Gertie býr með mömmu sinni og ömmu í yndislegum, litlum bæ nyrst í Skotlandi, þar sem fólk er samheldið og náttúran ægifögur. Það er þó ekki ævintýrum fyrir að fara hjá Gertie. Hún hefur unnið í sömu kjörbúðinni síðan hún lauk skóla og félagslíf hennar snýst aðallega um prjónaklúbb skoðanaglaðra kvenna.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| 500 mílur frá mér til þín | Jenny Colgan | Angústúra | Alyssa Westcott kallar ekki allt ömmu sína, enda hefur hún unnið lengi sem hjúkrunarfræðingur á bráðamóttöku í London. Þegar hún verður vitni að hræðilegu banaslysi, sem hún nær ekki að henda reiður á, hrynur tilvera hennar. |
| Eyjabrúðkaup | Jenny Colgan | Angústúra | Á litlu skosku eyjunni Mure ætla Flora MacKenzie og unnusti hennar Joel loksins að ganga í það heilaga. Brúðkaupsundirbúningurinn gengur þó ekki sem skyldi vegna þess að skötuhjúin eru ekki sammála um hvernig þau vilja hafa stóra daginn; Joel langar í látlaust brúðkaup en Floru dreymir um stóra veislu með vinum og vandamönnum. |
| Jólabókarleitin | Jenny Colgan | Angústúra | Mirren leggur af stað norður í land í leit að einstakri bók fyrir fárveika ömmusystur sína. Hún kynnist myndarlegum, dökkeygum bóksala sem býðst til að leggja henni lið. Saman þræða þau fornbókabúðir, en er hann allur þar sem hann er séður? Og er bókarleitin erindisleysa eða mun hún leiða Mirren inn á nýjar og óvæntar brautir? Töfrandi jólasaga. |
| Jól á eyjahótelinu | Jenny Colgan | Angústúra | Jólin nálgast og Flora hefur í nógu að snúast þótt hún sé í fæðingarorlofi. Hún hefur áhyggjur af Fintan bróður sínum sem á erfitt með að finna lífsgleðina eftir að hafa misst eiginmann sinn, Colton. Þau systkinin ætla að standsetja hótelið sem Finton erfði eftir Colton og stefna á að opna fyrir jólin. |
| Jól í Litlu bókabúðinni | Jenny Colgan | Angústúra | Þegar Carmen stendur uppi atvinnulaus og blönk í litla heimabænum í Skotlandi þar sem tækifærin eru af skornum skammti hringir móðir hennar í lögfræðinginn elstu dóttur sína. Þótt systurnar hafi aldrei átt skap saman býður Sofia Carmen herbergi hjá sér gegn því að hún aðstoði skjólstæðing hennar við að koma lúinni fornbókaverslun á réttan kjöl. |
| Litla bókabúðin við vatnið | Jenny Colgan | Angústúra | Þegar Zoe býðst að sjá um bókabílinn fyrir Ninu í hálöndunum og gæta barna fyrir herragarðseigandann og einstæða föðurinn Ramsay Urquart í skiptum fyrir húsnæði, grípur hún tækifærið í von um betra líf fyrir sig og son sinn. Sú ákvörðun á eftir að reynast afdrifarík fyrir fleiri en þau mæðginin. |
| Miðnætti í Litlu jólabókabúðinni | Jenny Colgan | Angústúra | Þótt Carmen hafi bjargað bókabúðinni frá gjaldþroti síðustu jól er staðan enn tvísýn. Að auki er enginn hægðarleikur að finna húsnæði á viðráðanlegu verði fyrir fátækan bóksala. En Edinborg er ævintýraborg og aldrei að vita hvaða tækifæri leynast í iðrum hennar. Ekta jólabók eftir skoska metsöluhöfundinn Jenny Colgan. |
| Skrifað í skýin | Jenny Colgan | Angústúra | Þegar Morag MacIntyre neyðist til að nauðlenda lítilli flugvél í fárviðri á einangraðri eyju þar sem enginn býr nema einn fýldur karl, nokkrar hænur og ein geit breytist allt. Sambandslaus við umheiminn verður Morag að staldra við og horfast í augu við að mögulega hefði hún gott af því að komast í svolítið jarðsamband. |
| Sólarupprás við sjóinn | Jenny Colgan | Angústúra | Þegar örlögin feykja örmagna Marisu á afskekkta eyju úti fyrir ströndum Cornwall vonast hún til að fá að jafna sig í friði. Fyrr en varir er hún farin að hjálpa til í vitanum hjá Polly og Huckle og leggja á ráðin um að blása nýju lífi í Litla bakaríið. Getur verið að hún hafi frekar þörf fyrir nánd en næði? Ljúflestur eftir skoska metsöluhöfundinn. |