Grípandi saga sem fyrst kom út í þrem hlutum en er hér sameinuð í eina bók. Charlize Wynwood og Silas Nash hafa verið bestu vinir síðan þau lærðu að ganga og ástfangin síðan þau voru fjórtán. En frá og með deginum í dag þekkja þau ekki hvort annað.
Þessi jól þarf stórfjölskyldan að taka utan af fleiri leyndarmálum en jólagjöfum!
Morgan setti líf sitt á bið þegar hún varð ófrísk sautján ára og er harðákveðin í að koma í veg fyrir að Clara, sextán ára dóttir hennar, geri sömu mistök. En Clara hefur heldur engan áhuga á að vera eins og mamma hennar sem henni finnst óþarflega fyrirsjáanleg.
Fræg leikkona flýr skandal í Hollywood og leitar á náðir vinkonu sem rekur afskekkt íbúðahótel á fögrum stað í Englandi. Æskuvinkonurnar Millý og Nicole hafa alltaf ræktað sína nánu vináttu þrátt fyrir að aðstæður þeirra gætu varla verið ólíkari. Eða allt þar til Nicole snýr baki við Millý þegar hún þarf mest á stuðningi að halda.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| 9. nóvember | Colleen Hoover | Björt bókaútgáfa - Bókabeitan | Fallon kynnist Ben, upprennandi rithöfundi, daginn áður en hún hyggst flytja þvert yfir landið. Þau laðast hvort að öðru og ákveða að verja saman síðasta deginum hennar í Los Angeles. Viðburðarík ævi Fallon veitir Ben innblástur að hans fyrstu skáldsögu og þau ákveða að hittast árlega á þessum sama degi til að fylla inn í söguþráðinn. |
| Brúðkaup í Paradís | Sarah Morgan | Björt bókaútgáfa - Bókabeitan | Catherine Swift er drottning ástarsagnanna og hefur trónað á toppi metsölistanna í áratugi. Hennar eigið ástarlíf hefur ekki verið eins farsælt og hefur það valdið álagi á samband hennar við dæturnar tvær. Catherine býður dætrum sínum í fjórða brúðkaupið sitt og þegar systurnar koma á eyjuna hafa þær afar ólíkar væntingar til þess sem í vændum er. |
| Bústaðurinn við ströndina | Sarah Morgan | Björt bókaútgáfa - Bókabeitan | Cecilia Lapthorne ætlaði aldrei að snúa aftur í Dune-bústaðinn. Hún kemur því sjálfri sér mest á óvart þegar hún stingur af úr eigin sjötugsafmæli til að fara þangað. Staðurinn er afskekktur, en fallegur, og troðfullur af minningum. |
| Eleanor og Park | Rainbow Rowell | Björt bókaútgáfa - Bókabeitan | Heimilislíf Eleanor er í algjöru uppnámi. Svo er hún nýja stelpan í skólanum og fellur alls ekki inn í hópinn; ósamstæð föt úr Rauðakrossbúðinni, úfnar rauðar krullur … |
| Ég gef þér sólina | Jandy Nelson | Björt bókaútgáfa - Bókabeitan | Stórbrotin og margverðlaunuð þroskasaga sem lætur engan ósnortinn. |
| Ég heiti Kosmó | Carlie Sorosiak | Björt bókaútgáfa - Bókabeitan | Fjölskyldan er að liðast í sundur og hlutverk Kosmós er að koma í veg fyrir að það gerist. Hann veit nákvæmlega hvað hann þarf að gera. |
| Fjölskylda fyrir byrjendur | Sarah Morgan | Björt bókaútgáfa - Bókabeitan | Flora Donovan er í draumastarfinu, einhleyp í New York og hefur aldrei fundist hún tilheyra neins staðar þar til hún kynnist Jack Parker og dætrum hans, Izzy og Molly. Nýja sambandið reynist Floru mikil áskorun því draugar fortíðar gætu eyðilagt allt sem hana hefur dreymt um. Dásamleg saga um ást, vináttu, sorg, fjölskyldulíf og fyrirgefningu. |
| Jólabókaklúbburinn | Sarah Morgan | Björt bókaútgáfa - Bókabeitan | Maple Sugar gistihúsið er fullkomið fyrir jóladekurferð enda er það fullbókað allan desember. Hótelstýran Hattie Coleman er kornung ekkja og einstæð móðir og hennar eina ósk er að komast klakklaust gegnum jólavertíðina. Þegar Erica, Claudia og Anna mæta í vikulanga bókaklúbbadvöl á gistihúsið grípa örlögin í taumana. |
| Jólabústaðurinn | Sarah Morgan | Björt bókaútgáfa - Bókabeitan | Imogen er afar fær viðburðastjórnandi og samstarfsfólkið lítur upp til hennar. Hún er samt ekki sú sem hún þykist vera, fortíðin geymir erfið leyndarmál sem hún trúir engum fyrir. Henni býðst að verja jólunum í friðsældinni í Cotswold en leyndarmál fortíðar gera óvænta innrás í líf hennar svo hún neyðist til að taka erfiðar ákvarðanir. |
| Sumar í strandhúsinu | Sarah Morgan | Björt bókaútgáfa - Bókabeitan | Þegar meistarakokkurinn Cliff Whitman deyr í bílslysi breytast aðstæður Joönnu Whitman á svipstundu. Þrátt fyrir skilnað vegna síendurtekins framhjáhalds er áhugi slúðurblaðamanna á henni enn sá sami. Þegar hún kemst að því að unga konan sem var með fyrrverandi eiginmanni hennar í bílnum er ólétt, finnur Joanna sig knúna til að bregðast við. |
| Veðurteppt um jólin | Sarah Morgan | Björt bókaútgáfa - Bókabeitan | Fjölskyldujól og óvæntur gestur! Miller-systkinin; Ross, Alice og Clemmie eru á leið heim til foreldra sinna yfir jólin. Lucy Clarke sér fram á mögulegan starfsmissi í nýársgjöf – nema hún geti fengið Ross Miller í samstarf. Þegar Lucy birtist á tröppunum hjá Miller-fjölskyldunni halda þau að hún sé kærasta Ross og taka henni fagnandi. |
| Verity | Colleen Hoover | Björt bókaútgáfa - Bókabeitan | Rithöfundurinn Lowen Ashleigh er í fjárhagskröggum þegar hún fær tilboð sem hún getur ekki hafnað. Jeremy Crawford, eiginmaður metsöluhöfundarins Verity Crawford, ræður Lowen til að klára síðustu bækurnar í afar vinsælum bókaflokki sem rúmföst eiginkona hans er ekki fær um að ljúka. |
| Vetrarfrí í Hálöndunum | Sarah Morgan | Björt bókaútgáfa - Bókabeitan | Í huga systranna Samönthu og Ellu Mitchell eru jólin dýrmætasti tími ársins, hátíð kærleika og samveru. Umfram allt eru þær þó að bæta upp fyrir jólin sem þær fengu ekki að njóta í æsku. |
| Violet og Finch | Jennifer Niven | Björt bókaútgáfa - Bókabeitan | Violet og Finch hittast á brúninni á klukkuturni skólans en þaðan er margra hæða fall til jarðar. Þegar þau eru komin niður af syllunni, heil á húfi, er óljóst hver bjargaði hverjum. |
| Þessu lýkur hér | Colleen Hoover | Björt bókaútgáfa - Bókabeitan | Stundum er það sá sem maður elskar mest sem særir dýpst. Lífið hefur ekki alltaf verið Lily auðvelt og hún hefur þurft að leggja hart að sér. Hún komst frá smábænum sem hún ólst upp í, útskrifaðist úr háskóla, flutti til Boston og stofnaði eigið fyrirtæki. Þegar hún kynnist heila- og taugaskurðlækninum Ryle virðist lífið hreinlega of gott ... |