Jeppar í lífi þjóðar bregður lifandi ljósi á þennan merkilega en lítt kannaða kafla íslenskrar samgöngusögu í máli en þó aðallega 700 einstæðum ljósmyndum sem koma nú margar fyrir almannasjónir í fyrsta sinn. Þetta er ómissandi bók fyrir bílaáhugamanninn og raunar alla þá sem unna ferðum um úfið landið. Aukin og endurbætt útgáfa.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Bílamenning Akstursgleði liðinnar aldar í máli og myndum | Örn Sigurðsson | Forlagið - JPV útgáfa | Ómissandi verk fyrir alla bílaáhugamenn. Hér eru bílar almennings, lögreglu og slökkviliðs; trukkar jafnt sem eðalvagnar, jeppar, vörubílar og húsbílar. Fjallað er um fjölmargt tengt bílum, svo sem bensín- og smurstöðvar, verkstæði, hjólhýsi og leikföng, að ógleymdri vega- og gatnagerð. Bókina prýða rúmlega þúsund ljósmyndir. Sannkallað stórvirki! |
| Bílar í lífi þjóðar | Örn Sigurðsson | Forlagið - JPV útgáfa | Einstök gjafabók sem bregður skýru ljósi á samband Íslendinga við bílinn, þennan þarfasta þjón sem greitt hefur götu og létt störf, opnað landið og veitt ferðafrelsi. Yfir 900 ljósmyndir og ómetanlegur fróðleikur um flest það sem tengist bílnum og þjóðfélaginu sem hann tók þátt í að byggja upp. Sannkallaður ljósmyndafjársjóður! |
| Jeppar í lífi þjóðar | Örn Sigurðsson | Forlagið - Mál og menning | Jeppar í lífi þjóðar bregður lifandi ljósi á þennan merkilega en lítt kannaða kafla íslenskrar samgöngusögu í máli en þó aðallega 600 einstæðum ljósmyndum sem koma nú margar fyrir almannasjónir í fyrsta sinn. Þetta er ómissandi bók fyrir bílaáhugamanninn og raunar alla þá sem unna ferðum um úfið landið. |
| Traktorar og hjólavélar | Örn Sigurðsson | Forlagið - Mál og menning | Traktorar og hjólavélar eru ómissandi í öllum stórframkvæmdum, bæði í sveitum og bæjum. Traktorinn er besti vinur bóndans og hjólaskóflan er þarfur þjónn á byggingarsvæðum. Malbikunarvélar koma að góðum notum þegar malbik er lagt og dráttarbílar bjarga deginum! Kíktu í bókina og kynntu þér þessi stóru og spennandi tæki! |
| Vörubílar og vinnuvélar | Örn Sigurðsson | Forlagið - Mál og menning | Velkomin í heim vörubíla og vinnuvéla sem hafa aðstoðað við ýmis verk í meira en hundrað ár. Án grafa og vinnuvéla væru engir góðir vegir í sveitum eða götur og gangstéttir í borgum. Öflugir vinnubílar hjálpa til við að flytja vörur og sorp, ryðja snjó og slökkva elda. Bók sem hittir í mark hjá öllum sem hafa áhuga á stórum tækjum! |