Yfirgefin bifreið við vegkant hverfur hægt sjónum eftir því sem fannfergið eykst. Inni í bílnum er svar við flókinni morðgátu sem lögreglunni hefur ekki tekist að leysa. Wisting lögregluforingi fær ábendingar sem vekja áhuga hans á málinu og í kjölfarið vísbendingar sem reynast margar og óljóst hvert þær kunna að leiða.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Dulmál Katharinu | Jørn Lier Horst | Bjartur | Katharina Haugen hvarf fyrir 24 árum. Hið eina sem hún skildi eftir sig var eiginmaðurinn Martin og undarleg talnaruna á blaðsnifsi Nú er önnur kona horfin. Og líka eiginmaður Katharinu. William Wisting verður að finna Martin, en er hann að reyna að bjarga kærum vini eða kaldrifjuðum morðingja? |
| Grimmlyndi | Jørn Lier Horst | Ugla | Gamalt mál rifjast upp þegar lík ungrar konu finnst í skóginum. Það ber öll merki raðmorðingjans Toms Kerr. En Kerr hefur setið fjögur ár í fangelsi og getur alls ekki verið morðinginn. Allt bendir til að „Hinn“ hafi verið að verki en það var nafnið sem blöðin gáfu félaga Kerrs sem aldrei fannst ... |
| Innsta herbergið | Jørn Lier Horst | Ugla | Lögregluforinginn William Wisting er kallaður í skyndi til fundar við ríkislögmann Noregs. Í sumarhúsi nýlátins og mikilsmetins stjórnmálamanns hafa fundist vísbendingar sem kunna að ógna þjóðaröryggi. Þess er gætt að rannsóknin á þessum vísbendingum fari fram fyrir luktum dyrum. |
| Mál 1569 Wisting serían | Jørn Lier Horst | Ugla | Norski lögregluforinginn William Wisting er í sumarleyfi þegar honum berst bréf. Í umslaginu er aðeins eitt blað með áletraðri talnarunu: 12-1569/99. Þetta er númerið á 15 ára gömlu morðmáli sem þegar hefur verið rannsakað og dómur fallið í fyrir löngu. En einhver vill að það sé rannsakað upp á nýtt. |