Í almanaki 2026 er grein um uppruna frumefnanna. Í annarri grein er fjallað um flökkureikistjörnur, en það eru reikistjörnur sem ekki ganga um neina sólstjörnu. Þá er stuttur pistill um dvergreikistjörnur í okkar sólkerfi, en þær eru nú níu talsins. Pistill um almyrkva á sólu 12. ágúst sem mun sjást um allt landið vestanvert.
150. árgangur
Aðalgrein Andvara 2025 er æviágrip Barða Guðmundssonar, þjóðskjalavarðar og alþingismanns, eftir Skafta Ingimarsson. Andvari hefur um áratugaskeið birt rækilegar greinar um látna merkismenn, einkum ef ævisaga viðkomandi hefur ekki verið rituð. Í grein sinni ræðir Skafti bæði störf Barða og fræðirit, m.a. rit hans um Herúla og u...
Undirstöður ástarfræða
Ástin hefur lengi verið á jaðrinum í akademíunni, líka þegar Anna Guðrún Jónasdóttir setti fram hugtakið ástarkraftur í doktorsritgerð sinni árið 1991. Hér fjalla 17 fræðimenn úr mennta-, hug- og félagsvísindum um ást sem mannlega þörf og iðju sem hefur ekki einungis áhrif á stöðu einstaklinga heldur einnig á samfélagsgerð, velferð og jafnrétti.
Námstækifæri fyrir alla nemendur
Bókin er sérstaklega skrifuð með starfandi kennara og skólastjórnendur, kennaranema og kennsluráðgjafa í huga. Höfundar hafa að leiðarljósi að sameina fræðileg og hagnýt sjónarhorn á viðfangsefni sín þannig að efnið nýtist í kennaramenntun og við starfsþróun í skólum.
Dionysius Piper á Íslandi 1740–1743
„Hinn 2. júlí var presturinn hér við altarisgöngu, en svo drukkinn var hann, að ömurlegt var á að horfa“. Þannig lýsti Herrnhútatrúboðinn Dionysius Piper kynnum af íslenskum presti. Bréf Pipers og önnur gögn, tengd veru hans á Íslandi, birtast í þessari bók, auk inngangstexta.
Greinar um tengsl leikskóla, grunnskóla og frístunda
Bókin veitir innsýn í þau umskipti sem verða í lífi barna á mótum skólastiga og er ætlað að stuðla að ígrundun fagfólks, foreldra, nemenda og annarra sem láta sig menntun ungra barna á mikilvægum timamótum varða. Hún inniheldur 13 fræðigreinar þar sem fjallað er um niðurstöður rannsókna sem tengjast menntun ungra barna.
Í bókinni leitast höfundar við að greina hvernig sveitarstjórnarskipan Íslands þjónar þeim hlutverkum sem almennt má telja að henni séu ætluð. Hér er lagt mat á stöðuna út frá fyrirliggjandi rannsóknum og almennum hugmyndum um hlutverk og markmið sveitarfélaga.
Alþýðulist og skreytingar í handritum síðari alda
Í bókinni er fjallað um skreytingar í íslenskum pappírshandritum frá lokum 17. aldar til upphafs þeirrar 20. Viðfangsefnið bregður nýju ljósi á íslenska lista- og menningarsögu og eru birtar um 150 litmyndir úr handritum frá rannsóknartímanum. Hér er á ferðinni verk fyrir allt áhugafólk um myndlist í nútíð og fortíð.
Afmælisrit til heiðurs Sigurði J. Grétarssyni
Greinarnar sem hér birtast fjalla meðal annars um læsi, spilafíkn, áföll, mótþróaþrjóskuröskun, taugavísindi, núvitund og sögu sálfræðinnar – og draga upp mynd af manni sem hefur haft djúpstæð áhrif á bæði nemendur og fræðasvið sitt. Í bókinni er jafnframt fjallað um hlutverk leiðbeinandans og mikilvægi kennslunnar.