Síða 5 af 7
Sumarblóm, kryddjurtir, vorlaukar, haustlaukar
Garðyrkju- og grasafræðingurinn Vilmundur Hansen leiðir lesendur út í garð og sýnir hvernig blóm, kryddjurtir og laukar þrífast best. Hann fjallar um val á plöntum, gróðursetningu og umhirðu og útskýrir hvaða aðstæður henta best í íslenskri veðráttu. „Afar kærkomin leiðsögn fyrir allt garðyrkjuáhugafólk.“ / Hafsteinn Hafliðason garðyrkjufræðingur
Safn greina um siðferðilegt hlutverk samtala og rökræðu. Samræðuhugtakið er brotið til mergjar og rýnt í hugmyndir um efnið frá sjónarhól siðfræði, tilvistarstefnu og samfélagsheimspeki. Sýnt er fram á mikilvægi samtals og rökræðu á ólíkum sviðum mannlífsins, svo sem í menntun, stjórnmálum og heilbrigðisþjónustu.
Listin að leiða öruggt og uppbyggilegt ferli að sameiginlegri lausn ágreiningsmála
Markmið sáttamiðlunar er að vinna úr ágreiningi og deilum, bæta samskipti, sambönd og samvinnu ásamt því að auka traust og virðingu á milli aðila. Í bókinni eru undirstöðuatriði sáttamiðlunar dregin fram og kafað dýpra í einstaka þætti hennar til að veita lesandanum þekkingu, hæfni og getu til að vinna með deilur á uppbyggilegan hátt.
Ævi hans og kveðskapur
Bjarni Gissurarson (1621–1712) var prestur í Þingmúla á Skriðdal. Hann var náfrændi sr. Stefáns Ólafssonar í Vallanesi og gott skáld eins og hann, þótt kveðskapur Bjarna sé minna þekktur. Bjarni orti og þýddi bæði trúarleg kvæði og veraldleg.
Sigvaldi Thordarson var einn kunnasti arkitekt eftirstríðsáranna. Albína Thordarson rekur hér sögu föður síns og verka hans og varpar um leið ljósi á þróun íslenskrar byggingarlistar á 20. öld. Pétur H. Ármannsson ritar um náms- og mótunarár Sigvalda. Fjöldi áður óbirtra ljósmynda og teikninga prýðir bókina.
Excavations of a Bishop´s residenc and school. Volume 3: The ecofacts and synthesis
Þriðja og síðasta bindið í ritröðinni Skálholt I-III. Árið 2002 hóf Fornleifastofnun Íslands umfangsmiklar rannsóknir í Skálholti. Uppgröfturinn stóð yfir næstu sex sumur og varð einn sá viðamesti sem fram hefur farið hér á landi.
Er leikur að læra?
Öll tengjumst við skólum landsins með einhverju móti – sem nemendur, starfsmenn, foreldrar, skattgreiðendur. Og öll höfum við skoðanir á því starfi sem unnið er í skólakerfinu. Í þessari bók fjallar hinn margreyndi skólamaður Sölvi Sveinsson um skólana sem nemandi, kennari og skólastjóri og segir sögur af mönnum og málefnum.
Í þessari bók eru valin verk úr safneign Listasafns Íslands sem fjalla með ólíkum hætti um þjóðsögur og sagnaheiminn sem tengist þeim.
Framkvæmd skjalavörslu og skjalastjórnar á Íslandi
Opinber skjalasöfn gegna mikilvægu hlutverki í samfélaginu. Þau varðveita minni þjóðar, tryggja réttindi borgaranna og hag stjórnsýslunnar. Þjóðskjalasafn er framkvæmdaraðili skjalavörslu og skjalastjórnar á Íslandi. Í bókinni er fjallað um þróun langtímavörslu skjala, eftirlitshlutverk Þjóðskjalasafns og mikilvægi skjala í stjórnsýslunni.
Í þessari níundu bók sinni rekur Þórhallur Heimisson sögu, þróun og samsetningu Biblíunnar og texta hennar, allt frá Egyptalandi hinu forna til Biblíuþýðinga dagsins í dag. Þetta er spennandi og stórbrotin saga um mikilvæga sögulega þætti sem snerta alla. Hér er fjallað um Biblíuna sem heild og hvernig hún varð til.
Ný útgáfa af stærðfræðibókum Gísla Bachmann og Helgu Björnsdóttur sem komið hafa út á undanförnum árum og ætlaðar eru nemendum á 3. þrepi í framhaldsskóla.
Litróf birtunnar – um list brautryðjanda
Svavar Guðnason kom eins og stormsveipur inn í íslenskt listalíf í ágúst 1945 eftir langa dvöl í Danmörku með sýningu sinni í Listamannaskálanum. Þar ruddi hann óhlutbundinni myndlist braut á Íslandi. Svavar átti einnig þátt í því að móta danska – og evrópska – listasögu með hópnum er síðar varð þekktur sem Cobra-hreyfingin.
Heildarútgáfa í sjö bindum
Sveinn Pálsson (1762–1840) var einn helsti brautryðjandi íslenskra náttúruvísinda, læknir og frumkvöðull í rannsóknum á jöklum, eldvirkni og gróðri á Íslandi. Í þessari heildarútgáfu eru ritsmíðar hans, ferðabækur, bréf og dagbækur að finna í sjö bindum í glæsilega hannaðri öskju. Þessi útgáfa er menningarsögulegur viðburður.
Ljóðrýni
Skáldið, rithöfundurinn og bókmenntaprófessorinn Njörður P. Njarðvík rýnir í 39 ljóð eftir 38 af okkar fremstu skáldum. Njörður greinir uppbyggingu ljóðanna, merkingu þeirra og tilætluð áhrif í samspili orða, hljóms og menningar. Ljóðrýni þessi á uppruna sinn í kennslu Njarðar í íslenskum bókmenntum við Háskóla Íslands.
Mannlíf í skjóli Varnarliðsins á Miðnesheiði 1952–2006
Sögur af Vellinum er lifandi heimild um einstakt mannlíf sem blómstraði innan og utan girðingar bandaríska varnarliðsins á Keflavíkurflugvelli í meira en hálfa öld. Andstæður íslenska haftasamfélagsins og amerískra allsnægta urðu til þess að skapa ógleymanlegar sögur, skrautleg uppátæki og hinar sígildu „hjólbörusögur“.
Grasping Our Unequal World
Alþjóðleg inngangsbók í félagsfræði fyrir lesendur sem vilja öðlast dýpri skilning á tengslum einstaklings og samfélags. Bókin veitir yfirlit yfir helstu undirsvið félagsfræðinnar, með áherslu á félagslegan ójöfnuð, alþjóðlegan samanburð og samfélagsvirkni. Aðgengileg fræðileg umfjöllun og fjölbreytt myndefni dýpka skilning lesenda á samfélaginu.
Auður - völd - örlög
Í augum danska búðarsveinsins Thors Jensen var Ísland land tækifæranna. Eftir að hafa þreifað fyrir sér í verslun sannfærðist hann um að framtíðin lægi í íslenskri stórútgerð. Í félagi við syni sína stofnaði hann togarafélagið Kveldúlf og lagði þar með hornstein að einu mesta ættarveldi landsins – veldi Thorsaranna. Bókin er prýdd fjölda ljósmynda.
Tíminn líður – hann bíður ekki. Hann dansar framhjá þér í skini og skúrum. Svo að þú skalt ekki lifa eftir væntingum hans. Lifðu! Vertu til staðar og gefðu lífinu allt sem þú getur. Hlý og falleg dagbók eftir listakonuna Björgu Þórhallsdóttir. Ómissandi dagbók fjölda íslenskra kvenna undanfarin 14 ár.