Kay Scarpetta serían
Réttarmeinafræðingurinn dr. Kay Scarpetta er kölluð á vettvang óhugnanlegs morðs þar sem illa leikið lík konu hefur verið stillt upp. Um líkt leyti verða óútskýrð andlát á leynilegri rannsóknarstofu úti í geimnum. Kay fær það verkefni hjá yfirvöldum að komast að því hvað gerðist – í hugsanlega fyrsta glæpnum sem framin er úti í geimnum.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Hér er bara gott fólk | Ashley Flowers | Hringaná | Margot Davies, ung og upprennandi blaðakona, flytur á æskuslóðir til að annast heilabilaðan föðurbróður. Þegar hún var sex ára var vinkona hennar og jafnaldra myrt á hryllilegan hátt. Núna, 25 árum seinna, er önnur lítil stúlka myrt í nágrenninu. Margot fer að rannsaka málið og kemst að því að ekkert er sem sýnist. |
| Komdu nær | Sara Gran | Hringaná | Óútskýranleg hljóð heyrast í húsinu, skrítnir atburðir gerast í vinnunni, endurteknir draumar um seiðandi en skelfilega kvenveru sem kallast Naamah. Eru þetta merki um geðveiki eða er Amanda, arkitekt sem telur sig hamingjusamlega gifta, hýsill kvendjöfuls aftan úr forneskju? |
| Kæri læknir Eða Saga um tittling | Katharina Volckmer | Hringaná | Í London opnar ung kona sig fyrir lækninum sínum. Hún fæddist og ólst upp í Þýskalandi og hefur búið í Englandi í nokkur ár, staðráðin í að slíta sig frá fjölskyldu sinni og uppruna. Í hárbeittri einræðu sinni fer hún m.a. með lesandann í ferð um ævi sína og heima stórfurðulegra kynlífsóra. |
| Nú er þér óhætt að fara heim | Michael Elias | Hringaná | Nina Karim er rannsóknarlögreglukona sem rannsakar nokkur morðmál sem tengjast ákveðnu kvennaathvarfi. Nina á sjálf óuppgert mál frá táningsárum sínum en faðir hennar var myrtur af leyniskyttu, andstæðingi þungunarrofs. Spennusaga um ofbeldi, niðurlægingu, heiður, morð og hefndarþorsta. |
| Tíminn sem týndist | Julia Dahl | Hringaná | Sakamálasaga. Claudia Castro er 19 ára listhneigður nýnemi í háskóla. Hún hefur allt til að bera: fræga fjölskyldu, digran sjóð og þúsundir fylgjenda á Instagram. En eitt örlagaríkt kvöld er henni byrlað ólyfjan og nauðgað af tveimur karlmönnum. Claudia Castro hyggur á hefndir. |