Setjum saman risaeðlubókin
Þessi bók er ekki bara bók. Hverri risaeðlu fylgir spjald með púslum sem hægt er að taka út. Undir spjaldinu finnur þú áhugaverðar staðreyndir um risaeðlurnar.
Barnabækur - Skáldverk 6-12 ára
Síða 5 af 6
Síðasti dagurinn
Þegar Matthildur vaknar 10. nóvember 2023 óttast hún það versta. Jarðskjálftar hafa skekið heimabæ hennar dögum saman og eldgos vofir yfir. Matthildur reynir að lifa eðlilegu lífi en áður en dagurinn er liðinn hefur fjölskyldan flúið bæinn í ofboði. Sönn saga um náttúruhamfarirnar í Grindavík og eftirleik þeirra sem hlaut Sólfaxa-verðlaunin 2026.
Skaðræðisskepnur
Einu sinni var ...
Þegar Gunnar lendir enn einu sinni í veseni í skólanum ákveða foreldrar hans að senda hann í sveit. Á bænum Steini býr stórskrýtin fjölskylda, óþolandi köttur og beljur sem hætta ekki að skíta. En eitthvað leynist í sveitinni. Eitthvað hættulegt sem felur sig í hrauninu og skilur eftir sig risastór fótspor. Fyrsta bókin í æsispennandi bókaflokki!
Skelfing í Skrímslabæ
Nýtt skólaár hefst í Skrímslabæ með tilheyrandi ævintýrum og skemmtilegum skarkala! Vampírurnar, varúlfarnir og hin skrímslin hafa vanist því að hafa mannabarnið Gullbrá í skólanum en núna bætast tvö börn í hópinn. Það er eitthvað skelfilega skrítið við þessi dularfullu systkini, þau Hans og Grétu.
Stjáni og stríðnispúkarnir Skólapúkar
Sumarfríið er alveg að verða búið og Stjáni er ekki spenntur að byrja aftur í skólanum. Verst af öllu er að stríðnispúkarnir týnast! Hvernig á Stjáni að geta byrjað í skólanum án þeirra?
Spæjarastofa Lalla og Maju Slökkviliðsráðgátan
Dularfullir eldsvoðar herja á Víkurbæ. Sem betur fer eru alls staðar slökkvitæki og annar öryggisbúnaður og allt fer vel. En af hverju hverfa verðmæti eftir að slökkviliðið kemur á staðinn? Spæjararnir Lalli og Maja einsetja sér að leysa ráðgátuna. Litmyndir á hverri opnu. Frábær bók fyrir þau sem vilja byrja að lesa sjálf.
Nadía og netið Snjallræði Nadíu
Nadía er orðin tíu ára og fær nýjan síma. Þetta er besti dagur ævi hennar – þangað til hún uppgvötar andstyggilegar athugasemdir sem gerðar hafa verið við dansmyndbönd vinkonu sinnar. Hver gerir svona – og hvernig getur Nadía hjálpað vinkonu sinni?
Steindís og kastalinn
Það hefur aldrei verið tími hjá mömmu Steindísar til að stoppa við kastalann. En í þetta skipti hefur mamma lofað Steindísi að þær ætli að skoða hann saman. Steindís er mjög spennt fyrir að skoða þennan alvöru kastala og uppgötva hvað leynist þar inni.
Strákurinn með sægrænu augun
Tóbías Mar hefur alist upp um borð í sjóræningjaskipinu Söng sírenunnar undir verndarvæng Sigurmars Sjólfs skipstjóra. Dag einn veita herskip keisaraveldisins Sírenunni grimmilega eftirför. Þá kemst Tóbías óvænt að því að í honum búa magnaðir kraftar sem tengjast hafinu og við tekur mikil hættuför um nýja og framandi heima.
Teiknimyndaránið
Halli og Tóti eru bestu vinir og gera allt saman. Þegar Tóti tilkynnir Halla að hann muni flytja til Svíþjóðar sumarið eftir 7. bekk hrynur veröldin. Vinirnir munu ekki einu sinni ná að horfa saman á framhaldið af uppáhaldsteiknimyndinni sinni, Bankaráninu, áður en Tóti fer! Ja, ekki nema Halli nái að fremja hið fullkomna rán ...
Tólf þulur
Nýortar þulur Þórarins handa börnum, foreldrum þeirra og öðrum aðstandendum. Myndir eru eftir Lindu Ólafsdóttur. Í bókinni hefur skáldið komið sér fyrir í einu helsta kjörlendi íslenskrar tungu, þuluhefðinni, og þylur frá morgni til kvölds um liti og tóna, fugla og veður, tröll og drauga, berjamó og stjörnuhimin, svo fátt eitt sé talið.
Sturla Tvíburaveiðar
Regína og Litlavin eru eins ólíkar í útliti og hægt er. Auk þess ólst Regína upp hjá hertoganum í Normandí en Litlavin hjá vinnuhjúum á Íslandi. Á fjórtán ára afmælisdegi þeirra birtist dularfullt fólk hjá þeim báðum. Fólk sem er með drekapeð í fórum sínum og ætlar að – haltu þér fast – veiða þær. En af hverju? Hverjar eru þessar stelpur?
Bardagakettir Upphaf spádómsins
1. hluti
Heimiliskötturinn Rósi þiggur boð um að verða hluti af gengi villikatta og læra að verða bardagaköttur. Hann fær nýtt nafn, lærir nýja siði og kynnist nýjum vinum. Hann eignast líka óvini og kemst að því að sumir kettir eru ekki hrifnir af því að heimilisköttur fái að verða bardagaköttur. Mun þessi hugrakki og hjartahreini köttur lenda á loppunum?
Uppreisn skordýranna
Kata könguló, Gummi geitungur, Flosi fiðrildi, Margeir maur og öll skordýrin vinir þeirra eru orðin þreytt á því hvað mennirnir eru grimmir og tillitslausir. Þeir kremja skordýrin og kasta í klósett, ryksuga og sprauta á þau eitri. Loks ákveða skordýrin að gera uppreisn og flytja til Surtseyjar. Hvað skyldi þá verða um mannfólkið?
Lestu sögu á 10 mínútum Vampírur í ævintýraferð - Konunglegur köttur - Gleðikakan
Skemmtilega myndskreyttar sögur miðaðar við yngstu lesendurna. Textinn er 400-500 orð og skilningsverkefni eru í lok sögunnar.
Ævintýri hinna fimm fræknu Vel gert, fimm fræknu / Fimm glíma við ráðgátu
Tvær stuttar og spennandi sögur um hin fimm fræknu eftir Enid Blyton. Frábært tækifæri bæði fyrir yngri lesendur og eldri aðdáendur til að njóta sígildra bókmennta eftir höfundinn. Þessar bækur hafa ekki verið fáanlegar á íslensku áður. Að vanda glíma krakkarnir ásamt Tomma við dularfullar ráðgátur.
Versta vika sögunnar
Fimmtudagur
Hefur þú einhvern tíma átt slæma viku? Það hefur Jón Jónsson átt, og þetta er sú vika! Mánudagur var hörmulegur, þriðjudagur var hrikalegur, miðvikudagur var hræðilegur og núna er fimmtudagur. Hann er klæddur eins og trúður! Niðurlægður í vinsælasta sjónvarpsþætti landsins! Rænt af tveimur skúrkum?! Brúðkaup með klósettþema!
Versta vika sögunnar
Föstudagur
Einmitt þegar Jón heldur að vikan geti ekki versnað hrapar hann ofan í risastóra holu. Hann hélt að að gæti ekki sokkið dýpra. En nú er hann FASTUR neðanjarðar! Getur dagurinn versnað? Já! Versti dagur vikunnar til þessa! Sprenghlægilegar bækur um sprenghlægilega viku!