Athugið að þessi bók er úr eldri útgáfu Bókatíðinda og birt hér með fyrirvara um mögulega sé ekki um að ræða nýjustu upplýsingar. Hafið samband við útgefanda til að fá nánari upplýsingar um hvort bókin sé fáanleg.

Ljósaserían Rugluskógur

  • Höfundar Elísabet Thoroddsen og Bergrún Íris Sævarsdóttir
Forsíða kápu bókarinnar

Er eitthvað ævintýralegra en að sofa í hengirúmi undir berum himni? Er einhver sem segir að bíll geti ekki líka verið flugvél? Eða að Esjan geti ekki heitið Skuggheimahóll – og að þar búi skuggaverur sem elska rifrildasúpu?

Sunna og mamma hennar nota ímyndunaraflið þegar þær fara saman í ævintýraferð. Ferðinni er heitið í Rugluskóg en þar þurfa þær að finna töfrastein til að bjarga Reykjavík frá glötun. En töfrasteinar eru vandfundir og ýmislegt fleira leynist í Rugluskógi, eins og Sunna á eftir að komast að.