Síða 2 af 7
Í þessu fagurlega myndskreytta smáriti er að finna glæsilegar biblíumyndir, flúraða upphafsstafi og litríkar teikningar af ýmsu tagi úr íslenskum miðaldahandritum, ásamt fróðleik um innihald og sögulegt samhengi myndskreytinganna.
Sviðsmynd
Í þessari vel ígrunduðu bók dregur þýski öryggisfræðingurinn Carlo Masala upp sviðsmynd þar sem sigur Rússa í Úkraínu leiðir til nýs hættuástands í Evrópu. Á raunsæjan hátt sýnir höfundur hvernig atburðarás sem kann að virðast ólíkleg getur á skömmum tíma breytt öryggisskipan Evrópu og samskiptum vestrænna þjóða innan NATO.
Einræðisherrarnir sem vilja stjórna heiminum
Frá Moskvu til Peking, frá Teheran til Caracas hafa myndast tengsl milli stjórnvalda, auðmanna, áróðursmiðla, leyniþjónusta og alþjóðlegra viðskiptaneta sem vinna markvisst að því að styrkja einræðisstjórnir og veikja lýðræðisríki. Höfundurinn er einn þekktasti stjórnmálaskýrandi og sagnfræðingur samtímans.
Skaftáreldar og móðuharðindin
Skaftáreldar og móðuharðindin eru mestu náttúruhamfarir sem hér hafa orðið á sögulegum tíma. Fimmtungur landsmanna dó og þúsundir fóru á vergang; straumar flóttafólks bárust vítt og breitt um landið, bústofn féll unnvörpum og hungursneyð geisaði. Þessir örlagatímar lifna við á einstæðan hátt í meðförum þessa vinsæla höfundar.
Hvað þýðir þumall frá yfirmanninum? Af hverju er saklaus broskall orðinn passíf-agressífur og hvernig getur kúkurinn tryggt þér launahækkun? Bráðfyndin kennslubók í ritmáli nútímans sem brúar bilið milli kynslóða, jafnt á vinnustaðnum sem í fjölskylduspjallinu. Að lestri loknum verður þú reiprennandi í emoji köllum.
Saga evrópskra mótorhjóla á Íslandi
Mótorhjólið hefur í meira en öld verið tákn frelsis og ævintýraþrár. Um leið endurspeglar heillandi saga þess tækniframfarir og breytta tíma. Í þessari bók er rakin saga evrópskra mótorhjóla hér á landi – frá fyrstu hjólunum sem ruddu sér leið um íslenska vegi til þeirra fjölbreyttu gerða sem síðar urðu hluti af samfélaginu.
Sorgarsaga úr íslenskri stjórnsýslu
„Þetta var hryllilegasti dagur lífs míns,” segir Pétur en þann dag var hann borinn þeim sökum að hafa áreitt samstarfskonu sína kynferðislega. Heimurinn fór á hvolf og hann skildi hvorki upp né niður. Í bókinni er lýst forkastanlegri málsmeðferð auk þess sem höfundur lýsir eigin sálarstríði. Upplýsingar eru á facebook síðu með nafni bókarinnar.
Skýrsla handa akademíu
Laust eftir síðustu aldamót sá íslenskur bókmenntafræðingur fyrir sér að líkamsleifarnar sem hvíla í gröf Jónasar Hallgrímssonar á Þingvöllum yrðu sendar til DNA-greiningar á danskri rannsóknarstofu. Hann samdi ótímabæra skýrslu til að tryggja að erfðafræðingurinn, sem annast myndi rannsóknina, gæti glöggvað sig á viðfangsefninu.
Inngangur að annarsmálsfræðum
Birna Arnbjörnsdóttir, prófessor emeritus við Háskóla Íslands, hefur um árabil rannsakað og gefið út rit um sambýli tungumála hjá einstaklingum og samfélögum. Bókin er inngangur að annarsmálsfræðum fyrir kennara, kennaranema og aðra sem vilja dýpka þekkingu sína á fjöltyngi og áhrifum þess á nám sívaxandi hóps fjöltyngdra ungmenna á Íslandi.
Saga og minningar
Vorið 2025 voru fimmtíu ár liðin frá því að fyrstu stúdentarnir útskrifuðust frá Flensborgarskóla í Hafnarfirði. Skólinn á sér þó lengri sögu og afar merkilega. Hér er sú saga rakin í máli og myndum auk þess sem 22 Flensborgarstúdentar rifja upp minningar sínar úr skólanum.
Gleði og sorgir í Hornbjargsvita
Harmþrungnar, glaðbeittar og sumpart ævintýralega fjarstæðukenndar frásagnir af fólki sem átti það sameiginlegt að velja sér búsetu á einum afskekktasta og harðbýlasta stað landsins. Fólkið í vitanum er samfelld saga vitavarða og fjölskyldna þeirra í Hornbjargsvita í 65 ár. Brjóstamjólk út í kaffið. Kýr sem þjáðist af heimþrá og músafár.
Bandaríkin á öldinni okkar: Hryðjuverkastríð, efnahagshrun og endalok heimsveldis
Hér er fjallað um Bandaríkin á 21. öld, uppruna og afleiðingar 11. september, efnahagshrunið sem öllu breytti og sundrung þjóðarinnar. Að hætti hússins fléttar höfundur eigin upplifanir inn í frásögnina. Bruce Springsteen kemur nokkuð við sögu og jafnvel Rocky er sóttur heim í þessu landi sem ávallt virðist geyma bæði það besta og það versta.
Bókina skrifa tvær vinkonur sem eru báðar félagssálfræðingar og starfa í sitthvori heimsálfunni, önnur sem prófessor í Malasíu og hin sem vinnusálfræðingur á Íslandi. Þær langaði að bera saman samfélög sín með gleraugum hamingjufræða og jákvæðrar sálfræði.
Heimsbókmenntir á Íslandi 1913 – 1943
Fullveldisárin voru tímabil umróts í íslensku menningarlífi. Lögð var áhersla á að byggja upp kröftuga íslenska nútímamenningu og kynna nýjustu og mikilvægustu strauma alþjóðlegra bókmennta fyrir lesendum. Hér er sjónum beint að margbrotinni þýðingaútgáfu þessa tímabils þegar hugmyndin um heimsbókmenntir var að taka á sig mynd hérlendis.
Gripla er alþjóðlegt, ritrýnt tímarit á sviði norrænna fræða fyrri alda og kemur út í desember á hverju ári. Tímaritið er alþjóðlegur vettvangur fyrir rannsóknir á sviði íslenskra og norrænna fræða, einkum handrita- og textafræða, bókmennta og þjóðfræða.
Síðasta víðerni jarðar
Hvernig er hægt að bjarga hafinu og þar með plánetunni okkar? Í þessari bók fjallar Sir David Attenborough ásamt Colin Butfield um hafið, sem mótar landið sem við búum á, stýrir loftslagi okkar og skapar loftið sem við öndum að okkur. Attenborough fagnaði 100 ára afmæli á árinu. Verkið byggir á ævistarfi hans og er vonarneisti fyrir framtíðina.
Í nýju ljósi
Um Helförina er jafnan spurt: Hvernig í ósköpunum gat þetta gerst og hvers vegna? Breski sagnfræðingurinn Laurence Rees hefur um aldarfjórðungsskeið rætt við fólk sem lifði Helförina af og einnig þá sem stóðu fyrir henni. Fáar bækur svara þessum spurningum með jafn mannlegum og tæmandi hætti og þessi marglofaða bók sem kemur nú út í kilju.
Áhrif seinni heimsstyrjaldarinnar á íslenskt æskufólk
Það má segja að hernámið sé ein stærsta stundin í sögu þjóðarinnar. En hvernig upplifðu Íslendingar stríðsárin og hver voru samskiptin við herinn? Með því að skoða þessi örlagaríku ár út frá unga fólkinu má draga upp mynd af miklum umbrotum. Herinn kom með vopn og vinnu en honum fylgdu einnig menningarstraumar sem höfðu mikil áhrif á æskulýðinn.