Höfundur: Gunnar Theodór Eggertsson

Úr eldri árgöngum

Athugið að bækur úr eldri útgáfum Bókatíðinda eru birtar hér með fyrirvara um mögulega sé ekki um að ræða nýjustu upplýsingar.

Titill	Höfundur	Útgefandi	Lýsing
Álfareiðin	Gunnar Theodór Eggertsson	Forlagið - Vaka-Helgafell	Æsispennandi og öðruvísi álfahrollvekja. Þrír menntskælingar fá það verkefni að búa til hlaðvarpsþátt um álfa. Þau grafa upp dularfullt þorp á Suðurlandi sem tengist álfum og virðist eiga sér blóðuga sögu. Fljótlega verður ljóst að þorpsbúar hafa margt og miður fallegt að fela – og það getur reynst stórhættulegt að spyrja rangra spurninga.
Jólabókaormurinn	Gunnar Theodór Eggertsson og Yrsa Þöll Gylfadóttir	Bókabeitan	Þið kannist við jólaköttinn en hafið þið heyrt um jólabókaorminn? Hann er nefnilega alveg jafnslæmur, nema hann étur bara þá sem fá ekki bók í jólagjöf! Hafdís og Tómas þekkja söguna en hafa engar áhyggjur því í þorpinu gefa allir bækur. En hefur nokkur séð jólabókaorminn? Er hann til í alvörunni? Systkinin ákveða að skoða þetta nánar ...
Furðufjall Nornaseiður	Gunnar Theodór Eggertsson	Forlagið - Vaka-Helgafell	Íma dauðöfundar systur sína sem fær að nema galdur hjá nornunum á meðan hún sjálf passar sækýrnar. Andreas lærir járnsmíðar af pabba sínum en dreymir um að verða riddari og vinna hetjudáðir. En brátt verða óvæntir og skelfilegir atburðir sem setja tilveru þeirra í uppnám. Fyrsta bókin í spennandi bókaflokki eftir verðlaunahöfund.
Furðufjall 2 Næturfrost	Gunnar Theodór Eggertsson	Forlagið - Vaka-Helgafell	Önnur bókin í æsispennandi og fallega myndskreyttri ævintýraseríu fyrir börn og unglinga. Andreas og föruneyti hans nema land á Hulinseyju og kynnast álfunum. Íma glímir við nornanámið og kemst á snoðir um hræðilegt leyndarmál sem falið er í fjallinu. En skuggahliðar eyjunnar koma þó fyrst í ljós þegar nóttin skellur á …
Furðufjall 3 Stjörnuljós	Gunnar Theodór Eggertsson	Forlagið - Vaka-Helgafell	Lokabindið í Furðufjalls-seríunni, sem er æsispennandi og ríkulega myndskreytt ævintýrasería fyrir börn og unglinga. Álfastúlkan Íma situr fangin ofan í gömlum hallarrústum þegar hvítur köttur birtist skyndilega. Andreasi er rænt af álfunum en verra er þó að erkióvinur hans, prinsinn, hefur fundið Hulinseyju og hyggur á hefndir.
Vatnið brennur	Gunnar Theodór Eggertsson	Forlagið - Vaka-Helgafell	Gríma er komin austur til að spila á Eistnaflugi en ferðin reynist vendipunktur í lífi hennar. Margslungin og spennandi hrollvekja með sögusvið sem spannar Ísland samtímans jafnt sem Svíþjóð hippatímans en auk þess er samband mannskepnunnar við tónlist skoðað frá óvæntum og oft myrkum hliðum.