Síða 2 af 5
Þegar uppistandarinn Lina Gyllenborg finnst látin á heimili sínu er Jonas kærasti hennar ásakaður um að hafa myrt hana. Hann lýsir yfir sakleysi sínu en bæði lögregla og almenningsálit telja hann sekan. Samt sem áður er hann sýknaður fyrir dómi. Fjórum árum síðar ræður Jonas réttarsálfræðinginn Rebeccu Lekman til að hjálpa sér að finna morðingjann.
Gilbert Pinfold er hlédrægur, katólskur rithöfundur sem glímir við svefnleysi og ritstíflu. Í von um hvíld heldur hann í langferð með farþegaskipi. En þar fara brátt undarlegir hlutir að gerast. Bráðfyndin skáldsaga um raunir miðaldra rithöfundar eftir eitt af höfuðskáldum enskra bókmennta á tuttugustu öld.
Þegar lögregluforinginn Ryan er neyddur til að taka sér leyfi frá störfum finnur hann sér griðastað á eyjunni Holy Island í Norðymbralandi á Englandi. Stuttu síðar er friðurinn rofinn þegar ung kona finnst látin í hinum fornu klausturrústum á eyjunni.
Þegar sæfarinn og ævintýramaðurinn Jem Rosco birtist óvænt í bænum Greystone í Devon vekur það óskipta athygli. En skömmu síðar hverfur hann sporlaust. Lík hans finnst í litlum báti undan Scully Cove, vík sem er sveipuð þjóðsagnakenndri dulúð. Rannsókn málsins reynist rannsóknarlögreglumanninum Matthew Venn erfið vegna fortíðar hans í Greystone.
Hlý og uppörvandi skáldsaga um konu sem brýtur upp ævilangt lífsmynstur, um ást sem krefst ekki undirgefni og hugrekkið sem þarf til að lifa í sátt við sjálfa sig. Bókin varð metsölubók í Svíþjóð, enda ber hún öll höfundareinkenni Vivecu Sten, glæpasagnahöfundarins ástsæla, sem hér skrifar sína fyrstu ljúflestrarbók.
Ferðasaga kúrekans segir frá rekstri þrjú þúsund nautgripa frá Rio Grande í syðsta hluta Texas í Bandaríkjunum allt norður til Montana árið 1882. Ferðin tekur fimm mánuði. Á leiðinni kynnist sögumaður, piltur um tvítugt, langrekstrarlífinu, hættum þess og erfiðleikum.
Fjögur yndisleg börn, fallegt gamalt hús, ástríkir ættingjar og vinir – líf Harrietar og Davids Lovatt er hamingjusamt og gleðiríkt. En þegar fimmta barnið fæðist leggst dimmur skuggi yfir heimilislífið. Hinn ungi Ben er stór og ófrýnilegur, ofbeldisfullur og stjórnlaus. Áhrifarík skáldsaga eftir Nóbelsverðlaunahafann Doris Lessing.
Stelpa og strákur hittast óvænt í erlendri borg og verða ástfangin. Þau koma úr ólíkum menningarheimum og átta sig fljótt á því að þeirra bíða margar og erfiðar hindranir eigi heitar tilfinningar að dafna. Ástin er voldugt afl en nær miskunnarlaus veruleikinn að buga hana?
Gamlárskvöld, kvöld töfra, byrjar á hefðbundinn hátt hjá menntaskólastúlkunni Bergdísi. Hún fer í partí hjá vinkonu sinni. Eftirvæntingin er mikil. En hefðbundið gamlárskvöld hrindir af stað óvæntri atburðarás. Ástin knýr dyra þegar Bergdís kynnist Hrafni á nýársnótt. En þessari ást fylgir ógn og verur af öðrum heimi. Eða eru álfar kannski menn?
Í vindasömum strandbæ að nafni Concarneau særist vínkaupmaður nokkur hættulega í skotárás. Það hrindir af stað röð undarlegra atburða og brátt grípur um sig mikill ótti í bænum. Svo virðist sem einhver ætli sér að ráða alla áhrifamenn bæjarins af dögum. Maigret lögregluforingi tekst á við rannókn málsins sem leiðir í óvæntar áttir.
Síðasta víðerni jarðar
Hvernig er hægt að bjarga hafinu og þar með plánetunni okkar? Í þessari bók fjallar Sir David Attenborough ásamt Colin Butfield um hafið, sem mótar landið sem við búum á, stýrir loftslagi okkar og skapar loftið sem við öndum að okkur. Attenborough fagnaði 100 ára afmæli á árinu. Verkið byggir á ævistarfi hans og er vonarneisti fyrir framtíðina.
Morð og ráðgátur frá drottningu glæpasagnanna
Haustið er tími þokukenndra morgna, fallinna laufa og notalegra kvölda heimafyrir þegar vindurinn gnauðar úti. En þegar dagarnir styttast og næturnar lengjast verða skuggarnir dekkri og kyrrðin leyndardómsfyllri. Hercule Poirot, ungfrú Marple og fleiri ástsælir spæjarar Agöthu Christie takast hér á við ráðgátur þar sem ekkert er eins og sýnist.
Lífið virðist blasa við Charlie. Hún gegnir draumastarfinu hjá uppboðsfyrirtæki, býr í fallegri íbúð, á ástríka fjölskyldu og er yfir sig ástfangin af hinum heillandi Philip. En í glæsilegri afmælisveislu sem hann heldur henni birtist lögreglan skyndilega og handtekur hana.
Í nýju ljósi
Um Helförina er jafnan spurt: Hvernig í ósköpunum gat þetta gerst og hvers vegna? Breski sagnfræðingurinn Laurence Rees hefur um aldarfjórðungsskeið rætt við fólk sem lifði Helförina af og einnig þá sem stóðu fyrir henni. Fáar bækur svara þessum spurningum með jafn mannlegum og tæmandi hætti og þessi marglofaða bók sem kemur nú út í kilju.
Farsæll matvörukaupmaður finnst myrtur með hrottalegum hætti í einu af fínni sumarhúsahverfum Linköping. Lögreguforinginn Malin Fors og samstarfsfólk hennar fara með rannsókn málsins. Var kaupmaðurinn fórnarlamb fjölskyldudeilna eða var hann myrtur í pólitískum tilgangi? Eða bjó eitthvað allt annað að baki?
Velkomin til New York þar sem jólaljósin skína, snjókorn falla og ástin bíður handan við hornið! Evie Green fær óvænt tilboð um að dvelja á fimm stjörnu hóteli á Fimmtu breiðgötu yfir jólin. Þar verður Noah á vegi hennar, knattspyrnustjarna með laskaða ímynd. Verða jólatöfrar borgarinnar sem aldrei sefur til þess að þýða tvö frosin hjörtu?
Áhrifamikil og djörf endursköpun á skáldsögunni frægu 1984 eftir George Orwell. Hér beinist sjónarhornið að Júlíu, ástkonu Winstons Smith, aðalsöguhetju 1984. Mögnuð skáldsaga um hlutskipti kvenna undir stöðugu eftirliti Stóra bróður sem býður jafnframt upp á ferska sýn á hið sígilda verk Orwells.
Kósístund með Molang og Piu Piu. Komdu með á krúttlegt kaffihús. Fullkomin bók fyrir alla sem elska notalega og skapandi skemmtun. Í þessari heilandi litabók eru á boðstólum ljúffengar bollakökur, búbblute, ís og margt fleira gott! Stútfull litabók með heillandi myndum fyrir yngri og eldri listamenn.