Önnur bókin í metsöluflokki um fornleifafræðinginn dr. Ruth Galloway sem aðstoðar lögregluna í Norfolk á Englandi við rannsóknir glæpamála. Gömul barnsbeinagrind finnst undir þröskuldi á gömlu glæsihýsi sem verið er að rífa. Er hugsanlega um að ræða fórn tengda gömlum helgisiðum? Ómótstæðileg blanda af ráðgátum, húmor og spennu.
Kona fær það starf að aðstoða einstaklinga flutta úr fortíðinni við að aðlagast nútímanum. Graham Gore, sjóliðsforingi úr heimskautaleiðöngrum nítjándu aldar, er sá fyrsti sem hún tekur á móti og fljótt takast með þeim eldheitar ástir. Rómantík, njósnir og tímaflakk – áleitin frásögn um það að tilheyra tilteknum stað og tíma.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Frjáls Æska í skugga járntjaldsins | Lea Ypi | Forlagið - Vaka-Helgafell | Heillandi ævisaga, skrifuð af húmor og skarpskyggni, sem fjallar um uppvöxt í Albaníu á pólitískum óróatímum. Í lok níunda áratugarins var landið eitt það einangraðasta í heimi og hugmyndafræði kommúnismans réð lögum og lofum. En í desember 1990 var Stalín og Hoxa steypt af stalli og landið opnað upp á gátt. |
| Harmur og hamingja | Meg Mason | Forlagið - Mál og menning | Á yfirborðinu lifa Martha og Patrick fullkomnu lífi en undir niðri geisar hamslaus stormur. Það er nefnilega eitthvað að Mörthu, eitthvað sem gerir það að verkum að hún grætur, grýtir diskum og hefur íhugað að taka eigið líf. Bráðfyndin og nístandi sár skáldsaga um geðsjúkdóma, barneignir, fjölskyldutengsl og skilnað. |
| Mýrarstúlkan | Elly Griffiths | Forlagið - Vaka-Helgafell | Ruth Galloway er fornleifafræðingur sem býr á afskekktum stað ásamt köttunum sínum. Þegar barnsbein finnast er þörf á sérfræðiþekkingu hennar. Málið er flókið og smám saman dregst Ruth inn í hættulega atburðarás. |