Aðeins fleiri Pabbabrandarar 2
Veislan heldur áfram með nýjum skammti af pabbagríni. Jafnvel enn súrara og langsóttara en í síðustu bók.
Fræðirit, frásagnir og handbækur
Rammvillt í reikningskúnstum
Hvernig fegurð villir um fyrir eðlisfræði
Eru vísindin á villigötum? Hafa vísindamenn horfið frá hinni vísindalegu aðferð? Hafa þeir villst af leið fyrir fegurðar sakir? Sent frá sér ritgerðir sem bæta litlu við núverandi þekkingu?
Réttlæti hins sterka
Ádeila á dómskerfið og Alþingi
Fjallað um hvernig dómsmál fer fram. M.a.: Mikill illfyrirsjáanlegur kostnaður, auðvelt að dæma hverjum sem er í vil, mál sem eru þanin út, úrelt kerfi vilhallt þeim sterka, gildrur, vettvang lyginnar og rannsókn undirskrifta.
Rimsírams
Þessi fjörlega bók geymir skáldskap og skoðanir, minningar og mas, brýningar og boðskap – allrahanda rimsírams. Guðmundur Andri lýsir hér hversdögum og sparidögum, morgunstundum og draumanóttum, rýnir í fortíð og samtíð og framtíð, sjálfan sig og samfélagið. Stílvopnið er vel yddað og lesendum boðið upp í dans við orð og hugmyndir um allt sem er.
Stærðfræði 1, 2A, 2B, 3A, 3B, 3C
Hér er um að ræða nýja útgáfu af stærðfræðibókum Gísla Bachmann og Helgu Björnsdóttur sem komið hafa út undanfarin ár og ætlaðar eru nemendum á 1., 2. og 3. þrepi í framhaldsskóla.
Tíminn minn 2024
Hlý og fallega myndskreytt dagbók eftir íslensku listakonuna Björgu Þórhallsdóttur.
Upp á punkt
Upprifjun grunnþátta í stærðfræði
Ný og endurbætt útgáfa sem ætluð er nemendum sem eru að hefja nám í framhaldsskóla en skortir leikni í stærðfræði. Við efnisval var tekið mið af námskrám bæði efstu bekkja grunnskóla og grunnáfanga framhaldsskóla með það að leiðarljósi að brúa bilið þar á milli. Bókin er einnig heppileg til kennslu í 9.–10. bekk grunnskóla.
Verkefna- og gæðastjórnun fyrir byggingagreinar
Handbók stjórnenda við mannvirkjagerð frá stofnun fyrirtækja til afhendingar mannvirkja.
Þessi bók er hugsuð fyrir nemendur í byggingagreinum sem og stjórnendur við mannvirkjagerð, en að sögn höfundar á gæðastjórnun að vera einföld, leiðbeinandi og upplýsandi fyrir stjórnendur, starfsfólk, viðskiptavini og birgja þannig að þessir aðilar þekki til hlítar ábyrgð, hlutverk, væntingar og kröfur hver annars.
Vesturbærinn
Húsin - Fólkið - Sagan
Vesturbærinn á sér um margt sérstaka sögu. Hér er lítillega tæpt á nokkrum þáttum hennar og sjaldnast er fólkið í hverfinu langt undan. Margir eru kallaðir til; innfæddir, brottfluttir og aðfluttir Vesturbæingar og eflaust vakna einhvers staðar sterkar endurminningar. Vesturbærinn er fróðlega bók og fyndin og sannarlega þess virði að lesa.
Völvur á Íslandi
Frá elstu tímum eru til sagnir um konur, sem vissu lengra nefi sínu. Þekktastar eru tvímælalaust völvurnar. Þær nutu mikillar virðingar, stundum reyndar óttablandinnar, enda voru þær á mörkum tveggja heima og höfðu vitneskju um það, sem flestum ððrum var hulið. Sumum þeirra fylgja magnaðar sögur og þær finnur þú í þessari einstöku bók.