Síða 1 af 2
Safn ferðapistla höfundar frá áratuga einmanalegu rangli um jarðarkringluna. Hann tekur andköf og predikar en brýtur sjálfur allar reglur rétthugsandi manna um velsæmi, málfar og hugtök. Höfundur er ungur og óreyndur þegar hann hlýðir í blindni nakinni konu sem sendir hann inn á Vesturbakkann og eftir það flan er ekki aftur snúið.
Á leið til Nástranda er stutt yfirlit yfir sögu kapítalismans og frjálshyggjunnar og jafnframt heimspekilegar rætur hvors tveggja, svo sem Darwinisma og kenningar um tungumál. Frásagan hefst á rannsókn Sherlock Holmes á dularfullu andláti frjálshyggjunnar nálægt aldamótunum 1900 en það hlutverk færist síðan yfir á hinn rússneska Basil f...
Jónína er nýr íbúi í blokk eldri borgara þar sem hún kynnist litríku fólki á sama reki og endurnýjar jafnframt kynnin við gamlan kærasta frá æskuárunum. Eina andvökunótt verður henni litið út um gluggann og sér þá inn um glugga í næstu blokk að maður er að fremja alvarlegan glæp. Var kona myrt fyrir framan augun á Jónínu eða missýndist henni?
Saga Drangeyjar rakin og greint ítarlega frá þeim margvíslegu nytjum sem Skagfirðingar hafa haft af eyjunni, bæði fuglaveiðum, eggjatekju, fiskveiðum, búfjárhaldi og slægjum – og loks ferðaþjónustu á síðustu árum. Sagt er frá sigmönnum í Drangeyjarbjargi, djarffærni í klettum, slysförum á sjó og landi og mannlífinu í þessari gjöfulu veiðistöð.
Heimsbókmenntir á Íslandi 1913 – 1943
Fullveldisárin voru tímabil umróts í íslensku menningarlífi. Lögð var áhersla á að byggja upp kröftuga íslenska nútímamenningu og kynna nýjustu og mikilvægustu strauma alþjóðlegra bókmennta fyrir lesendum. Hér er sjónum beint að margbrotinni þýðingaútgáfu þessa tímabils þegar hugmyndin um heimsbókmenntir var að taka á sig mynd hérlendis.
Hildur Eir Bolladóttir er prestur og skáld. Árið 2017 hlaut hún tilnefningu til Fjöruverðlaunanna fyrir Hugrekki – saga af kvíða. Þá hefur hún einnig gefið út ljóðabækurnar Líkn og Meinvarp auk smásögu sem kom út fyrr á þessu ári í Pastelritröðinni og ber heitið Prestur fer á stefnumót.
Holt undir Eyjafjöllum var höfuðból í héraði í meira en þúsund ár og lengst af helgur kirkjustaður. Þar hefst sagan sem rakin er í þessari bók, og nær til ábúenda á staðnum og fólksins í sveitinni. Hér tengjast saman víddir tímans, hestar og menn, fjöll og fjara, galdrar og góðkvendi, hvaðeina fær hér sitt rými í samhangandi sögu.
Hvalveiðibátar Miðhvals hf. halda til veiða. Whalepeace, skip hvalfriðurnarsinna, er komið til hafnar í Reykjavík. Hvalavinir mótmæla á Austurvelli og við ónýtu hvalveiðibátana við Ægisgarð. Forsprakki hvalavinanna, Tom Waitrose, hverfur sporlaust. Launfyndin saga og grípandi samfélagsádeila.
Ljóðið fylgir okkur og eins getum við fylgt ljóðinu. Það tengir okkur við gang lífsins, lætur okkur staldra við og veita eftirtekt. Einnig verða ljóð til í andakt og geta þróast inn í ókunna hugarheima. Höfundur er geðhjúkrunar- og fjölskyldufræðingur og hefur starfað sem sérfræðingur í heilbrigðiskerfinu en jafnframt kennt í bæði HÍ og HA.
Ef lífið bara væri/ samansett af eintómum lokastundum, /ég fyndi ávallt til þessa vandræðalega/ hamingjutrega kveðjandi lífs,/ lifði ég glaður að eilífu … Höfundur hefur áður sent frá sér skáldsöguna Óljós - saga af ástum.
Líf með Íslandi er opinská lýsing á því Íslandi sem var á sjötta áratug 20. aldar og þar er að finna einstæða palladóma og frásagnir um framámenn í menningarlífi landsins. Höfundurinn Helena Kadečková (1932–2018) var tékkneskur rithöfundur og þýðandi. Einstæð heimild um það Ísland sem var.
Myndir og texti Eyjólfur Kjalar Emilsson
Niðursetningurinn Einar Gíslason deyr voveiflega í fjárhúsunum í Skálmardal í Múlasveit. Slys, segir bóndinn Jón rúgkútur. En sár á höfði og járnnaglar sem reknir eru upp í iljar þess látna segja aðra sögu. Hér er rakin hrollvekjandi spennusaga byggð á heimildum úr skjölum og rannsókn á vettvangi. Mögnuð frásögn af dularfullu sakamáli á 19. öld.
Saga Mosa, samtaka áhugafólks um umhverfismál, útivist og mannlíf í Mosfellsbæ, og hvernig þessum grasrótarsamtökum tókst að hafa veruleg áhrif á nýtingu landgæða í sveitarfélaginu með því að beita sér gegn óhóflegri malartekju. Útgáfan er tileinkuð Andrési Arnalds.
Í nótt semur tónskáldið í / gula húsinu næturljóð fyrir / neðansjávarbásúnu og strengi. Höfundurinn Gunnar Randversson fæddist á Akureyri 1959 en ólst upp á Ólafsfirði. Neðansjávarbásúnan er sjötta ljóðabók Gunnars sem einnig hefur sent frá sér smásagnasafnið Gulur Volvo.
Finnur Magnússon lifir spennandi tíma og er frægastur Íslendinga á sinni tíð fyrir vísindastörf sín. Frægðarsól hans rís hátt en hrapar hraðar en nokkur halastjarna er hann ræður rúnagátuna miklu í Blekinge í Svíþjóð og skrifar þykka bók um það forna letur – sem reynist svo ekki annað en jökulristur á veðraðri klöpp.
Í veröld þar sem fólk situr af sér dóma í sýndarveruleika, án samskipta við umheiminn, skapast möguleiki á að kerfið sé misnotað. Refsingin er vísindaskáldsaga sem fjallar um hefnd, einangrun, stéttaskiptingu og einhæf skrifstofustörf. Fyrsta bók höfundar.
Ljóðin í þessari bók fjalla mest um ástina, dauðann og guð. Þau eru frá mörgum löndum og ýmsum tímum. Það sem sameinar höfunda þeirra er að þeir miðla hugsun um að jarðneskt líf okkar sé hluti af stærri heild.