugaleikfélags í Reykjavík.

Ljóðabók hennar Það kviknar í vestrinu kom út árið 2011.

Í október 2021 sendi hún frá sér fuglavisku- og myndabókina Oft eru gamlir hrafnar ernir.