Síða 3 af 6
Ísadóra á að fara í stærðfræðipróf á mánudaginn. Hún er ekki spennt! Bæði líkar henni illa við próf … og stærðfræði. Hún biður Mírabellu frænku sína um hjálp og hún er með það sem Ísadóru vantar; galdraseyði sem býr til falska hlaupabólu. Hvað getur farið úrskeiðis?
Ísadóra er að læra um himingeiminn í skólanum. Eitt kvöldið eltir hún stjörnuhrap á himninum og finnur nýjan glansandi vin. Hún heitir Nóva og fallið til jarðar var bara slys. Það sem er verra er að kettlingur mömmu hennar, hann Plútó, er týndur! Tekst Ísadóru að hjálpa Nóvu að finna kettlinginn áður en hún þarf að fljúga aftur heim?
Bókarkorn
Hér kynnumst við jólasveinunum, Grýlu, Leppalúða og dularfulla jólakettinum. Sögur um þau eiga sér rætur langt aftur í aldir og hafa breyst með þjóðinni og jólahaldi í gegnum tíðina. Þjóðsögur og frásagnir um hrekki, matargræðgi og jólasiði en líka lífið á Íslandi fyrr á tímum og þeim boðskap sem sögurnar geyma. Einnig fáanleg á ensku.
Jólasaga og samverudagatal
Rúnar og amma Kristjana eiga saman notalegar stundir í aðdraganda jólanna. Á hverri opnu eru valin orð útskýrð til að efla orðaforða barna. Með bókinni fylgir jólapoki með myndum sem tengjast sögunni og hægt er að festa á dagatal fremst í bókinni. Þannig verður lesturinn að skemmtilegri niðurtalningu til jóla fyrir alla fjölskylduna.
Zara og Alex, litli bróðir hennar, þurfa að verja jólunum hjá Geirþrúði, fjarskyldri frænku, í skuggalegu iðnaðarhverfi eftir alvarlegt slys rétt fyrir jól. Frænkan reynist alveg hræðileg en til að gleðja Alex lofar Zara honum bestu jólum allra tíma. Til þess að fjármagna það ævintýri þarf hún að leggja mikið á sig, hundelt af rússneskum tvíburum.
Þetta dásamlega og sígilda ævintýri hefur nú verið gefið út í nýrri þýðingu, sem beðið hefur verið eftir með mikilli eftirvæntingu. Vönduð útgáfa með skemmtilegri myndlýsingu, stóru letri, texta sem brotinn er upp með stórri leturstærð og góðu línubili. Upplögð til upplestrar fyrir börn frá 6 ára aldri og unga lesendur á aldrinum 8-12 ára.
Velkomin aftur í Voðagerði – hér er allt að óttast! Kvöld eitt fer Kornelíus niður í kjallara að sækja kartöflur. Fleira leynist þó í kjallaranum, og ekki allt jafn meinlaust og kartöflur. Kornelíus fær Lilju bekkjarsystur sína til liðs við sig og saman kafa þau í leyndardóma myrkratjarnarinnar.
Logi og Stampi eru bestu vinir, en þegar vinir keppa getur allt gerst! Báðir telja sig eiga fleiri kókoshnetur. En hvor hefur rétt fyrir sér? Kókoshnetukeppnin er spennandi og skemmtileg lesbók úr ævintýraheimi Evolytes fyrir 5–10 ára börn. Lestur og stærðfræði fléttast saman í fjörugu ævintýri þar sem eldfimi Loga setur strik í reik...
Fylgist með K-POP hljómsveitunum B-JÚ og ÆS2B á tónleikum, tónlistarhátíðum og í viðtölum. Lesendur nota límmiða og fylgihluti til að klæða stjörnurnar.
1. saga
Frá því að Krummi litli klekst úr egginu á frostköldum vordegi í Rauðhólum er hann sannfærður um að ævintýrin bíði hans. Hann lendir í ýmsum hrakföllum en á alltaf öruggt skjól í faðmi foreldra sinna. Dag einn bjargar hann fuglsunga úr lífsháska og kynnist Kríu sem verður besta vinkona hans.
2. saga
Krummi er floginn úr hreiðrinu, tilbúinn að upplifa ævintýri og bjarga sér sjálfur. Krummi þarf að takast á við ýmsar hættur, eldgos í Grindavík, mikla snjókomu og frosthörkur, en með hjálp nýrra vina – og svolítilla töfra – tekst honum að yfirstíga allar hindranir.
Matti er kominn til Bjarkareyjar og hlakkar til að njóta bæjarhátíðarinnar með Hönnu Stínu, vinkonu sinni. Hann er þó varla stiginn á land þegar furðulegir atburðir eiga sér stað og fyrr en varir dragast vinirnir inn í æsispennandi kapphlaup við tímann þar sem dularfullur íssali, kuldaköst á miðju sumri og gömul leyndarmál koma við sögu.
Lára fær mömmu með sér á skautasvell til að prófa að skauta. Mest langar Láru að hraðsnúast á svellinu í glitrandi kjól en það kemur í ljós að það er ýmislegt sem þarf að læra áður en hún nær slíkri færni. Hversdagssögur Birgittu Haukdal um Láru og bangsann Ljónsa hafa verið metsölubækur í fjölda ára og vinsæl leiksýning verið gerð eftir þeim.
Elías getur varla slitið sig frá nýja tölvuleiknum sínum. Hann gerist á eyðilegum bóndabæ og gengur út á að forða sér frá brjáluðum kanínum sem virðast hafa stökkbreyst eða smitast af hræðilegum sjúkdómi. Eitt kvöldið uppgötvar Elías að bóndabærinn er til í alvörunni. Og það sem meira er, það er eitthvað mikið að kanínunum þar líka.
Skuggalegur einstaklingur bruggar launráð og setur að lokum fjölskyldu Freyju og Frikka og vini þeirra í stórkostlega lífshættu. Lögreglunni gengur ekkert að kljást við sprengjuvarginn en getur Leynifélagið Púkablístran hjálpað? Leikurinn berst frá Hafnarfirði til Reykjavíkur með viðkomu í höfuðborg Alsír, Algeirsborg.
Heillandi og ríkulega myndskreytt saga í bundnu máli sem fylgir systkinunum Siggu og Dóra í gegnum litríkan dag. Ellefu litir ramma inn söguna þar sem hver kafli stendur sem sjálfstætt ljóð, tileinkað einum lit og þeirri stemningu og tilfinningu sem hann ber með sér. Fyrir börn á öllum aldri sem elska rím, hrynjandi og fallega liti.
Bókin er beitt ádeila á útlitsdýrkun og samfélagslegan þrýsting um hlutverk okkar í lífinu. Um leið er hún hjartnæm áminning um að raunverulegur jólaandi felist í því að sýna náunganum kærleika og umhyggju.
Bók fyrir krakka með skemmtilegum þrautum og leikjum sem tengjast íslensku handritunum.