Síða 4 af 7
Bækur sem geyma minningar og visku og tengja kynslóðir. Einstakar útfyllingabækur sem leiða mæður og feður á skemmtilegan hátt í gegnum það ferli að skrifa eigin sögu, varðveita minningar og deila visku sinni með börnum sínum sem nú eru komin á fullorðinsár.
Níu fræðigreinar
Greinarsafn í tilefni sýningar í Þjóðminjasafni Íslands um glæsilegan íslenskan brúðarbúning frá 18. öld sem þekktur er fyrir glæsileika, fagurt handverk og skart. Faldbúningurinn er í eigu V&A safnsins í London og var lengi talinn hafa glatast í skipsskaða.
Bók þessi geymir úrval pistla og greina sem Hafþór Guðjónsson skrifaði á starfsferli sínum, fyrst sem efnafræðikennari við Menntaskólann við Sund en síðar sem kennari á Menntavísindasviði Háskóla Íslands. Bókin skiptist í sex hluta: Nám og hugsun, Læsi og merkingarsköpun, Samræðan, Starfendarannsóknir, Kennaramenntun og John Dewey.
Fortíð, nútíð og framtíð
Áleitnar hörmungarfréttir frá Mið-Austurlöndum berast okkur nær daglega og margt sem þar er sagt á rætur í afskiptum Vesturlanda. Yfirlitsrit þar sem fjallað er um helstu atburði í heimshlutanum af fordómaleysi og þekkingu er nauðsyn til skilnings á samtíma okkar. Hér er komin ný og uppfærð útgáfa þessa yfirgripsmikla og aðgengilega rits.
Veftímaritið Milli mála er gefið út af Stofnun Vigdísar Finnbogadóttur í erlendum tungumálum við Háskóla Íslands. Þar birtast greinar um bókmenntir, málvísindi, kennslufræði, þýðingar o.fl. Sérhefti ársins er helgað leikritaþýðingum og þar er að finna erindi sem haldin voru á málþingi um leikritaþýðingar í Eddu 1. desember 2025.
Í bókinni birtast tuttugu og níu heimspekileg olíumálverk. Hverju verki fylgir nokkur texti á önverðri síðu. Verkin eru öll úr vestrænni heimspekisögu og skiptast í þrjá bálka. Mikið af heimspekilegum efniviði verkanna er sóttur til hinna fornu Grikkja, en einnig eru myndir úr heimspeki nýaldar.
Saga Mosa, samtaka áhugafólks um umhverfismál, útivist og mannlíf í Mosfellsbæ, og hvernig þessum grasrótarsamtökum tókst að hafa veruleg áhrif á nýtingu landgæða í sveitarfélaginu með því að beita sér gegn óhóflegri malartekju. Útgáfan er tileinkuð Andrési Arnalds.
Áfallasaga
Í aldanna rás var sauðfjárbúskapur undirstaða íslensks samfélags og mótaði líf og afkomu þjóðarinnar. En búskapnum fylgdu áföll, svo sem eldgos og harðindi en ekki síst skæðir sauðfjársjúkdómar sem gátu á skömmum tíma ógnað afkomu heilu byggðarlaganna. Í þessari bók fjallar dr. Helgi Sigurðsson, dýralæknir og sagnfræðingur, um þessi áföll.
Viðhafnarútgáfa Brennu-Njáls sögu grundvölluð á rómuðum frágangi Jóns Böðvarssonar. Textinn er með nútímastafsetningu og vönduðum orðskýringum. Bókin er ríkulega skreytt myndum Þórhildar Jónsdóttur frá Lambey í Fljótshlíð. Njála er óumdeilt flaggskip Íslendingasagna og þessi gerð hennar er sannkallað stofustáss á sófaborðum ísl...
Brennu-Njáls saga hefur allt sem góða sögu prýðir: ástir og afbrýði, vináttu og fjandskap, svik og hefndir, blóðuga bardaga og auðvitað dramatíska brennu. Fersk og brakandi útgáfa sem höfðar jafnt til forfallinna Njáluunnenda og þeirra sem lesa söguna í fyrsta sinn.
Þættir úr sögu höfuðbóls
Oddi á Rangárvöllum var miðstöð valda, kirkju og lærdóms undir forystu Oddaverja á 12. og 13. öld. Í bókinni eru aðgengilegar og ríkulega myndskreyttar greinar eftir fjölda höfunda, byggðar á Oddarannsókninni 2020–24 um samfélag, menntir og ritmenningu í Odda á miðöldum og undirstöður hennar.
Í Orðasafni í leiklist er að finna þann orðaforða sem leikarar, sviðslistamenn, leikstjórar, sviðsmenn, leikmyndahönnuðir og búningahönnuðir nota í störfum sínum í tengslum við leiklist og leikhús og að auki leiklistarkennarar í störfum sínum. Orðin eru skilgreind og jafnframt fylgja enskar þýðingar.
Orð og tunga er ritrýnt tímarit sem Stofnun Árna Magnússonar í íslenskum fræðum gefur út árlega. Birtar eru fræðilegar greinar, á íslensku og ensku, sem lúta að máli og málfræði. Sérstök áhersla er lögð á greinar um orðfræði, orðabókafræði, nafnfræði, íðorðafræði og málræktarfræði. Tímaritið er í opnum aðgangi.
Óperuheimurinn er mörgum hulinn en hér eru lesendur leiddir með aðgengilegum hætti í gegnum sögu óperunnar, allt frá Monteverdi til Brittens, þar á meðal með um 130 tóndæmum.
Lífsreynslusaga
Einstök og allt öðruvísi bók úr smiðju Gyrðis Elíassonar. Hér deilir hann með lesendum erfiðri lífsreynslu og dregur ekkert undan. Átakanleg og einlæg frásögn.
Í tíu aldir hefur kirkjan sinnt mikilvægu hlutverki í lífi landsmanna. Saga hennar er frá kristnitöku samofin sögu þjóðarinnar – tíundarkerfið tengdist prestum og kirkjunni og fæðingar, skírnir, giftingar, andlát, veikindi og heimilisfesta voru skráð í bækur kirkjunnar. Verkið er grundvallarrit um félagsgerð og samfélag fyrri alda.
Hér er fjallað um rannsóknaraðferðir og hvernig þær eru skipulagðar, rökstuddar og framkvæmdar. Bókin veitir traustan leiðarvísi um gæði og fagmennsku í sakamálarannsóknum.
Undanfarin ár hefur bókarhöfundur leitað uppi fornar og nýjar réttir um allt land, tekið af þeim myndir af mikilli fagmennsku og skráð staðsetningu þeirra með GPS-mælipunktum. Í þessari gullfallegu bók eru ljósmyndir af um 700 nafngreindum réttum og fylgir fróðlegur texti með 250 þeirra. Einstök bók fyrir alla sem unna íslenskri náttúru og sögu.