Síða 3 af 7
Holt undir Eyjafjöllum var höfuðból í héraði í meira en þúsund ár og lengst af helgur kirkjustaður. Þar hefst sagan sem rakin er í þessari bók, og nær til ábúenda á staðnum og fólksins í sveitinni. Hér tengjast saman víddir tímans, hestar og menn, fjöll og fjara, galdrar og góðkvendi, hvaðeina fær hér sitt rými í samhangandi sögu.
Hér er teflt fram ögrandi og gagnrýnum viðhorfum um eignarhald, réttlæti, menntun og sjálfbærni safna í nútímasamfélagi. Höfundur byggir á rúmlega þrjátíu ára reynslu af safnastarfi, sem starfsmaður, stjórnandi og fræðimaður. Í bókinni eru því ekki eingöngu fræðilegar pælingar, heldur persónuleg afstaða manns sem þekkir stofnanirnar innan frá.
Ættmóðir íslenska kúastofnsins
Huppa frá Kluftum er ættmóðir allra nautgripa af íslenska kúakyninu en á þessu ári eru 100 ár frá fæðingu hennar. Má fullyrða að væri ættarskrá til fyrir þá alla kæmi Huppa að jafnaði a.m.k. 100 sinnum fyrir hjá hverjum grip. Hér er fjallað um uppruna hennar og áhrif á erfðamengi íslenska kúastofnsins o.fl.
Forvitnileg bók sem opnar börnum jafnt sem fullorðnum heim íslenskrar byggingarsögu frá landnámi til dagsins í dag. Hér kynnumst við 40 ólíkum húsum sem eru eða voru heimili fólks. Öll hafa þau sögu að segja af tísku og tíðaranda, því íslensk húsasaga er samfélagsspegill sem hjálpar okkur að fá betri skilning á umhverfi okkar.
og varnir gegn henni
Húsamygla er viðvarandi vandamál í húsum á Íslandi, nýjum sem gömlum. Í þessari bók er fjallað um þennan vanda og bent á leiðir til úrlausnar og um aðferðir sem geta komið í veg fyrir myglumyndun í nýbyggingum.
Fangahúsið á Arnarhóli á sér langa og merkilega sögu. Það var reist 1766–1771, breytt í bústað stiftamtmanns 1820 og síðan í Stjórnarráðshús 1904. Árið 1997 fóru þar fram byggingarsögulegar rannsóknir í aðdraganda þess að allt húsið var lagt undir forsætisráðuneytið. Frá þessari sögu og mörgu öðru er sagt í bókinni í máli og myndum.
Bókarkorn
Hér kynnumst við jólasveinunum, Grýlu, Leppalúða og dularfulla jólakettinum. Sögur um þau eiga sér rætur langt aftur í aldir og hafa breyst með þjóðinni og jólahaldi í gegnum tíðina. Þjóðsögur og frásagnir um hrekki, matargræðgi og jólasiði en líka lífið á Íslandi fyrr á tímum og þeim boðskap sem sögurnar geyma. Einnig fáanleg á ensku.
Jeppar í lífi þjóðar bregður lifandi ljósi á þennan merkilega en lítt kannaða kafla íslenskrar samgöngusögu í máli en þó aðallega 700 einstæðum ljósmyndum sem koma nú margar fyrir almannasjónir í fyrsta sinn. Þetta er ómissandi bók fyrir bílaáhugamanninn og raunar alla þá sem unna ferðum um úfið landið. Aukin og endurbætt útgáfa.
Á ferðalagi um tónlistarsöguna
Aðgengilegt og fróðlegt rit þar sem leyndardómum klassískrar tónlistar er lokið upp. Magnús er ástríðufullur fræðari; fundvís á áhugaverðar staðreyndir, skemmtilegar sögur og ekki síst vandaðar upptökur, sem hann hefur sett saman í spilunarlista sem má nálgast á streymisveitum. Bókin hentar öllum sem vilja auka við þekkingu sína.
Íslandskort 1482-1850
Í þessari veglegu bók eru helstu Íslandskort sögunnar birt saman í allri sinni dýrð. Saga þess hvernig lögun Íslands þróaðist á kortum á fjórum öldum er heillandi og viðburðarík. Reynir Grétarsson hefur um árabil safnað Íslandskortum og rekur hann á lifandi og skemmtilegan hátt þessa merku sögu. Þessi glæsilega bók er nú loksins fáanleg að ...
Þetta sígilda og vinsæla nótnahefti er nú loksins fáanlegt aftur eftir langt hlé, en í því er fjöldi skemmtilegra laga sem Anna Pálína og Aðalsteinn Ásberg sendu frá sér á hljómplötunum Berrössuð á tánum og Bullutröll. Hér birtast þau í aðgengilegum útsetningum Gunnars Gunnarssonar ásamt bókstafshjómum.
Ágrip af hálfrar aldar sögu
Hér er „brunað“ í gegnum 50 ára sögu Kvartmíluklúbbsins. Greint er frá skrautlegum aðdraganda að stofnun hans og fjölmörgum ökumönnum er fylgt eftir á misjöfnum ökutækjum. Við sögu koma prjónandi kryppa, græn padda, kókosbolla, sérbökuð vínabrauðslengja, auk allra Monzanna, Chevrolettanna, Pontiacanna, Camaroanna, Willysanna og Yamaha-hjólanna.
Landhelgisgæsla Íslands hefur staðið vaktina í 100 ár. Hún nýtur mikils velvilja landsmanna og meira trausts en aðrar íslenskar stofnanir. Í þessari bók er tæpt á því helsta sem við hefur borið hjá Landhelgisgæslunni, björgunarstörfum, átökum á miðunum og mörgu öðru. Magnaðar myndir prýða bókina.
Skemmtileg og fræðandi bók um líf og starf í leikskólum víða um land ásamt frásögnum af ýmiskonar þróunarstarfi og innleiðingu á nýjungum í uppeldi barna. Í bókinni eru einnig skemmtilegar sögur af samskiptum barna sín á milli og við starfsfólk leikskólanna ásamt nokkrum frábærum gullkornum sem fallið hafa af vörum einlægra barna.
Íslenskar bókmenntir í þúsund ár
Saga íslenskra bókmennta frá upphafi til okkar daga, þúsund ára ævintýraleg atburðarás fjörlega rakin af Halldóri Guðmundssyni. Um leið og hann segir frá meginþráðum bókmenntasögunnar, fjölda höfunda og verka, allt frá fornritum til innflytjendabókmennta, leggur hann mat á mörg verkanna og bregður upp svipmyndum af skáldum og starfi útgefanda.
Líf með Íslandi er opinská lýsing á því Íslandi sem var á sjötta áratug 20. aldar og þar er að finna einstæða palladóma og frásagnir um framámenn í menningarlífi landsins. Höfundurinn Helena Kadečková (1932–2018) var tékkneskur rithöfundur og þýðandi. Einstæð heimild um það Ísland sem var.
A Thousand-Year Journey from Viking Iceland to the Dakota Plains
Gary Goodman heyrði fyrst á ættarmóti að forfaðir hans í 24. lið hefði verið skáldið og vígamaðurinn Egill Skallagrímsson. Þessi uppgötvun varð honum hvatning til að komast að því hvaða leið forfeður hans höfðu farið frá Íslandi miðalda til sléttanna í Norður-Dakóta á síðari hluta 19. aldar.
Jóns Jónssonar prests og læknis í Árskógi og á Grenjaðarstað
Jón Jónsson (1772–1866) var prestur í Stærri-Árskógi og á Grenjaðarstað. Þótt hann væri ekki læknislærður fékk hann leyfi til að stunda lækningar í sinni sókn árið 1812. Hér eru birtar tvær af átta ítarlega færðum dagbókum hans um læknisverkin með nöfnum sjúklinga, nákvæmum lýsingum á sjúkdómum og hvernig hann reyndi að bæta úr meinum.