Síða 4 af 6
Á ískaldri jólanótt finnst óttasleginn drengur einn og yfirgefinn á Laugavegi. Hann veit ekki hver hann er, hvaðan hann kom eða hvert hann er að fara. Enginn leitar hans. Enginn kannast við hann. Á spítalanum kemur í ljós að hann er með blátt blóð og í augum hans blasir himingeimurinn við.
Stelpan og geimrefurinn
Lísa er nýflutt með móður sinni til Lóuvíkur og þarf að byrja í nýjum skóla. Fyrir einhverfa stelpu sem sækir í öryggi, fasta rútínu og kunnuglegt umhverfi er þetta hræðilegt! Bókin er gefin út í samstarfi við Einhverfusamtökin.
Ljóna dreymir um að æfa karate og verða karatemeistari. Börnin í karatesalnum bíða öll í hvítum búningum með hvít belti í fyrsta karatetímanum hans Ljóna. Hvað þarf Ljóni að gera til að verða karatemeistari?
Sprenghlægileg bók um æsi og þursa sem eru komnir hingað til okkar í Miðgarð í líki „venjulegrar“ fjölskyldu. Í þetta sinn verður mikið kaos og hver á að bjarga málunum? Ríkulega myndlýst bók í anda dagbóka sem gerir hana þægilega aflestrar fyrir sjálfstæða lesendur. Lestraraldur 8-12 ára. Fimmta bókin í frábæru ritröðinni um Loka.
Draumarnir rætast
Lói verður eftir þegar mamma hans og langbesti vinur hans, Lóa, fljúga til heitu landanna að hausti. Til þess að lifa veturinn af verður hann að komast á Paradísarvelli þar sem er alltaf hlýtt – og skjól fyrir illfyglinu Skugga. Það gengur þó ekki þrautalaust því að hann þarf að takast á við vetrarstorma og margvíslegar hættur á leiðinni.
Hvað ef ævintýrið væri lífið sjálft? Marteinn getur bara ekki lagt spjaldtölvuna frá sér. Hann tekur hana með sér hvert sem hann fer. Dag einn, þegar hann heimsækir ömmu sína, lendir hann í ótrúlegum ævintýrum – sem hann missir af! Gullfalleg bók með ótrúlegum ævintýrum.
Grallaraleg myndskreytt saga með heimspekilegu ívafi. Dag einn birtist dularfullt lítið gat úti í garði og vekur forvitni Óla og Sissu. Gatið gleypir í sig allt sem kemur nálægt því: steina og prik, sveppi, mjólkurfernu og loks kisuna hans Óla! Þegar krakkarnir ætla að bjarga kisu kemur í ljós að þetta gráðuga gat leynir svo sannarlega á sér.
Matthildur Mía er hálf hagamús og hálf húsamús. Hún er að fara í heimsókn með fjölskyldu sinni í Hagann. Matthildur er spennt fyrir ferðalaginu og að hitta alla en líka smá kvíðin því lífið í Haganum er allt öðruvísi en í borginni og henni finnst hún ekki tala nógu góða hagamúsísku. Bókin hentar vel sem léttlestrarbók.
Ævintýrin um vinina óborganlegu, Orra og Möggu, halda hér áfram. Nýr strákur, Raggi Ronaldo, kemur í hverfið og Magga er ekki ánægð með þá aðdáun sem hann fær. Þau skipuleggja æsispennandi leik, Messi á móti Ronaldo, en hvað eiga þau að gera við frænda Ragga sem er alfarið á móti keppninni?
Þetta er ekki góður dagur hjá Mírabellu. Besta vinkona hennar, Karlotta, hjálpar henni yfirleitt að halda í húmorinn en hún er ekki í skólanum og Mírabella finnur að hún er að komast í vont skap.
Á hverjum laugardegi hjóla músasysturnar í dansskólann. Þar tipla þær á tánum, hoppa og snúast í hringi og sveifla skottinu í takt við tónlistina. Ekkert í heiminum er skemmtilegra! Allt í einu gerðist nokkuð sem enginn átti von á … Hvað skyldi það vera?
Nadía elskar að spila Zombiecraft, sérstaklega með Alex. Nadía bráðnar í hvert sinn sem hún sér hann. Svo fara óhugnalegir hlutir að gerast í Zombiecraft og á sama tíma breytist Alex. Nadíu langar að segja mömmu sinni frá öllu, en hún er upptekin með Magga sem er alltaf í heimsókn. Hvað á Nadía að gera – og hver getur hjálpað Alex?
Einn dimman desembermorgun birtast tvær glitrandi glyrnur í myrkrinu og boða upphafið að stórskemmtilegum ævintýrum þar sem við sögu koma kafloðinn risahundur og dálítið geðvond norn sem búa í skrítnasta kofa í heimi. Sagan vann samkeppni Borgarbókasafnsins og Bókmenntaborgarinnar um jóladagatal ársins 2020 en kemur hér út með glænýjum myndum.
Skemmtilega myndskreyttar sögur miðaðar við yngstu lesendurna. Textinn er 200-250 orð og skilningsverkefni eru í lok sögunnar. Með bæði há-og lágstöfum.
Litlu leiðarvísarnir um sögurnar eftir J.K. Rowling
Hvað var Harry gamall þegar hann byrjaði í Hogwarts? Hver gaf honum Ræningjakortið og hversu stór er Gullna eldingin? Lærðu allt þetta og meira um Harry Potter!
Litlu leiðarvísarnir um sögurnar eftir J.K. Rowling
Hvert er uppáhaldsnámsefni Hermione? Hvernig urðu hún, Ron og Harry vinir og hvernig lyktar Fjallatröll? Lærðu allt þetta og miklu meira um Hermione Granger!
Litlu leiðarvísarnir um sögurnar eftir J.K. Rowling
Hvað á Ron marga eldri bræður? Hvar býr Weasley-fjölskyldan og hvernig afdvergar þú garð? Lærðu allt þetta og miklu meira um Ron Weasley!
Stjáni og bekkurinn hans læra um dýr í útrýmingarhættu og fara í dýragarðinn. Auðvitað fá litlu stríðnispúkarnir hans að koma með en ekki líður á löngu þar til Stjáni þarf að bjarga þeim úr alls konar klandri.