Síða 5 af 5
Áleitið sálfræðidrama þar sem hinn níu ára gamli Lawrence, sem býr yfir visku langt umfram aldur, berst fyrir því að halda fjölskyldunni saman þegar öllu sem hann þekkir er snúið á hvolf. Breski rithöfundurinn Matthew Kneale er einnig höfundur verðlaunabókarinnar English Passengers sem talin er ein af 25 bestu skáldsögum þessarar aldar.
Íslenski þjóðbúningurinn er sprottinn úr þjóðlegum og alþjóðlegum farvegi í senn. Saga hans veitir innsýn í íslenska menningu. Brúðarbúningur með ríkulegu kvensilfri og háum faldi á höfði var glæstasta gerð búningsins. Horfið er á vit fortíðarinnar, m.a. til sumarsins 1809 þegar dýrmætasti faldbúningurinn, sem varðveist hefur, var í sviðsljósinu.
Þrjár sögur, sem komu fyrst út árið 1877, eru meðal rómuðustu verka franska rithöfundarins Gustaves Flaubert. Sögurnar hverfast um margbreytileika mannlegra tilfinninga og beitir höfundur ólíkum frásagnaraðferðum eftir efni hverrar sögu.
Sægarpur og skörungur
Þuríður formaður (1777–1863) var einstök kona á sínum tíma. Hún fór ung til sjós og var lengi aflasæll skipstjóri. Hún sótti rétt sinn og annarra fyrir dómstólum og átti stóran þátt í að upplýsa hið alræmda Kambsrán. En þrátt fyrir óvenjulegt hugrekki, ósérhlífni og óbilandi seiglu slapp hún ekki undan hörðum veruleika nítjándu aldar.
Það er ekki alltaf auðvelt að borða matinn sinn! Hjálpaðu Nikó að leggja á borðið og smakka alls konar nýjan mat. Tog- og flipabók. Bók sem eflir hreyfifærni og þroska ungra barna.
Eftir mikið óveður á Orkneyjum finnst lík Archie Stout. Hann hafði verið myrtur. Morðvopnið finnst skammt frá, steinn með fornum áletrunum. Archie var litríkur persónuleiki og naut vinsælda. Dauði hans er áfall fyrir samfélagið. Lögregluforinginn Jimmy Perez, sem býr nú á Orkneyjum ásamt sambýliskonu sinni og syni, gengur í að leysa morðgátuna.
Sagnaþættir um nafnkunnugt fólk fyrr á tíð – uppruna þess og ættartengsl, ástir og átök, vonir og vonbrigði, gleði og sorg. Hér eru raktar sögur fólks sem hvert með sínum hætti markaði spor í lífinu og skildi eftir sig litríkar minningar. Allir eiga sér sögu – og í sögum þeirra sem á undan okkur fóru leynist einnig brot af okkar eigin.