Síða 7 af 7
Íslenski þjóðbúningurinn er sprottinn úr þjóðlegum og alþjóðlegum farvegi í senn. Saga hans veitir innsýn í íslenska menningu. Brúðarbúningur með ríkulegu kvensilfri og háum faldi á höfði var glæstasta gerð búningsins. Horfið er á vit fortíðarinnar, m.a. til sumarsins 1809 þegar dýrmætasti faldbúningurinn, sem varðveist hefur, var í sviðsljósinu.
Sægarpur og skörungur
Þuríður formaður (1777–1863) var einstök kona á sínum tíma. Hún fór ung til sjós og var lengi aflasæll skipstjóri. Hún sótti rétt sinn og annarra fyrir dómstólum og átti stóran þátt í að upplýsa hið alræmda Kambsrán. En þrátt fyrir óvenjulegt hugrekki, ósérhlífni og óbilandi seiglu slapp hún ekki undan hörðum veruleika nítjándu aldar.
Fyrra bindi
Tvö bindi, fjórtánda bók sem að út kemur eftir Jónas Gunnar Einarsson, safn smágreinar, hugleiðingar, örsögur, smásögur, prósaljóð og farið vítt um völl.
Ein æfing á dag, allt árið. Hreyfidagatalið er aðgengilegt, margnota æfingadagatal fyrir eldra fólk með fjölbreyttum æfingum, s.s. fyrir styrk, jafnvægi, úthald og heilaleikfimi með möguleika á aðlögun eftir getu. Samhliða æfingunum fléttast inn mikilvæg fræðsla um vellíðan og andlega heilsu og þannig færist heilsuefling inn á heimilin.
Hugmyndaferðalag um nútímann, nýliðna sögu og framtíðina. Bergur Ebbi skrifar af smitandi eldmóði, skynsemi og þekkingu um heitasta málefni samtímans, gervigreind, og leitast við að útskýra hvers vegna hún er annað og meira en tækninýjung. Persónuleg og brýn skrif, óður til skapandi hugsunar, töfra tungumálsins og alls þess sem gefur lífinu gildi.
Sagnaþættir um nafnkunnugt fólk fyrr á tíð – uppruna þess og ættartengsl, ástir og átök, vonir og vonbrigði, gleði og sorg. Hér eru raktar sögur fólks sem hvert með sínum hætti markaði spor í lífinu og skildi eftir sig litríkar minningar. Allir eiga sér sögu – og í sögum þeirra sem á undan okkur fóru leynist einnig brot af okkar eigin.