Síða 4 af 5
Í þessari bráðfyndnu og furðulegu sögu slást lesendur í för með félögunum Jesse og Lee. Leið þeirra liggur frá hriplekum forstofum í San Francisco til klettaveggja Big Sur þar sem lífið snýst um froskakvak, vináttu, ódýr vín, blekkingar, hamingju og leitina eilífu að tilgangi lífsins.
Matreiðslubók frá hafsbrúninni
Hvað er ljúfara en sumarblíða í sænska skerjagarðinum? Einstök matreiðslubók, glæsilega myndskreytt, þar sem metsöluhöfundurinn Viveca Sten reiðir fram ómótstæðilega rétti en bregður jafnframt upp lifandi svipmyndum og sögum af lífi fólksins í sænska skerjagarðinum fyrir utan Stokkhólm.
Atvik í bakaríi vekur upp minningar hjá Kari Helene Bieler um hvað raunverulega gerðist þegar litli bróðir hennar lést sem ungbarn fyrir sextán árum. Leyndin sem umlokið hefur dauða barnsins hefur reynst einstakt skjól fyrir siðblindingja sem hefur lifað tvöföldu lífi í mörg ár.
Ljóðrýni
Skáldið, rithöfundurinn og bókmenntaprófessorinn Njörður P. Njarðvík rýnir í 39 ljóð eftir 38 af okkar fremstu skáldum. Njörður greinir uppbyggingu ljóðanna, merkingu þeirra og tilætluð áhrif í samspili orða, hljóms og menningar. Ljóðrýni þessi á uppruna sinn í kennslu Njarðar í íslenskum bókmenntum við Háskóla Íslands.
Bækur Mou Herngren fjalla á listilegan hátt um mannleg samskipti. Í þessari bók er sjónum beint að samskiptum þriggja systkina. Hvert þeirra sér æsku sína með ólíkum hætti. Og þau hafa haldið ýmsu leyndu fyrir hvert öðru. En getur fólk alltaf treyst minningum sínum? Og hvaða skyldur hafa systkini í raun og veru gagnvart hvert öðru?
Mannlíf í skjóli Varnarliðsins á Miðnesheiði 1952–2006
Sögur af Vellinum er lifandi heimild um einstakt mannlíf sem blómstraði innan og utan girðingar bandaríska varnarliðsins á Keflavíkurflugvelli í meira en hálfa öld. Andstæður íslenska haftasamfélagsins og amerískra allsnægta urðu til þess að skapa ógleymanlegar sögur, skrautleg uppátæki og hinar sígildu „hjólbörusögur“.
Auður - völd - örlög
Í augum danska búðarsveinsins Thors Jensen var Ísland land tækifæranna. Eftir að hafa þreifað fyrir sér í verslun sannfærðist hann um að framtíðin lægi í íslenskri stórútgerð. Í félagi við syni sína stofnaði hann togarafélagið Kveldúlf og lagði þar með hornstein að einu mesta ættarveldi landsins – veldi Thorsaranna. Bókin er prýdd fjölda ljósmynda.
Bresk kona drukknar í sundlaug við sumarbústað á vesturströnd Danmerkur. Var þetta slys – eða morð? Ef hún var myrt hver gat gerandinn verið? Afbrýðisöm systir hennar? Ósáttar vinkonur? Ástkær eiginmaður? Eða pabbi hennar sem átti í miklum fjárhagskröggum og þurfti á þeim fjármunum að halda sem líftrygging dóttur hans myndi færa honum?
Hjartnæm metsölubók um víða veröld! Bo finnur að líf hans er að fjara út. Líkami hans er að gefa sig og kyrrlátt líf hans er aðeins rofið af daglegum heimsóknum heimaþjónustunnar. Hendur hans verða brátt of máttlitlar til að opna boxið dýrmæta með sjali eiginkonu hans, Frederiku, sem þjáist af alzheimer-sjúkdómnum, en sjalið ber enn ilm hennar.
Sumarið 1874 kom ungur blaðamaður að nafni Max Nordau til Íslands til að fylgjast með þúsund ára afmæli Íslandsbyggðar. Hápunktur ferðarinnar var þjóðhátíðin á Þingvöllum þegar Kristján IX Danakonungur afhenti Íslendingum stjórnarskrá. Hispurslaus og skemmtileg frásögn af íslensku þjóðfélagi á tímamótum.
Morð og ráðgátur frá drottningu glæpasagnanna
Með vorinu hækkar sól á lofti, gróðurinn tekur við sér og lífsgleðin eykst í hjörtum mannanna. En illskan er þó aldrei langt undan. Rétt eins og á öðrum árstímum takast Hercule Poirot, ungfrú Marple, Tommy og Tuppence og margar aðrar ógleymanlegar sögupersónur Agöthu Christie á við ískyggilegt ráðabrugg og háskalega glæpi.
Sönn sakamál 13
Á áttunda áratug síðustu aldar bjó bakari nokkur að nafni Robert Hansen yfir myrku leyndarmáli sem olli skelfingu í Anchorage, stærstu borg Alaska í Bandaríkjunum. Hann hafði gert ósnortin víðerni Alaska að eigin veiðilendum við mannaveiðar. Sönn saga um skelfilegasta raðmorðingja Alaska.
Sex meistaralega samdar sögur eftir kínverska Nóbelsskáldið Gao Xingjian. Sögurnar fjalla um hverfulleika ástar og lífs, vonir og ótta en ekki síst ásækni minninga, þar sem fortíðin verður ekki umflúin. Brugðið upp ljóðrænum myndum af mótum minninga og veruleika þar sem hið ósagða er fangað af listfengi skáldsins og innsæi listmálarans.
Í þessari nafntoguðu skáldsögu segir frá ungum manni, Antoine Roquentin, sem virðist eiga í nokkrum brösum með eigin tilveru. Í áhrifaríkum dagbókarfærslum skráir hann óvægið tilfinningar sínar og skynjanir. Upphaflega átti verkið að heita La Melancholia eða Þunglyndið, en útgefandanum leist ekki á blikuna og stakk upp á Velgjunni í staðinn.
„Hvað étur peningavélin? Hún étur æsku, frjálsræði, lífmagn, fegurð, og umfram allt, étur hún sköpunarmátt. Hún étur gæði og skítur magni.“ – William Burroughs. Í þessari frægu bók segir frá dulrænum skæruher hömlulausra hinsegin ungmenna sem segja siðmenningu Vesturlanda stríð á hendur.
Í þjóðaratkvæðagreiðslunni 29. ágúst 2026 höfnuðu Íslendingar því að aðildarviðræður við Evrópusambandið yrðu hafnar að nýju. Í þessari bók er rakinn aðdragandi þess að málið var lagt fyrir þjóðina og hvernig tilraun íslenskra stjórnvalda til að endurvekja aðildarferlið þróaðist.
Sviðsmynd
Kínversk orrustuþota hrapar í taívönsku loftrými. Í kjölfarið fyrirskipa ráðamenn í Peking árás á Taívan. Bandaríkin, klofin vegna innanlandspólitískra átaka, grípa til varna – en alltof seint. Í þessari sviðsmynd greinir þýskur stjórnmálafræðingur hugsanlegar afleiðingar kínverskrar innrásar í Taívan og bendir á leiðir til að forðast slík átök.
Jakob stendur á tímamótum. Honum vegnar vel í starfi, en sambandið við eiginkonuna er orðið erfiðara en áður, og hann hefur fjarlægst stálpaðan son sinn. Þegar sagan hefst dag einn síðla vetrar eru þau hjónin á leið í bústað austur í sveitum, og tíðindalaus helgi framundan. En atburður, sem gerist þann sama dag boðar harkaleg hvörf í lífi hans.