Snigilinn Skrúfu dreymir um að yfirgefa litla skerið sitt og skoða heiminn. Eina nóttina rætist óskin: Risastór hvalur kemur syndandi og býður henni far á sporði sínum. Og þá hefst ógleymanleg ævintýraferð, uppfull af undrum og hættum. Sjöunda bókin sem kemur út á íslensku eftir bresku metsöluhöfundana Juliu Donaldson og Axel Scheffler.
Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.
| Titill | Höfundur | Útgefandi | Lýsing |
|---|---|---|---|
| Greppibarnið | Julia Donaldson | Forlagið - Mál og menning | Greppiklóin er ekki búin að gleyma músinni ógurlegu sem gabbaði hana eitt sinn og því harðbannar hún Greppibarninu að fara inn í skóginn. En Greppibarnið óttast ekki neitt og eina dimma vetrarnótt læðist það frá mömmu sinni. Börn á öllum aldri fagna endurútgáfu Greppibarnsins, sérstaklega þau sem bæði eru hugdjörf og heimakær. |
| Greppikló | Julia Donaldson | Forlagið - Mál og menning | Greppikló er ógurleg skepna með geiflugóm og gríðarlegar tær með klóm, og hún slafrar í sig slöngum, refum og uglum sem á vegi hennar verða. Eða það segir litla músin að minnsta kosti við dýrin sem hún hittir í skóginum. Bókin Greppikló hefur notið gífurlegra vinsælda hjá ungum lesendum um árabil, sérstaklega þeim sem óttast hið ókunna. |
| Sögur úr Litlaskógi Kanínan vill kúra / Sokkarnir hans Rebba | Julia Donaldson og Axel Scheffler | Forlagið - Mál og menning | Geturðu hjálpað rebba að finna sokkana sína og kanínunni að finna stað til að fá sér lúr? Tvær vandaðar og verklegar harðspjaldabækur með flipum fyrir yngstu börnin eftir hina vinsælu höfunda Greppiklóar. Textinn er í bundnu máli. |
| Samstæðuspilið mitt Pési og Pippa Ánægjulegar árstíðir | Camilla Reid | Setberg | Bókin er ríkulega myndskreytt og mörg orð að læra. Á hverri opnu er að finna samstæðuspil og árstíðatengd orð sem leiða til samtals og málörvunar. Bókin er sannkölluð spilabóka en þar eru leikirnir: Samstæðuspil, leitaðu og finndu og feluleikur. Fylgdu Pésa og Pippu og uppgötvaðu hvað gerir hverja árstíð ánægjulega. |
| Pési og Pippa - Leika í snjónum | Camilla Reid | Setberg | Pési og Pippa elska að leika sér í snjónum, en þau eru ekki sammála um hvernig snjókarl þau eigi að gera. Í þessari hugljúfu sögu lærum við hvernig vinirnir leysa úr ágreiningi og leika sér saman í sátt og samlyndi. |
| Pési og Pippa - Stóra orðabókin | Setberg | Stóra orðabókin er ríkulega myndskreytt bók með vinum okkar, Pésa og Pippu. Á hverri opnu er að finna verkefni og orð úr daglegu lífi sem leiða til samtals og málörvunar. Yfir 300 orð og 30 flipar fyrir litla fingur að fletta. Setberg bækur fyrir börn. | |
| Sokkarnir hans rebba | Julia Donaldson og Axel Scheffler | Forlagið - Mál og menning | Flipabók fyrir yngstu lesendurna og segir frá dýrunum í Litlaskógi. Hér er það hann rebbi sem er búinn að týna sokkunum sínum og leitar að þeim um allt. Ný bók eftir höfunda Greppiklóar. |
| Týr | Julia Donaldson | Forlagið - Mál og menning | Fjórða stóra bók bresku metsöluhöfundanna Juliu Donaldson og Axels Scheffler – höfunda Greppiklóar – sem kemur út á íslensku. Áhugasamasti nemandinn í drekaskólanum þráir ekkert heitar en að læra að fljúga, öskra og spúa eldi eins og alvöru drekar gera. En allt gengur á afturfótunum þar til hann eignast hjálpsama og hugrakka vinkonu. |
| Öll í hóp á einum sóp | Julia Donaldson | Forlagið - Mál og menning | Gullfalleg bók í bundnu máli eftir höfunda Greppiklóar og Greppibarnsins. Norn og köttur fljúga saman á töfrasóp um loftin blá – og þar er nóg pláss fyrir fleiri dýr sem vilja vera með. En þegar glorhungraður dreki birtist skyndilega grípa nornin og vinir hennar til sinna ráða. |