Hér má finna ævintýralegar bækur fyrir yngsta lesendahópinn. Skemmtilegar bækur um dreka, ofurhetjur, leynifélög, prinsessur og íþróttakappa.
Síða 2 af 6
Eyja vaknar á hverjum morgni til að hlúa að ljósinu í vitanum. Mamma hennar hefur verið í burtu lengur en nokkru sinni áður og í ljós kemur að Eyja er ekki sú eina sem saknar foreldra sinna. Allt fullorðna fólkið á Hrafnsey er horfið. Fótspor við hrygginn benda til þess að einhver hafi stigið fæti þangað sem aldrei má fara.
Æsispennandi jóladagatal! Ísabella og Lúkas eru erkióvinir en neyðast til að vinna saman þegar mamma hennar og pabbi hans byrja að deita. Jólin nálgast og það síðasta sem þau vilja er að verja þeim saman. Þau beita því ýmsum brögðum til að reyna að fá foreldra sína til að hætta saman. En tekst þeim það áður en klukkurnar hringja inn jólin?
Nú er Fíasól í tómu tjóni. Ingólfur Gaukur nennir ekki að hanga með henni. Amma Gógó og Afi Donni aflýsa jólunum og æða til Tenerife og Fíasól og fjölskylda elta. Glæpsamlegir atburðir eiga sér stað í Skrímslagarðinum. Fíasól gerist spæjari, tekur málin í sínar hendur og flýgur yfir skynsemismörkin.
Það er eitt stórt vandamál í lífi Fredda. Hann rekur við í tíma og ótíma. Hann ræður ekki við þetta. Maginn er í uppreisn og gerir Fredda lífið leitt alla daga. Stórskemmtileg bók fyrir yngstu lesendurna eftir Helga Jónsson. Líflegar og bráðsmellnar teikningar eftir Hrannar Atla Hauksson.
Skemmtilega myndskreyttar sögur miðaðar við yngstu lesendurna. Textinn er 200-250 orð og skilningsverkefni eru í lok sögunnar. Nú með bæði há-og lágstöfum.
Gogga dreymir um að verða besti fótboltafugl í heimi! Hann sefur með bolta á næturnar, dreymir um gullmedalíur og æfir á hverjum degi með yngri deild Haukaliðsins. Þegar hann verður ekki fyrir valinu í aðalliðinu, hrynur allur heimur hans. Þá uppgötvar Goggi nokkuð sem breytir öllu.
Skemmtilega myndskreyttar sögur miðaðar við yngstu lesendurna. Textinn er 200-250 orð og skilningsverkefni eru í lok sögunnar. Nú með bæði há-og lágstöfum.
(myndskreytt útgáfa)
Harry Potter og Albus Dumbledore halda eina sumarnótt á vit framtíðar sem er ótrygg og váleg. Illskunni vex ásmegin. Galdramálaráðuneytið er í uppnámi og jafnvel Hogwarts er ekki lengur öruggt skjól.
Sjöunda og síðasta bókin um Harry Potter, í einum vinsælasta bókaflokki í heimi. Harry Potter er kominn á lokaskeið sitt í Hogwarts. Hann og vinir hans, Ron og Hermoine, þurfa að finna og eyðileggja helkrossa Voldemorts til að stöðva hann.
Refurinn á snjóbreiðunni keppist við það hvern dag að finna mat og komast í hlýja bælið sitt fyrir myrkur. Stundum er hann heppinn en alls ekki alltaf. Á erfiðum og flóknum degi upplifir litli refurinn eitthvað óvænt og fallegt. Hringrás náttúru og fegurðin í hinu látlausa birtast í þessari hugljúfu heimskautasögu.
Viðhafnarútgáfa
Sérstök viðhafnarútgáfa eins af turnum bókmenntasögunnar er nú fáanleg hjá Kveri bókaútgáfu, en fyrsta útgáfa seldist upp fyrir síðustu jól (’25). Sérlega glæsileg útgáfa og tilvalin gjöf. Þýðing Solveigar Sifjar Hreiðarsdóttur með ljóðaþýðingum Braga Valdimars Skúlasonar hefur hlotið einstaklega lofsamlegar viðtökur.
Una og Ormur eru í næturgistingu hjá ömmu og afa og fá að sofa með góðu sængina hennar ömmu. En af hverju er sængin hennar svona dásamleg? Er hún kannski troðfull af silkimjúkum skýjum? Hreiður, egg og æðardúnn rekur á fjörugan og myndríkan hátt ferðalag æðardúnsins frá hreiðrunum í æðarvarpinu til sængurinnar og svefnpokans.
Hundmann er engum líkur. Þetta er áttunda bókin í bókaflokknum um hann. Fáar ef nokkrar bækur eru jafn fyndnar og Hundmann og er leit að vinsælli barnabókum í heiminum.
Aðfaranótt aðfangadags vaknar Agnes við að jólaálfur millilendir á húsþakinu hennar. Hann var sendur frá Alþjóðlegu hátíðarstofnuninni til að gefa íslensku jólasveinunum þrettán jólagjöf og þakka þeim fyrir vel unnin störf. Það er bara eitt vandamál, hann finnur jólasveinana hvergi!
Hvar er Lóla? fjallar um Davíð dýravin og Lólu, músina hans. Einn daginn laumar Lóla sér með í skólann og leikur þar lausum hala. Davíð og vinir hans verða að finna Lólu áður en bjallan hringir. Tíunda bókin í hinum geysivinsæla bókaflokki Bekkurinn minn.
Stórskemmtileg bók fyrir yngstu lesendurna eftir Helga Jónsson. Inga ætlar sér að verða alþingismaður þegar hún verður stór og er strax byrjuð að æfa sig. Líflegar og bráðsmellnar teikningar eftir Hrannar Atla Hauksson.
Milla og Milla eru mættar aftur til leiks! Nú þarf Milla að vera í pössun hjá ömmu sinni sem er bæði mikil skvísa og nagli, og reynist eiga sér risastórt leyndarmál. Bumban á Línu kennara stækkar, Jónas bróðir er enn sami unglingurinn og Bassi er áfram krúttlegasti hundur í heimi! Sannkölluð lestrarskemmtun með myndum sem dansa á síðunum.
Systkinin Írissa og Issi dvelja hjá Kötu frænku. Hjá Kötu frænku leynist frumskógur með mörgum dýrum og stórum plöntum. Þar gerist margt áhugavert og spennandi.