Helköld illska

Lögregluforinginn Gunnhildur trúir ekki á tilvist drauga. En þegar samstarfsmaður hennar telur sig hafa séð mann sem var úrskurðaður látinn fyrir fimmtán árum renna á hana tvær grímur. En hvort sem um er að ræða draug eða mann af holdi og blóði er þessi sýn ekki góðs viti.

Það eru nefnilega óuppgerðar sakir sem tengjast manninum og hefndarhugur í lofti sem bíður þess að fá útrás.

Helköld illska er fjórða bókin um Gunnhildi sem kemur út á íslensku. Fyrri bækurnar þrjár, Á hálum ís, Bláköld lygi og Kuldagustur, hafa fengið hinar bestu viðtökur.

Enski blaðamaðurinn og rithöfundurinn Quentin Bates hefur tekið ástfóstri við Ísland og sögusvið allra glæpasagna hans er á Íslandi.

„Glæpasögur í hæsta gæðaflokki, vel samdar, vel skrifaðar og sannfærandi lýsingar á vinnubrögðum lögreglu.“ – The Times

„Vel skrifuð og grípandi.“ – Woman's Way

„Fangar hinn kalda anda norrænu glæpasögunnar ... Aðdáendur Arnaldar Indriðasonar munu vilja bæta Quentin Bates á leslistann.“ – Eurocrime