Velkomin til New York þar sem jólaljósin skína, snjókorn falla og ástin bíður handan við hornið! Evie Green fær óvænt tilboð um að dvelja á fimm stjörnu hóteli á Fimmtu breiðgötu yfir jólin. Þar verður Noah á vegi hennar, knattspyrnustjarna með laskaða ímynd. Verða jólatöfrar borgarinnar sem aldrei sefur til þess að þýða tvö frosin hjörtu?
Fyrir Fionu hefur Japan alltaf verið efst á óskalistanum. Þegar hún vinnur ferð þangað, þar sem allt er innifalið, virðist sem draumur hennar sé loks að rætast. En þegar hún kemur til hinnar líflegu og iðandi Tókýó stendur hún óvænt augliti til auglitis við manninn sem hún hélt eitt sinn að væri ást lífs hennar, ljósmyndarann glæsilega, Gabe.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Föli skúrkurinn | Philip Kerr | Bókaútgáfan Sæmundur | Berlín 1938. Í hitamollu síðsumars stefnir Evrópa í stórstyrjöld en í skugga þeirra stórviðburða gengur laus í Berlín fauti sem drepur eingöngu ljóshærðar og bláeygar táningsstúlkur. Einkaspæjarinn Bernie Gunther álpast á slóðir glæpamanna jafnt sem Gestapohrotta. „... einfaldlega uppáhalds spennusagnahöfundurinn minn.“ (Egill Helgason). |
| Litla bakaríið í Brooklyn | Julie Caplin | Ugla | Í litla bakaríinu í Brooklyn er rómantík í lofti innan um girnilegt úrval af kökum og sætabrauði. Á hæðinni fyrir ofan býr Sophie Bennings, nýkomin til New York. Hún er alls ekki í rómantískum hugleiðingum eftir sársaukafull sambandsslit. Hún hellir sér út í nýja starfið á vinsælu tímariti þar sem hún skrifar um mat. |
| Litla kaffihúsið í Kaupmannahöfn | Julie Caplin | Ugla | Kate Sinclair finnst líf hennar í London vera fullkomið. Hún á hrífandi kærasta og nýtur velgegngi í starfi. En þá svíkur kærastinn hana og hreppir sjálfur stöðuhækkunina sem hún hafði sóst eftir. Niðurbrotin fer hún að efast um sjálfa sig og allt – og verður einfaldlega að komast burt. |
| Litla kökuhúsið í París | Julie Caplin | Ugla | Í notalegu hverfi í París – borg ástarinnar – er lítið kökuhús sem bíður eftir því að verða uppgötvað. Rómantík gæti alveg verið þar á matseðlinum … Nína Hadley ólst upp með fjórum eldri bræðrum. Þegar henni bauðst að flytjast til Parísar og hjálpa til á sætabrauðsnámskeiði var hún spennt að segja au revoir við hina ráðríku bræður sína. |
| Litla leynivíkin í Króatíu | Julie Caplin | Ugla | Siglið til hinnar fögru Króatíu og upplifið sumarsól, skínandi tyrkisbláan sjóinn og ástarævintýri sem vara að eilífu ... Þegar hinni jarðbundnu Maddie er boðin sumarvinna á snekkju getur hún ekki sagt nei. Þar kynnist hún Nick. Í lítilli, ægifagurri leynivík kemur í ljós að þau eiga kannski meira sameiginlegt en virtist við fyrstu kynni. |