Fyrst tóku þau fyrir íslenska fugla, svo íslenska hestinn og nú er komið að íslenska álfinum. Hér varpa Hjörleifur og Rán ljósi á átakasama sambúð huldufólks og mannfólks frá upphafi byggðar í landinu. Fræðandi og skemmtileg eins og höfundum er einum lagið. Svo kemur við sögu sérstakt álfablek sem aðeins er á færi fárra að sjá.
Það stefnir í ógleymanlegt páskafrí hjá Alexander og risastóru, háværu fjölskyldunni hans. Þau ætla að hrista saman íslenskar, pólskar og taílenskar hefðir. En svo byrjar nýr strákur í bekknum sem ræður ekkert við skapið í sér. Bara alls ekki. Æsispennandi saga, bæði hörkufyndin og grafalvarleg – akkúrat eins og krakkar vilja.
Stórkostleg bók um íslenska hestinn fyrir alla fjölskylduna, nú einnig fáanleg á ensku. Hjörleifur Hjartarson og Rán Flygenring sýndu það með bók sinni Fuglar að íslensk fuglafræði er annað og meira en upptalning á þurrum staðreyndum. Nú er komið að hrossunum.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Alexander Daníel Hermann Dawidsson Bannað að eyðileggja | Gunnar Helgason | Forlagið - Mál og menning | Alexander er með ADHD og það er allt í lagi – nema þegar lífið tekur upp á því að fara á hvolf. Bannað að eyðileggja er spennandi saga um Alexander og Sóleyju bekkjarsystur hans, litríku fjölskyldurnar þeirra, mömmuna sem er farin og bandbrjálaðan kennara. Áhrifamikil og skemmtileg saga eftir einn ástsælasta höfund landsins. |
| Alexander Daníel Hermann Dawidsson Bannað að ljúga | Gunnar Helgason | Forlagið - Mál og menning | Æsispennandi framhald metsölubókarinnar Bannað að eyðileggja. Til viðbótar við litríka og fjöruga fjölskylduna þurfa Alexander og Sóley nú að glíma við harðsvíraðan eineltispúka og alvöru glæpamann! Þegar Alexander þarf að bjarga mannslífum er ADHD-ið reyndar bara hjálplegt. Eldfjörug saga prýdd fjölda mynda. |
| Drottningin sem kunni allt nema | Gunnar Helgason og Rán Flygenring | Forlagið - Mál og menning | Bambalína drottning kann allt! Nema kannski eitt. Hvað ætli það sé? Kannski kemur það í ljós daginn sem hún þeysir í hestvagninum sínum til að opna nýja leikskólann. Sprenghlægileg saga handa börnum sem kunna líka (næstum) allt og foreldrum sem kunna gott að að meta. |
| Eldgos | Rán Flygenring | Angústúra | Þegar lúsafaraldur brýst út í skólanum hans Kaktuss bregður leiðsögumaðurinn mamma hans á það ráð að taka hann með sér í vinnuna. Kaktusi þykir íslensk náttúra ekki jafn svakalega spennandi og hinum rútufarþegunum en hann skiptir snögglega um skoðun þegar hann rekur augun í eitthvað rauðglóandi í fjarska ... |
| Koma jól? | Hallgrímur Helgason og Rán Flygenring | Angústúra | Jólaljóðabók eftir einstaka listamenn sem kveðst á við fræga bók Jóhannesar úr Kötlum, Jólin koma. Hér er að finna nýjustu fréttir af Grýlu og Jólakettinum og jafnframt stíga hinar jökulhressu Grýludætur, systur jólasveinanna, fram úr þúsund ára löngum skugga bræðra sinna og arka til byggða, hver með sínu lagi og hrekkjabrögð í farteskinu. |
| Uppskrift að klikkun Hjartasósa, hafgúuheilar og gvakamóri við leiðindum | Dita Zipfel | Angústúra | Lúsí er 13 ára. Henni leiðist nýi kærasti mömmu sinnar og dreymir um að flytja til Berlínar. Lúsí finnst hún detta í lukkupottinn þegar hún sér auglýst eftir manneskju til að viðra hund hinum megin í bænum en kemst þó fljótt að því að það er enginn hundur heldur skrítinn gamall maður í leit að ritara fyrir dularfulla uppskriftabók. |
| Vigdís A Book About the World´s First Female President | Rán Flygenring | Angústúra | Nú einnig á ensku! Upprennandi rithöfundur bankar upp á hjá frú Vigdísi Finnbogadóttur og býður sér í kaffi því hún ætlar að skrifa bók um fyrstu konuna í heiminum sem kosin var forseti. Í heimsókninni verður stúlkan margs vísari um frumkvöðulinn Vigdísi og forsetahlutverkið. |
| Volcano | Rán Flygenring | Angústúra | Einnig á ensku! Þegar lúsafaraldur brýst út í skólanum hans Kaktuss bregður leiðsögumaðurinn mamma hans á það ráð að taka hann með sér í vinnuna. Kaktusi þykir íslensk náttúra ekki jafn svakalega spennandi og hinum rútufarþegunum en hann skiptir snögglega um skoðun þegar hann rekur augun í eitthvað rauðglóandi í fjarska ... |