Þegar Kína gerir árás

Kínversk orrustuþota hrapar í taívönsku loftrými. Í kjölfarið fyrirskipa ráðamenn í Peking árás á Taívan. Bandaríkin, klofin vegna innanlandspólitískra átaka, grípa til varna – en alltof seint. Í þessari sviðsmynd greinir þýskur stjórnmálafræðingur hugsanlegar afleiðingar kínverskrar innrásar í Taívan og bendir á leiðir til að forðast slík átök.

Afleiðingarnar á alþjóðavísu af innlimun Taívan í Kína, með stuðningi Rússlands, Írans og Norður-Kóreu, eru skelfilegar: Bandaríkin og Kína berjast um yfirráð í heiminum, þriðja heimsstyrjöldin blasir við og efnahagur Evrópusambandsríkja er í frjálsu falli. Þýskaland verður sérstaklega illa úti vegna mikilla efnahagstengsla við Kína.