Niðurstöður
- Valgerður Bjarnadóttir
Miðnæturbókasafnið
Hvað myndir þú gera öðruvísi ef þú ættir þess kost? Nora, vansæl og full af eftirsjá, fær ný tækifæri og sjónarhorn í gegnum bækur Miðnæturbókasafnins að máta sig við, breyta kúrsinum og lifa lífinu upp á nýtt. Við höfum val og Miðnæturbókasafnið er falleg saga sem vekur til umhugsunar hvernig öll breytni hefur afleiðingar. Bókaklúbburinn Sólin
Systirin í skugganum
Þriðja bókin í bókaflokknum um systurnar sjö
Star, sú dularfyllsta systranna stendur á tímamótum við dauða föður síns. Hún er hikandi við að stíga út úr örygginu sem hún upplifir í nánu sambandi við systur sína CeCe. Vísbendingin sem Pa Salt skilur eftir um upprunann leiðir hana í fornbókabúð í London sem gerir henni kleift að stíga út úr skugga systur sinnar og kjósa sína eigin framtíð.
Systirin í storminum
Önnur bókin í bókaflokknum um systurnar sjö
Ally fær vísbendingu um uppruna sinn við andlát föður síns. Hún rekur slóð sína til Noregs og tengist ævi óþekktrar söngkonu, Önnu Landvik, sem var uppi 100 árum fyrr og söng þegar tónlist Griegs við ljóðabálk Ibsens, Pétur Gaut, var frumflutt. Hvernig tengist Anna föður hennar, hver var hann í raun og veru?