Síða 2 af 2
Fjölbreytt og eiguleg prjónabók með 74 uppskriftum að einlitum og marglitum sokkum fyrir stóra og smáa fætur. Uppskriftirnar eru einfaldar og aðgengilegar og fremst í bókinni eru útskýringar á aðferðum. Þetta er áttunda bók höfundar en fyrri bækurnar hafa notið mikilla vinsælda, þar á meðal Sokkaprjón, Vettlingaprjón og Húfuprjón.
Ævintýrin um vinina óborganlegu, Orra og Möggu, halda hér áfram. Nýr strákur, Raggi Ronaldo, kemur í hverfið og Magga er ekki ánægð með þá aðdáun sem hann fær. Þau skipuleggja æsispennandi leik, Messi á móti Ronaldo, en hvað eiga þau að gera við frænda Ragga sem er alfarið á móti keppninni?
Ung lögreglukona er send á Kópasker þegar kvikmyndalið frá Hollywood sem þar er að störfum kvartar undan heimafólki. Í sömu andrá og norðlensk stórhríð skellur á finnst aðalleikkonan myrt. Þrítugasta bók sagnameistarans Arnaldar, hröð og hörkuspennandi glæpasaga þar sem amerískur kvikmyndaheimur mætir íslenskum veruleika í kolsvörtu vetrarmyrkri.
Höfundur rifjar upp eftirminnilegan tíma sem forsetafrú Íslands og veitir lesendum innsýn í heim þar sem formlegheitin ráða ríkjum og opinberar heimsóknir og móttökur eru stór hluti af starfinu. Einnig segir Eliza frá uppvexti sínum í Kanada, námsárunum, ferðalögum og hvernig það var að flytja til Íslands og verða útivinnandi margra barna móðir.
Skömminni verður að skila
Í tíu ár hafði eiginmaður Gisèle Pelicot byrlað henni lyf, nauðgað henni og boðið fjölda manna inn á heimili þeirra til að misnota hana. Hún varð heimsfræg þegar hún ákvað að réttarhöldin yfir eiginmanninum skyldu fara fram fyrir opnum tjöldum. Allir áttu að sjá hverjir glæpamennirnir voru og að skömmin væri þeirra.
Falleg prjónabók með flíkum í anda helstu sögupersóna úr bókum Astridar Lindgren. Hér eru 46 uppskriftir fyrir börn og fullorðna. Hvern dreymir ekki um derhúfuna og peysurnar hans Emils eða Kattholtskjólinn og svuntuna hennar Ídu? Línupeysa fyrir stóra og smáa, prjónaður herra Níels og peysur bræðranna Ljónshjarta svo fátt eitt sé nefnt.
Margslungin og metnaðarfull sænsk glæpasaga. Vanessa Frank rannsakar morð á þrítugri konu í Stokkhólmi en þar í borg fer ofbeldisglæpum gegn konum síst fækkandi. Bakslagið í kjölfar MeToo er áþreifanlegt og vaxandi fylgi kvenhataranna í stafrænu Incel-hreyfingunni vekur ugg. Og þeir láta sér ekki allir nægja að fá útrás fyrir hatrið við tölvuna.
Sagan af uppvexti og þroska hinnar stoltu og sterku Sölku Völku á Óseyri við Axlarfjörð er í senn saga þorps og svipmikilla einstaklinga. Þegar nýir vindar blása um samfélagið fara átakatímar í hönd – en ávallt leika ást og dauði undir. Bókin kom upphaflega út í tveimur bindum 1931–1932 og hefur verið gefin út margoft síðan heima og erlendis.
Þegar Matthildur vaknar 10. nóvember 2023 óttast hún það versta. Jarðskjálftar hafa skekið heimabæ hennar dögum saman og eldgos vofir yfir. Matthildur reynir að lifa eðlilegu lífi en áður en dagurinn er liðinn hefur fjölskyldan flúið bæinn í ofboði. Sönn saga um náttúruhamfarirnar í Grindavík og eftirleik þeirra sem hlaut Sólfaxa-verðlaunin 2026.
Saga hins þrjóska einyrkja, Bjarts í Sumarhúsum, og baráttu hans við allt og alla er bæði þjóðleg og alþjóðleg – sígild frásögn af hlutskipti fátæks fólks í hörðum heimi. Sjálfstætt fólk kom fyrst út í tveimur bindum 1934–1935 og hefur verið gefin út margsinnis síðan á ótal tungumálum.
Lexi og Zeke hittast á bar í litlum strandbæ og ákveða að eiga eina rómantíska nótt saman. Daginn eftir ástríðufull kynni sem enduðu í gömlum húsbát vakna þau úti á opnu hafi og við tekur ótrúleg barátta upp á líf og dauða. Smám saman kynnast þau betur en þurfa um leið að takast á við ýmislegt óuppgert úr fortíðinni.
Hárbeitt og spennuþrungin saga um óbærilegan missi og einsemd – og síðbúna, grimmilega hefnd. Vopnasali er skotinn á götu í Minneapolis og lögreglan kemst fljótt á slóð byssumannsins en þegar hann lætur til skarar skríða á ný fer Bob Oz lögreglumann að gruna að einhver ósögð saga liggi að baki. Frábærlega fléttuð hrollvekja frá meistara Jo Nesbø.
Svanvængjuð þrá er áttunda ljóðabók metsöluhöfundarins Valdimars Tómassonar. Hér er ort um brostnar vonir, sorg og tilgangsleysi á einstaklega næman og fínlegan hátt. Formið sækir Valdimar til þríhendunnar en kveður þó með sínu lagi.
Í hjólhýsi finnst lík manns sem hefur verið limlestur af ólýsanlegri grimmd. Í næsta herbergi sefur hinn 17 ára gamli Hugo Sand. Hann þjáist af skelfilegum martröðum, gengur í svefni – og segist ekki hafa hugmynd um hvað átti sér stað þessa nótt. Lögregluforinginn Joona Linna leitar til dáleiðara í von um að komast að sannleikanum.
Kanínukraðak
Fyrsta krúttlega dýraævintýrið í nýjum LEGO® Friends-bókaflokki. Nóva og vinir hennar eru í vandræðum. Bærinn þeirra er yfirfullur af kanínum! Nóva er viss um að nýjasta uppfinningin hennar, gæludýrastöðin, geti bjargað málunum. Lestu söguna og byggðu úr kubbunum. Lego Friends-kall og gæludýrastöð fylgja með.
Árásin á bókasafnið
Fyrsta örlagaævintýrið í nýjum LEGO® Ninjago-bókaflokki. Dexi hefur svikið lit og stolið ævagömlum fjaðurpenna af bókasafninu. Efrasía og Kai verða að stöðva hann. En þetta er ekki bara einhver fjaðurpenni, heldur sjálfur örlagapenninn. Lestu söguna og byggðu úr kubbunum. Lego Ninjago-kall og vélmenni fylgja með!
Bráðskemmtileg rómantísk aðventusaga. Dag einn er Kristínu nóg boðið: Vinnan og þriðja vaktin eru að ganga frá henni og hún leggur óvænt af stað austur á firði til að heimsækja góðan vin og hugsa sinn gang. Eiginmaðurinn vill ólmur fá hana aftur heim en fjallmyndarlegur Eskfirðingur skýtur upp kollinum og flækir málin.