Joan Goodwin hefur verið gagntekin af stjörnunum frá því hún man eftir sér. Hún lifir kyrrlátu lífi, kennir stjörnufræði og tekur virkan þátt í uppeldi systurdóttur sinnar. Þegar hún svarar auglýsingu frá NASA, þar sem í fyrsta sinn er óskað sérstaklega eftir umsóknum vísindakvenna um geimfaraþjálfun hjá stofnuninni, snýst líf hennar á hvolf.
Jólin í ár fara algjörlega úr böndunum! Versti stormur í manna minnum skellur á Nýja-Englandi en Mabel Miller lætur það ekki á sig fá. Hún býr sig undir að eyða enn einum jólunum með köttunum sínum þremur og forðast allt sem tengist hátíðarhöldunum. Engar skreytingar. Ekkert jólatré. Það er að segja þangað til veðrið grípur í taumana ...
Hvíldin er fimmta glæpasaga Ragnheiðar Gestsdóttur. Fyrri bækur hennar eru Úr myrkrinu, Farangur, Blinda og Týndur. Farangur hlaut Blóðdropann árið 2021 og var tilnefnd til Glerlykilsins 2023.
Falleg og bráðfyndin saga um lífið, ástina, fjölskylduna og kúnstina að klúðra öllu saman. Fyrir Vanessu Price er það meira en bara mottó að njóta hvers dags í botn. Mamma hennar og systir létust fyrir þrítugt og Vanessa ætlar ekki taka neinu sem gefnum hlut.