Það stefnir í ógleymanlegt páskafrí hjá Alexander og risastóru, háværu fjölskyldunni hans. Þau ætla að hrista saman íslenskar, pólskar og taílenskar hefðir. En svo byrjar nýr strákur í bekknum sem ræður ekkert við skapið í sér. Bara alls ekki. Æsispennandi saga, bæði hörkufyndin og grafalvarleg – akkúrat eins og krakkar vilja.
Sjöunda bókin í sagnaflokknum vinsæla um Stellu og skrautlega fjölskyldu hennar: mömmu klikk, pabba prófessor, ömmurnar, börnin fimm og nojaða nágrannann. Listaspíran Bella er ein helsta fyrirmynd Stellu í smartheitum, sjálfstæði og í rosalegu mótor-kross-ÆÐI. En nú er Bella í vandræðum og hjálpin kemur (auðvitað) úr óvæntri átt.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Alexander Daníel Hermann Dawidsson Bannað að eyðileggja | Gunnar Helgason | Forlagið - Mál og menning | Alexander er með ADHD og það er allt í lagi – nema þegar lífið tekur upp á því að fara á hvolf. Bannað að eyðileggja er spennandi saga um Alexander og Sóleyju bekkjarsystur hans, litríku fjölskyldurnar þeirra, mömmuna sem er farin og bandbrjálaðan kennara. Áhrifamikil og skemmtileg saga eftir einn ástsælasta höfund landsins. |
| Alexander Daníel Hermann Dawidsson Bannað að ljúga | Gunnar Helgason | Forlagið - Mál og menning | Æsispennandi framhald metsölubókarinnar Bannað að eyðileggja. Til viðbótar við litríka og fjöruga fjölskylduna þurfa Alexander og Sóley nú að glíma við harðsvíraðan eineltispúka og alvöru glæpamann! Þegar Alexander þarf að bjarga mannslífum er ADHD-ið reyndar bara hjálplegt. Eldfjörug saga prýdd fjölda mynda. |
| Bella gella krossari | Gunnar Helgason | Forlagið - Mál og menning | Sjöunda bókin í sagnaflokknum vinsæla um Stellu og skrautlega fjölskyldu hennar: mömmu klikk, pabba prófessor, ömmurnar, börnin fimm og nojaða nágrannann. Listaspíran Bella er ein helsta fyrirmynd Stellu í smartheitum, sjálfstæði og í rosalegu mótor-kross-ÆÐI. En nú er Bella í vandræðum og hjálpin kemur (auðvitað) úr óvæntri átt. |
| Drottningin sem kunni allt nema | Gunnar Helgason og Rán Flygenring | Forlagið - Mál og menning | Bambalína drottning kann allt! Nema kannski eitt. Hvað ætli það sé? Kannski kemur það í ljós daginn sem hún þeysir í hestvagninum sínum til að opna nýja leikskólann. Sprenghlægileg saga handa börnum sem kunna líka (næstum) allt og foreldrum sem kunna gott að að meta. |
| Hanni granni dansari | Gunnar Helgason | Forlagið - Mál og menning | Sjötta bókin í sagnaflokknum vinsæla um Stellu og fjölskyldu hennar: mömmu klikk, pabba prófessor, ömmurnar tvær, bræðurna Sigga og Palla, og nýfæddu tvíburana. Nú fær Hanni granni loksins sína sögu og óhætt er að segja að níski nágranninn, sem er alveg að verða hluti af fjölskyldunni, komi hér rækilega á óvart. |
| Palli Playstation | Gunnar Helgason | Forlagið - Mál og menning | Ný saga í geysivinsælum bókaflokki um Stellu og fjölskyldu hennar sem hófst með Mömmu klikk. Nú hefur systkinum Stellu fjölgað um tvö og heimilislífið er ansi skrautlegt. Allt fer þó endanlega í vitleysu þegar Palli stóri bróðir hættir með Bellu kærustunni sinni. Þá verður Stella að bjarga málunum! En hvernig skyldi það ganga? |