Frá námsárum til forsetakjörs fór höfundur víða og vann með áhrifamönnu í ýmsum álfum. Hér segir af ungum manni sem heldur út í heim, berst á öldufaldi breytinga og myndar bandalög við leiðtoga þar sem barist er fyrir afvopnun, friði og farsæld fátækra ríkja. Samfelldur þráður liggur frá námsárum í Bretlandi til baráttunnar um Bessastaði.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Bréfin hennar mömmu | Ólafur Ragnar Grímsson | Forlagið - Mál og menning | Á fyrri hluta síðustu aldar voru berklar ein helsta dánarorsök Íslendinga. Svanhildur Hjartar, móðir Ólafs Ragnars, var ein þeirra sem veiktust. Ólafur Ragnar opnar hér bréfasafn fjölskyldunnar þar sem birtist á opinskáan og nístandi hátt persónuleg saga sem lætur engan ósnortinn, um leið og ljósi er varpað á erfiðan þátt í þjóðarsögunni. |
| Rætur Á æskuslóðum minninga og mótunar | Ólafur Ragnar Grímsson | Forlagið - Mál og menning | Ólafur Ragnar Grímsson sýnir hér nýja hlið á manni sem flestir telja sig þekkja vel. Meitluð mynd, sannfærandi, hreinskilin og persónuleg. Hér leitar Ólafur upprunans og svara við fjölmörgum spurningum: Hvað markaði brautir lífsins? Hverjir mótuðu strákinn að vestan? Hvar er innri mann að finna? |
| Þjóðin og valdið Fjölmiðlalögin og Icesave | Ólafur Ragnar Grímsson | Forlagið - Mál og menning | Ólafur Ragnar hélt ítarlegar dagbækur í embætti forseta og skráði þar frásagnir af atburðum og samræðum við ráðherra og forystufólk, m.a. þegar deilt var um fjölmiðlalögin og Icesave. Í þeim síðari var efnahagslegt sjálfstæði og jafnvel fullveldi þjóðarinnar undir. Dagbækurnar veita óvænta sýn á þessa einstæðu atburðarás og lærdóma til framtíðar. |