Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Jólasveinarnir í Esjunni

Forsíða bókarinnar

Lalli er nýkominn úr erfiðum fótboltaleik og nennir ekki að fara með foreldrum sínum og Dísu systur sinni á Esjuna að honum loknum. Hann er dauðþreyttur en fer þó samt og sér sko ekki eftir því þar sem óvænt ævintýri bíður hans.

Þessi stórskemmtilega saga gerist að stórum hluta í heimkynnum jólasveinanna - sjálfri Esjunni. Þar fáum við að kynnast þeim nánar og auðvitað Grýlu og Leppalúða, sem eru kannski ekki alveg eins og flestir halda.

Bókin byggir að stórum hlusta á ævintýri, sem varð til í huga Lárusar Hauks Jónssonar - Lalla - fyrir mörgum árum. Guðjón Ingi Eiríksson færði það síðan í letur og bætti við hér og þar. Útkoman úr þessu samstarfi þeirra félaga er þessi frábæra bók, sem skartar teikningum hins snjalla listamanns, Haralds Péturssonar.